खास चेलों 26:18 - गढवली नयो नियम

¹⁸ कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

Garhwali

¹⁸ अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

खास चेलों 26:18 ပူးပေါင်းရင်းမြစ်များ

मत्ती 4:10

तब यीशु ल वेमा बोलि, “हे शैतान दूर हवे जा” किलैकि परमेश्वर का वचन मा लिख्युं च “तु प्रभु अपड़ा परमेश्वर तैं प्रणाम कैर अर भस वेकी आराधना कैर।”

मत्ती 4:16

जु लोग अंधेरा मा रौंन्दा छा ऊंल बड़ो उज्यला देखि, जु परमेश्वर तैं नि जंणदा छा अर अनन्त मृत्यु कु जन्दा छा ऊंल मुक्ति कु मार्ग देखि।”

लूका 1:77

उ अपड़ा लुखुं का पापों तैं माफ कन का द्वारा वेका लुखुं तैं उद्धार कु ज्ञान दे ऊं तैं उद्धार का बारा मा ज्ञान दयालो।

लूका 1:79

अंधेरा मा (पाप मा जींण वलो) अर मृत्यु का छाला (अनन्त मृत्यु कु खतरा मा च) मा बैठण वलो पर उज्यलो दींणु कु यु उज्यलो हम वे तैं जीवन मा मार्गदर्शन करदो, जु हम परमेश्वर का दगड़ी शान्ति प्राप्त करदा छा।

लूका 2:32

उ अन्यजातियों पर परमेश्वर तैं प्रकट कन वलो उज्यला च अर इस्राएल का लुखुं का घराना कु प्रताप हूंनु।”

लूका 24:45

तब यीशु ल परमेश्वर का वचन तैं जनणु कु ऊंकी समझ ऊं तैं समझण मा मदद कैरी।

लूका 24:47

अर यरूशलेम शहर बट्टी लै कि “तुम सैरा जातियों मा पापों की माफी कु पश्याताप कनु कु सुसमाचार प्रचार, वेका नौं बट्टी किये जालो।”

लूका 4:18

परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।

यूहन्ना 17:17

तेरु वचन सच्चो च ऊंल सचै मा अफ तैं अलग कैरी।

यूहन्ना 3:19

अर दंड कि आज्ञा कु कारण यु च कि उज्यला जगत मा ऐ, मनिख्युं ल अंधेरो तैं उज्यला बट्टी जादा अच्छो जांणि किलैकि ऊँका काम बुरा छा।

यूहन्ना 4:10

यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

यूहन्ना 8:12

तब यीशु ल फिर लुखुं मा बोलि, “दुनिया कु उज्यला मि छौं जु मेरा पिछनै हवे जालो उ अंधेरा मा नि चललो पर उ उज्यला तैं पालो जु अनन्त जीवन दींद।”

यूहन्ना 9:39

तब यीशु ल बोलि, मि ईं दुनिया मा जांच अर न्याय कनु कु अयुं छौं, बल्कि अंधा लोग दिखण लगि गैनी अर जु लोग दिखदा छिन उ अंधा हवे जां

यूहन्ना 9:5

जब तक मि दुनिया मा छौं तब तक दुनिया कु उज्यला मि छों।

खास चेलों 10:43

वेका बारा मा सभि पिता परमेश्वर का तरपां बट्टी बुल्ण वलो ल गव्है दीं च कि जु लोग वेमा विश्वास रखदींनि, ऊं तैं, ऊंका द्वारा पापों कि माफी मिललि।”

खास चेलों 13:47

किलैकि प्रभु ल हम तैं य आज्ञा द्ये, “मिल त्वे तैं अन्य-जाति लुखुं कु उज्यलो ठैरे, कि तुम तैं दुनिया मा हर जगह लुखुं तैं उद्धारकर्ता का बारा मा बतांण चयणु च”

खास चेलों 15:9

अर विश्वास का द्वारा परमेश्वर ऊंका मन शुद्ध कैरी के हम मा अर ऊंमा कुछ भेद नि रखि।

खास चेलों 2:38

पतरस ल ऊंकु बोलि “तुम मा बट्टी हरेक मन फिरावा अर अपड़ा पापों की माफी कु यीशु मसीह का नौं से बपतिस्मा ल्यावा ज्यां बट्टी तुम पवित्र आत्मा को दान पैल्या।

खास चेलों 20:21

बल्कि यहूदियों अर अन्यजाति (यूनानियों) तैं चेतावनी दींणु रौं कि परमेश्वर जनै अपड़ा पापों तैं पछयांण अर ऊंकी माफी मांग के मन फिरा, अर हमारा प्रभु यीशु पर विश्वास कन चयणु च।

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

खास चेलों 26:19

इलै हे राजा अग्रिप्पा, मिल वे स्वर्गीय दर्शन को बुल्युं नि टाली।

खास चेलों 26:23

कि मसीह तैं दुःख उठांण पुड़लो, अर उ ही सबसे पैली मुर्दों मा बट्टी ज्यूँदो हवे के, यहूदियों अर अन्यजातियों का बीच मा यु प्रचार कनु कु कि उ बचि सकदींनि, जु की उज्यला का जन छिनी।”

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

रोमियों 8:17

अर जु सन्तान छा, त वारिस भि छा, बल्कि परमेश्वर का वारिस अर मसीह का संगी वारिस छा। जु हम यीशु का जन दुःख सौला, त हम वेकी बड़ै मा भि हकदार हूला।

1 कुरिन्थि 1:2

मि य चिठ्ठी पिता परमेश्वर कि वीं विश्वासी मण्डलि कु ज्वा कुरिन्थुस शहर मा छिनी; जु हर जगह हमारा प्रभु अर ऊंका प्रभु मसीह यीशु की स्तुति करदा।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

2 कुरिन्थि 6:14

अविश्वासियों का दगड़ी सहभागी नि बणा, किलैकि धार्मिकता अर अधर्म कु क्य मेलजोल? या उज्यला अर अंधेरा की क्य संगति?

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

गलातियों 3:14

मसीह ल इन इलै कैरी, कि अब्राहम कि आशीष मसीह यीशु मा अन्यजातियों तक पौंछो, अर हम यीशु मसीह पर विश्वास कना से वे पवित्र आत्मा तैं पां, वे तैं हम तैं दींणै की करार परमेश्वर ल कैरी।

गलातियों 3:2

मि तैं एक बात बतौ क्य तुम तैं पवित्र आत्मा इलै मिली किलैकि तुम यहूदी मूसा की व्यवस्था कु पालन कना छा या इलै की तुम ल वे शुभ संदेश पर विश्वास कैरी जु हम ल तुम तैं बतै छों?

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

इफिसुस 1:14

पवित्र आत्मा भि एक बयना का जन च जु ईं बात तैं निश्चित करदो कि पिता परमेश्वर ल हम तैं व छुटकारा की विरासत दयालो जै की वेल दींणै की सौं खैई च, वेकी महिमा अर स्तुति हो।

इफिसुस 1:18

मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

इफिसुस 2:8

किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;

इफिसुस 4:18

किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;

इफिसुस 5:11

इलै तुम यूं पापमय कामों तैं कन मा ऊंका दगड़िया नि बंणि, बल्कि लुखुं तैं दिखा कि यु काम बुरा छिनी।

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

इफिसुस 5:8

किलैकि तुम खुद अंधेरा मा रौंदयां, पर जब बट्टी तुम प्रभु का लोग बंणया, तुम उज्यला छा। इलै तुम तैं ऊं लुखुं का जन जींण चयणु च जु उज्यला मा बट्टी जुड़यां छिनी।

2 तीमुथियुस 2:26

कि उ अपड़ा होश मा ऐ जौं, अर शैतान की शक्ति बट्टी बची सको, जैल ऊं तैं धोखा द्ये के उ करवै जु उ चांदो च कि उ कैरा।

इब्रानी 11:6

अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

याकूब 2:5

हे मेरा प्रिय विश्वासी भयों, ध्यान द्या। क्य पिता परमेश्वर ल दुनिया का गरीबों तैं नि चुणि? कि उ विश्वास मा अमीर अर वे राज्य का वारिस बणा, ज्यांको वादा पिता परमेश्वर ल ऊं बट्टी कैरी, जु ऊं बट्टी प्रेम रखदींनि,

1 पतरस 1:4

हम ऊं महान आशीषों तैं पांणु कु अगनैं का तरपां दिखदां जु पिता परमेश्वर अपड़ा लुखुं कु रखद। वेल ऊं तैं तुम कु स्वर्ग मा रख्युं च, जख उ सड़दी नि च, या खराब नि हूंद,

1 पतरस 2:25

एक बगत पैली, तुम ढिबरों का जन छा जु गलत रस्ता पर जांणि छै जौनु अपड़ो रस्ता हरचै दींनि; पर अब तुम मसीह मा लौटि अयां जु तुम्हरा आत्मा को चरवाहा (अध्यक्ष) अर रखवलो च।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

1 यूहन्ना 1:9

जु हम अपड़ा पापों तैं पिता परमेश्वर का संमणी मणिल्या, त पिता परमेश्वर हमारा पापों तैं माफ कन, अर हम तैं सभि अधर्म बट्टी शुद्ध कन मा विश्वासयोग्य अर धर्मी च।

1 यूहन्ना 2:12

हे नौंनो, मि तुम कु इलै लिखणु छौं, कि यीशु मसीह का नौं बट्टी तुमारा पाप माफ हवेनि।

1 यूहन्ना 3:8

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

1 यूहन्ना 5:19

हम जंणदा छा, कि हम पिता परमेश्वर की सन्तान छा, अर सैरी दुनिया वे दुष्ट शैतान का वश मा च।

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।

दिब्य दरस 21:27

पर कुछ भि दुष्ट वे शहर मा प्रवेश नि करलो। कुई भि जु तुच्छ काम करद या जु झूठ बुल्द उख प्रवेश नि करलो। उख भस उ ही लोग प्रवेश कैर सकदींनि जैको नौं चिनखा की जीवन की किताब (चाम्रपत्र) मा लिख्युं च, इख उ किताब च जौं मा ऊं लुखुं का नौं छिनी जौं मा अनन्त जीवन च।