खास चेलों 28:2 - गढवली नयो नियम

² उख लुखुं ल हम पर बड़ी कृपा कैरी, बरखा लगिं छै अर जडो लगणु छो इलै ऊंल आग जगै के हमारो प्रेम का दगड़ी स्वागत कैरी।

Garhwali

² अर उखा लोगु न हम पर बड़ी दया दिखै, किलैकि बरखा लगीं छै अर भौत जादा ठण्ड लगणि छै, इलै ऊंन हम खुणि आग जगै अर हमरु स्वागत भि कैरी।

खास चेलों 28:2 ပူးပေါင်းရင်းမြစ်များ

मत्ती 10:42

जु कुई यूं छुटो मा बट्टी एक तैं भि मेरू चेला जांणि कै भस एक गिलास ठंड़ो पांणी पिलालो की तुम मसीह का चेला कहलांदा छा त मि तुम मा सच बुल्ण छौं उ निश्चित रूप से ईनाम पालो।

यूहन्ना 18:18

प्रधान याजक अर मन्दिर का रखवला ठण्ड का कारण कुईला धधकै खड़ा आग तपणां छा अर पतरस भि ऊंका दगड़ा आग तपणु छो।

खास चेलों 27:3

हैंका दिन हम सीदोन शहर मा उतरी ग्यां, अर यूलियुस ल पौलुस पर कृपा कैरी के वे तैं वेका दगड़ियों का दगड़ी जांण दींनि ज्यां बट्टी वेकी जरूरत पूरी हवे साको।

खास चेलों 28:3

जब पौलुस ल लखड़ा कट्ठा कैरी के आग मा रखिनि तब हाल लगण से एक गुरो निकली अर उ पौलुस का हथ पर लिपटी गै।

खास चेलों 28:4

जब उख लुखुं ल वेका हथ पर गुरो (जानवर) लिपटयुं देखि त ऊंल एक हैंका बट्टी बोलि, “जरूर यु आदिम खूनि च हलांकि यु समुद्र बट्टी बचि के ऐ गै पर हमारी न्याय की देवी बट्टी नि बचि सकद।”

रोमियों 1:14

मेरी जिम्मेदारी सभि लुखुं तैं शुभ संदेश सुनांणै कि च, चै उ यूनानी अन्यजाति भाषा जनण वला हो या नि जनण वला हो अर चै समझदार हो या न समझ हो।

रोमियों 14:1

जु विश्वासी भैय विश्वास मा कमजोर च, वेकी मान्यताओं का बारा मा कै भि शक अर बगैर जांच के वे तैं अपणैयला, वेका दगड़ी बहस नि कैरा की क्य कन चयणु च या क्य नि कन चयणु च।

रोमियों 14:3

अर जु मांस खांद, ऊं मांस नि खांण वला तैं तुच्छ नि समझो अर मांस नि खांण वला पर भंगार नि लगौ; किलैकि परमेश्वर दुयूं तैं स्वीकार करदो।

रोमियों 2:27

अर जु मनिख देह का रूप मा बगैर खतना कु रै हो उ मूसा कि व्यवस्था कु पालन कैरो, त क्य त्वे मा मूसा कि व्यवस्था च? अर खतना करे जांण पर भि मूसा कि व्यवस्था को पालन नि कैरी त क्य तु भंगारी नि ठैरिलि?

1 कुरिन्थि 14:11

जु हम वे भाषा तैं नि समझदा जु दुसरा बुल्णा छिनी, त उ इन होला माना कि उ हम कु विदेशी छिनी, अर हम ऊंकु विदेशी होला।

2 कुरिन्थि 11:27

पर मिल ऊं बट्टी कई जादा मेहनत कैरी; बार-बार बिज्यां रौंण मा; भूख-तीस मा; बार-बार भूखो रै के उपवास रखण मा भि; झाैड़ मा; बिज्यां रौंण मा।

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

इब्रानी 13:2

जु विश्वासी लोग तुम तैं पैली कभी भि नि मिलिनि, ऊं तैं अपड़ा घौर मा स्वागत कन नि भूला, किलैकि यांका द्वारा कथगों ल अनजाना मा स्वर्गदूतों कु आदर-सत्कार कैरी।