खास चेलों 4:13 - गढवली नयो नियम

¹³ जब ऊंल पतरस अर यूहन्ना को साहस देखि अर यु जांणि की यु साधारण मनिख छिन अर परमेश्वर के वचन का कुछ खास शिक्षा नि पै छै उ हकदक हवे गैनी। अगुवों ल ऊं तैं पैछांणि यु सम्भव इलै हवे साकी किलैकि उ यीशु का दगड़ी रौंदा छा।

Garhwali

¹³ अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

खास चेलों 4:13 ပူးပေါင်းရင်းမြစ်များ

मत्ती 11:25

वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।

मत्ती 26:71

जब उ भैर दयाली मा गै त हैंकी दासी ल वे तैं देखि के ऊंमा जु उख छा बोलि, “यु भि त यीशु नासरत वला का दगड़ा मा छो।”

मत्ती 26:73

जरा देर बाद लुखुं ल जु उख खड़ा छा पतरस मा ऐ के बोलि, “सच मा तू भि ऊंमा बट्टी एक छै किलैकि तेरी बोलि-भाषा तेरु भेद प्रकट कनि च।”

लूका 22:8

अर यीशु ल पतरस अर यूहन्ना कु बोलि, “जावा अर हमारा खांण कु बगैर फसह कु भोज तैयार कैरा।”

यूहन्ना 19:26

जब यीशु ल अपड़ी ब्वे अर वे चेला तैं जै बट्टी उ प्रेम रखदु छो संमणी खड़ो देखि त ऊंल अपड़ी ब्वे कु बोलि, “हे नारी देख यु तेरु नौंनो।”

यूहन्ना 7:15

तब यहूदियों ल चकित हवे के बोलि, यु तैं बगैर पैढ़ी कै परमेश्वर का वचन कु ज्ञान कख बट्टी मिली?

यूहन्ना 7:49

पर यु लोग जु मूसा द्वारा लिखीं परमेश्वर की व्यवस्था नि जणदींनि परमेश्वर का द्वारा श्रापित छिन।”

खास चेलों 4:14

ऊंल वे मनिख तैं जु खूब हवे छो पतरस अर यूहन्ना का दगड़ी खड़ो देखि के वे झुण्ड का लोग ऊँका विरोध मा कुछ नि बोलि सकिनि।

खास चेलों 4:19

पर पतरस अर यूहन्ना ल ऊं तैं जवाब दींनि “तुम ही न्याय कैरा क्य यु परमेश्वर का नजर मा भलो च कि हम परमेश्वर कि आज्ञा से बढ़ि के तुमारी आज्ञा तैं मांणा।

खास चेलों 4:29

अब हे प्रभु धर्म का अधिकारियों की धौंस तैं सुनण अर अपड़ा सेवकों तैं यु वरदान दे की तेरु उ वचन बड़ा साहस से सुंणौनु।

खास चेलों 4:31

जब ऊंल पिता परमेश्वर बट्टी प्रार्थना कैरेले छै त व जगह जख उ बैठयां छा हिली गै अर उ सभि पवित्र आत्मा से भुरे गैनी अर परमेश्वर का वचन तैं साहस से सुणौंणा रैनी।

खास चेलों 9:27

पर एक चेला जु बरनबास कहलांदो छो अफ दगड़ी वे तैं प्रेरितों मा ली गै, अर ऊं तैं बतै, कि कन कै दमिश्क शहर का रस्ता मा प्रभु यीशु ल दर्शन दे के बात कैरी; अर दमिश्क शहर मा इलै हिम्मत कैरी के यीशु को नौं को प्रचार कैरी।

खास चेलों 9:28

प्रेरितों ल बरनबास की बातों पर यकीन कैरी, अर इलै शाऊल ऊं दगड़ी रौंदो छो, अर निडर हवे के पूरा यरूशलेम शहर मा यीशु को प्रचार करदो छो।

1 कुरिन्थि 1:27

पर पिता परमेश्वर ल दुनिया का मूर्खों तैं चुणि कि बुद्धिमानों तैं शर्मिंदा करुनु अर पिता परमेश्वर ल दुनिया का कमजोरों तैं चुणि, कि तागतबरों तैं शर्मिंदा करुनु।

1 कुरिन्थि 14:25

पिता परमेश्वर का शुभ संदेश का कारण वे तैं अपड़ी बुरी, गुप्त सोच कु एहसास होलो। अर वे तैं इन एहसास होलो कि उ पापी च अर उ पश्चाताप करलो, अर फिर उ घुंडों पर ऐ के पिता परमेश्वर की आराधना करलो अर मांणी ल्यालो, कि सच मा पिता परमेश्वर तुम्हरा बीच मा च।

2 कुरिन्थि 3:12

इलै इन आस रखि के हम हिम्मत का दगड़ी बोलि सकदा।