खास चेलों 4:21 - गढवली नयो नियम

²¹ तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।

Garhwali

²¹ तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।

खास चेलों 4:21 ပူးပေါင်းရင်းမြစ်များ

मत्ती 15:31

जब लुखुं ल देखि कि गूंगा बुल्णा छिनी अर लूला-लंगड़ा खूब हवे के हिटणां छिनी अर अंधा दिखणा छिनी त भैंचक मा पोड़ि के इस्राएल का लुखुं का परमेश्वर कि बड़ै कन लगि गैनी।

मत्ती 21:46

अर ऊंल वे तैं पकड़न चै पर उ लुखुं से डरिनि अर वे तैं छोड़ी के चलि गैनी किलैकि उ वे तैं परमेश्वर का तरपां बट्टी बुल्ण वलो मंणदा छा।

मत्ती 26:5

पर उ बुल्णा छा “त्योहार का बगत मा न कखि इन नि हो कि लुखुं मा हल्ला मचि जौं।”

मत्ती 9:33

अर जब यीशु ल दुष्टात्मा तैं वे मनिख बट्टी भैर निकाली दींनि त गूंगो मनिख बुल्ण लगि गै ईं बात पर भीड़ भैंचक हवे के बुल्ण लगि गै “कि इस्राएल का लुखुं का घराना मा पैली इन कभि नि दिखै गै।”

मत्ती 9:8

सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कन लगि गैनी कि जैल मनिख्युं तैं इन अधिकार दींनि।

लूका 13:17

जब वेल या बात बोलि त वेका सभि विरोधी लज्जित हवे गैनी अर सैरी भीड़ वेकी बढ़ै का कामों से जु उ करदो छो खुश हवेनि।

लूका 20:19

वीं बगत मूसा की व्यवस्था तैं सिखांण वला अर प्रधान याजक ल ऊं तैं पकड़न चै किलैकि उ समझी गै छा कि वेल या मिसाल ऊं पर दींनि पर उ लुखुं से डौर गैनी।

लूका 20:6

जु हम बोलुला कि मनिख्युं कि तरपां बट्टी छो सभि लुखुं ल हम पर ढुंग्यो लगाण किलैकि उ सच्ची कै जंणदा छिन कि यूहन्ना सचमुच मा परमेश्वर का तरपां बट्टी बुल्ण वलो छो।

लूका 22:2

अर प्रधान याजक अर मूसा की व्यवस्था तैं सिखांण वला लोग ईं बात कि फिराक मा छा कि यीशु तैं कनके खत्म कैरी दयुला, पर उ लुखुं बट्टी डरदा छा।

लूका 5:26

तब सब ईं बात पर भैचक हवे गै छा अर परमेश्वर कि बढ़ै कन लगि गैनी कि आज हम ल भैवचक्क बात दिखिनि।

खास चेलों 4:17

पर लुखुं मा यु समाचारों कु अर प्रचार नि हवे अर ऊं तैं धमकांवां कि उ यु नौं से फिर कै हैंका मनिख दगड़ी बात नि कैरो कखि या बात लुखुं मा और जादा नि फैली जौं।”

खास चेलों 4:22

किलैकि जु मनिख चमत्कार का काम का द्वारा खूब हुयुं च उ चालिस बरस से जादा उम्र को छो।

खास चेलों 5:13

जौं ल अब तक यीशु पर विश्वास नि कैरी छो कै तैं यु साहस नि हूंद छो कि ऊं दगड़ी मिली जौंन तब भि लोग ऊं की बड़ै करदां छा।

खास चेलों 5:26

जब ऊंल यु सूंणि, तब मन्दिर का रखवलों का सरदार का दगड़ी मन्दिर मा गैनी, अधिकारियों का दगड़ी जै कै, प्रेरितों तैं महासभा का संमणी लै ऐनी, पर जोर जबरदस्ती ल न उ लुखुं बट्टी डरदा छा कि लोग ढुंग्यो मार-मारि के ऊं की हत्या कैरी दयाला।

खास चेलों 5:40

तब ऊंल वेकी बात मांणी अर प्रेरितों तैं बुलै के पिटवै अर ऊं यु आज्ञा दे कि उ अब बट्टी यीशु का नौं मा कुछ नि बोलि अर फिर ऊं तैं मुक्त कैरी द्ये।