खास चेलों 26:11 - गढवली नयो नियम

¹¹ हरेक यहूदियों का मिलणा का भवन मा, मि ऊं तैं दंड़ित कैरी के मजबूर करदो छो कि यीशु कि बुरै कैरा। इख तक कि गुस्सा मा मि इथग पागल हवे गै छो कि दुसरा शहरों मा जै के भि ऊं तैं सतौंदू छो।

Garhwali

¹¹ इख तक कि यीशु पर बिस्वास करण वळा लोगु तैं मि प्रार्थना भवनों मा जै-जैके दण्ड दिलान्दु छौ, अर मजबूर कर देन्दु छौ कि वु यीशु की बुरै कैरा। इख तक कि मि गुस्सा मा इथगा बौल्या ह्‍वे जान्दु छौ, कि भैर का नगरों मा भि जैके ऊंतैं सतौन्दु छौ।

खास चेलों 26:11 ပူးပေါင်းရင်းမြစ်များ

मत्ती 10:17

पर लुखुं बट्टी सचेत रावा किलैकि उ तुम तैं यहूदियों का मिलणा का भवन मा सौंपला अर अपड़ी महासभा मा तुम पर कोड़ा मरला।

मरकुस 13:9

पर तुम अपड़ा बारा मा चौकस रयां किलैकि लोग तुम तैं पकड़ी के यहूदियों का मिलणा का भवन मा सौंपला अर तुम महासभा मा पिटे जैला किलैकि तुम मेरा चेला छा मेरा खातिर राज्यपालों का अर राजाओं का संमणी तुम्हरी अजमैश करे जाली कि ऊंकु गव्है हो।

मरकुस 3:28

मि तुम मा सच बुल्णु छौं कि मनिख्युं की सन्तान का सभि पाप अर बुरै जु उ परमेश्वर का विरुद्ध करदींनि परमेश्वर ऊं पापों तैं माफ कैरी सकद।

लूका 15:17

जब वे तैं समझ ऐ त बुद्धिमानी से सुनण लगि गै तब बुल्ण लगि गै “मेरा बुबा का कथग ही मजदूरों तैं ये से जादा रुट्टि मिलदी छै इलै कि अर मि इख भुखी मुरण छौं।”

लूका 21:12

पर यूं बातों से पैली उ तुम तैं मेरा नौं कि खातिर पकड़ला, अर सताला, अर अधिकारियों मा सौंपे जाला, अर जेल मा डलवाला अर यहूदियों का मिलणा का भवन मा राज्यपालों का अर राजाओं का संमणी तुम्हरी अजमैश करे जाली।

लूका 6:11

पर उ यु देखि के फरीसी अर शास्त्री गुस्सा मा फुकैण लगि गैनी अर आपस मा झगड़ण लगि गैनी कि हम यीशु का दगड़ी क्य कैरा?

खास चेलों 13:45

पर यहूदी अगुवा भीड़ तैं देखि के रमसे गैनी, अर अपमान कैरी के पौलुस की बातों का विरोध मा बुल्ण लगि गैनी।

खास चेलों 18:6

पर जब यहूदी विरोध अर पौलुस का बेजती कन लगि गैनी, त वेल अपड़ा कपड़ा बट्टी धूल झाड़ि कै वेमा बोलि, “तुम खुद ही वे ल्वे का कारण दण्ड कु जिम्मेदार छा, जु तुम्हरो परमेश्वर की तरपां बट्टी मिलालो मि भंगारी नि छों। अब बट्टी मि अन्यजातियों मा जौलु अर अन्यजातियों का बीच परमेश्वर कु संदेश कु प्रचार करुलु।

खास चेलों 22:19

“मिल प्रभु मा बोलि, हे प्रभु यु लोग जंणदा छिनी, कि मि एक यहूदियों का मिलणा का भवन मा बट्टी दुसरा यहूदियों का मिलणा का भवन मा ग्यूं ऊं लुखुं तैं बंधि बनांणु कु अर मरणु कु जु त्वे पर विश्वास करदींनि इलै, मि तैं यु समझ मा नि आंद कि यरूशलेम शहर मा यहूदी लोग मि पर विश्वास किलै नि करदींनि।

खास चेलों 22:5

स्वयं महायाजक अर दाना-सयाणों कि सभा भि ईं बात की गव्है दे सकदी च। ऊंमा बट्टी मिल दमिश्क शहर का विश्वासी भयों कु चिठ्ठी ले, जु ऊख छिनी सजा दिलांणु कु बंधि बणै कै यरूशलेम शहर मा ली जै साको।

खास चेलों 9:1

यांका बाद शाऊल ल बार-बार लुखुं तैं बोलि कि उ सभि विश्वासी लुखुं तैं मारि दयालो जु प्रभु यीशु पर विश्वास करदींनि अर चेला छिनी। तब उ महायाजक मा गै अर चिठ्ठी मांगी

याकूब 2:7

उ ही छिनी जु यीशु मसीह का बारा मा बुरी बात बुल्दींनि, जै बट्टी तुम सम्बन्ध रखद्यां अर जु नौं तुम्हरी पहचाण च।

2 पतरस 2:16

पर पिता परमेश्वर ल बिलाम तैं वेका बुरा कामों को वेका ही गदही का द्वारा फटकार लगवै। जबकि गदहियां नि बुल्दींनि पर वीं गदही ल बिलाम बट्टी एक आदिम का जन बात कैरी, जब व बिलाम तैं राजा बट्टी मिलणु कु लादी के लिजांणी छै, अर वीं गदही ल वे बगत पिता परमेश्वर का तरपां बट्टी बुल्ण वला बिलाम तैं बेकूफी वलो काम कन से रोकि।