खास चेलों 24:24 - गढवली नयो नियम

²⁴ कुछ ही दिन का बाद फेलिक्स राज्यपाल अपड़ी घरवलि द्रुसिल्‍ला तैं अफ दगड़ी लै के ऐ अर व यहूदी छै अर उ पौलुस तैं मिलणु कु ऐ छा। ऊंल पौलुस तैं बुलै के वे विश्वास का बारा मा जु मसीह यीशु पर च, वे बट्टी सूंणि।

Garhwali

²⁴ अर कुछ दिन का बाद गवर्नर फेलिक्स अपणी घरवळी द्रुसिल्‍ला तैं अफ दगड़ा मा लेके ऐ, अर या यहूदी जनानि छै। तब वेन पौलुस तैं बुलवै, अर यीशु मसीह पर बिस्वास करण का बारा मा वे बटि सुनण चै।

खास चेलों 24:24 ပူးပေါင်းရင်းမြစ်များ

मरकुस 6:20

किलैकि राजा हेरोदेस यूहन्ना तैं धर्मी अर पवित्र मनिख जांणि के वे बट्टी डरदु छो अर वेकी रक्षा करद छो अर वेकी बातों तैं सूंणि के भौत घबरांदु छो फिर भि खुशी से वे तैं सुंणदु छो।

लूका 19:3

उ यीशु तैं दिखण चांदु छो कि उ कन च? पर भीड़ का कारण देखि नि सकदु छो किलैकि उ छुटो कद कु आदिम छो।

लूका 23:8

राजा हेरोदेस यीशु तैं देखि के भौत खुश हवे, किलैकि उ भौत दिनों बट्टी ऊं तैं दिखण चांणु छो वेल ऊंका बारा मा सूंणि छो यीशु बट्टी कुछ चमत्कार दिखण की आस मा छो।

खास चेलों 16:31

ऊंल बोलि “प्रभु यीशु मसीह पर विश्वास कैर त तु अर तेरी कुटुम्दारी उद्धार पालि अर बची जाली।”

खास चेलों 20:21

बल्कि यहूदियों अर अन्यजाति (यूनानियों) तैं चेतावनी दींणु रौं कि परमेश्वर जनै अपड़ा पापों तैं पछयांण अर ऊंकी माफी मांग के मन फिरा, अर हमारा प्रभु यीशु पर विश्वास कन चयणु च।

खास चेलों 24:25

पर जब पौलुस धार्मिकता अर सयंम अर औंण वला जांच के न्याय की विचार कनु छो, तब फेलिक्स ल डैरी के जवाब दींनि, “इलै अभि त तु जै सकदी छै पर मौका मिललो त मि त्वे तैं फिर बुलौलु।”

खास चेलों 26:22

पर पिता परमेश्वर कि दया ल मि आज का दिन तक ज्यूँदो छौं अर छुटा-बड़ा सभियूं का संमणी गव्है दींणु छौं। परमेश्वर का तरपां बट्टी बुल्ण वलो ल अर मूसा द्वारा लिखीं परमेश्वर की व्यवस्था ल जूं-जूं हूंण वली बातों का बारा मा बतै ऊं बातों का अलावा मि कुछ नि बुल्दो,

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

गलातियों 3:2

मि तैं एक बात बतौ क्य तुम तैं पवित्र आत्मा इलै मिली किलैकि तुम यहूदी मूसा की व्यवस्था कु पालन कना छा या इलै की तुम ल वे शुभ संदेश पर विश्वास कैरी जु हम ल तुम तैं बतै छों?

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

यहूदा 1:3

हे विश्वासी भयों, मि तुम तैं वे नया जीवन का बारा मा लिखणु कु हर संभव कोशिश कनु छो जु यीशु मसीह का द्वारा पिता परमेश्वर की तरपां बट्टी आंद अर जै मा हम सभि शमिल छा। पर अब मि ईं चिठ्ठी मा वे उद्धार का बारा मा तुम तैं प्रोत्साहित कनु को दबाव महसूस कनु छो कि तुम मसीही विश्वास तैं पकड़ी के रौंणु कु और भि जादा कोशिश कैरा। पिता परमेश्वर ल अपड़ा लुखुं कु यु विश्वास एक ही बार मा हमेशा कु दे द्ये, अर यु तैं बदले नि जै सकद।

दिब्य दरस 14:12

किलैकि यु बात हूंण वली छिनी, पिता परमेश्वर का लुखुं तैं धीरज रखण चयणु च। यु उ लोग छिनी जु पिता परमेश्वर की आज्ञाओं को पालन करदींनि अर ईमानदरी ल यीशु मसीह पर विश्वास रखदींनि।