खास चेलों 25:4 - गढवली नयो नियम

⁴ पर फेस्तुस ल जवाब दींनि, “पौलुस कैसरिया शहर कि जेल मा कैदी च, अर मि खुद जल्द उख जौलु।

Garhwali

⁴ मगर गवर्नर फेस्तुस न जबाब दिनी, “पौलुस, कैसरिया नगर का जेलखाना मा च, अर मि खुद जल्दी उख जाण वळु छौं।

खास चेलों 25:4 ပူးပေါင်းရင်းမြစ်များ

खास चेलों 24:23

अर वेल सुबदार तैं आज्ञा दींनि कि, पौलुस तैं कुछ छूट मा रखि के रखवली करयां, पर वेका दगड़ियों मा बट्टी कै तैं भि वेकी सेवा कन से नि रुकयां।

खास चेलों 24:27

इन ही कै जब द्वी साल बीति गैनी त फेलिक्स का जगह पुरकियुस फेस्तुस राज्यपाल बंणि गै, अर फेलिक्स यहूदियों तैं खुश कनै की इच्छा ल पौलुस तैं बंधि ही छोड़ी गै।

खास चेलों 25:1

फेस्तुस राज्यपाल का रूप मा यहूदिया प्रान्त मा अयां तीन दिन हवीनि, फिर उ कैसरिया शहर बट्टी यरूशलेम शहर कु चलि गै।

खास चेलों 25:13

कुछ दिनों का बाद राजा अग्रिप्पा अर वेकी छुटी बैंण बिरनीके कैसरिया शहर मा ऐ, कि फेस्तुस राज्यपाल का दगड़ी मुलाकात कैरो।

खास चेलों 25:16

“पर मिल ऊं तैं जवाब दींनि, कि रोमियों कि या रीति नि, कि कै भि आदिम तैं दण्ड कु सौंपी द्ये, कि भंगारी तैं न्यायधीश का संमणी अपड़ा भंगार लगांण वलो का संमणी मुलाकात हो कि भंगारी तैं जवाब दींणु को मौका मिलो ज्यांको वे पर भंगार लग्युं हो।

खास चेलों 25:5

तुम मा जु खास आदिम छिनी उ मि दगड़ी ऐ सकदींनि, अर जु यु आदिम ल कुई गलत काम कैरी हो त तभि वे पर भंगार लगयां।”

खास चेलों 25:6

फेस्तुस कुई आठ दस दिन यरूशलेम शहर मा रै के कैसरिया शहर कु लौटि गै, हैंका ही दिन न्याय आसण पर बैठी के पौलुस तैं लौंणे कि आज्ञा दींनि।

खास चेलों 8:40

अर फिलिप्पुस ल अपड़ा आप तैं अश्‍दोद शहर मा पै, अर जब तक उ कैसरिया शहर मा नि पौछिनी, तब तक सभि नगरों अर गौं मा शुभ सन्देश प्रचार करदी गैनी।