खास चेलों 27:21 - गढवली नयो नियम

²¹ जब ऊंल भौत दिन तक खांणु नि खै छो तब पौलुस ल ऊंका बीच मा खड़ो हवे के बोलि, “हे भयों तुम तैं मेरी बात मणन चयणी छै अर क्रेते टापू बट्टी जहाज नि चलौंण चयणु छो तब न या बिपदा औंदी अर न इथग नुकसान हूंदु।”

Garhwali

²¹ अर भौत दिनों बटि कैन भि कुछ नि खै छौ। तब पौलुस न ऊंका बीच मा खड़ु ह्‍वेके बोलि, “हे मेरा भैयों, जरुरी त यू छौ कि अगर तुम लोग मेरी बात तैं क्रेते टापू मा ही माणी जान्दा, कि हमतै समुन्दर को यू सफर नि करण चयेणु, त आज ईं विपदा मा नि पोड़दा, अर ना ही इथगा नुकसान होन्दु।

खास चेलों 27:21 ပူးပေါင်းရင်းမြစ်များ

खास चेलों 27:12

सुन्दरबन्दरगाह नौं को बंदरगाह ह्यूंद कटणु कु अच्छो नि च; इलै भौतों को विचार हवे कि उख बट्टी जहाज खोलि के अगनैं बड़ी जां जु कै रीति से हवे साको त फीनिक्स बंदरगाह मा पौंछि के ह्यूंद को बगत कटे जौं। यु त क्रेते टापू को एक बंदरगाह च जु दक्षिण-पश्चिम अर उत्तर-पश्चिम दिशा मा च।

खास चेलों 27:13

जब दक्षिण बट्टी जरा-जरा बथौं औंण लगि गै त तब ऊंल सोचि कि हमारो काम पूरो हवे जालो तब ऊंल जहाज चलै अर क्रेते टापू का छाला ही छाला जांण लगि गैनी।

खास चेलों 27:20

भौत दिन तक सूरज अर गैंणा नि दिखेनि अर भौत जादा तुफान औंणु रै त आखिर मा हमारो बचणै कि आस भि नि रै गै छै।

खास चेलों 27:7

अर समुद्री जहाज का द्वारा हम धीरे-धीरे भौत बगत का बाद बड़ी मुश्किल ल कनिदुस नगर मा पौंछयां। त बथौं ल हम तैं वीं दिशा मा अगनैं जांण नि दींनि, इलै हम सलमोने बट्टी क्रेते टापू हवे के छाला ही छाला चलि ग्यां कि बथौं बट्टी बची साका।