खास चेलों 23:12 - गढवली नयो नियम

¹² जब दिन हवे, त कुछ यहूदी लुखुं ल साजिश रचि अर सौं खै कि जब तक उ पौलुस तैं जान से नि मारि दयूला तब तक उ कुछ नि खाला अर न कुछ प्याला।

Garhwali

¹² अर जब सुबेर ह्‍वे, त यहूदियों न जाळसाजि बणै अर कसम खै, कि जबरि तक हम पौलुस तैं जान से नि मारी द्‍यूला, तबरि तक हमुन कुछ भि खाण-पीण नि च।

खास चेलों 23:12 ပူးပေါင်းရင်းမြစ်များ

मत्ती 26:4

अर आपस मा विचार कन लगि गैनी कि यीशु तैं धोखा से पकड़ी के मारि दींदां।

मत्ती 26:74

तब उ मना कन लगि गै अर सौं सिरगत खांण लगि गै मि वे आदिम तैं नि जंणदु अर तुरंत मैर ल बांग दे दींनि।

मत्ती 27:25

सभि लुखुं ल जवाब दींनि कि “यु कु ल्वे कु इल्जाम हम पर अर हमारी सन्तान पर औ।”

खास चेलों 23:13

जौं ल या सौं खै उ चालिस से भि जादा लोग छा।

खास चेलों 23:14

ऊंल प्रधान याजक अर दाना-सयाणों मा ऐ के बोलि, “हमारी सौं खै च कि जब तक हम पौलुस तैं मारि नि दयूला, तब तक हम कुछ भि नि खौला।

खास चेलों 23:21

पर कृपा कैरी के ऊंकी ईं बिनती का तरपां ध्यान नि द्ये, किलैकि ऊंमा बट्टी चालिस से भि जादा आदिम पौलुस तैं मरणै ताक मा छिनी जौं का कि इन सौं खयां छिन कि जब तक उ पौलुस तैं जान से नि मारि दयूला तब तक हम कुछ भि नि खौला-प्यूला अर तेरु जवाब को इन्तजार कना छिनी।”

खास चेलों 23:30

अर अब मि तैं बतैये गै, कि उ यु आदिम तैं मरण चांणा छिनी, इलै मिल वे तुरंत त्वे मा भेजि दींनि, अर उन यहूदियों तैं जौला वे पर भंगार लग्युं च आज्ञा दींनि, कि तेरु संमणी वे पर भंगार लगौनु।

खास चेलों 25:3

अर वे बट्टी बिनती कैरी के पौलुस तैं यरूशलेम शहर मा बुलै, किलैकि उ वे तैं बट्टा मा ही मरणै कि ताक मा छा।

खास चेलों 9:23

जब शाऊल तैं दमिश्क शहर मा रौंद भौत दिन हवे गैनी, त यहूदियों ल मिली के वे तैं मरणै की योजना बणै

खास चेलों 9:24

उ त वे तैं मरणु कु नगर का फाटक का संमणी रात-दिन वेको जग्वाल करदींनि। पर ऊंकी योजना का बारा मा शाऊल तैं कैल बतै दींनि,

1 कुरिन्थि 16:22

जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।

2 कुरिन्थि 11:26

मि बार-बार यात्राओं मा; गाड का जोखिमोंं मा; डाकुओं का जोखिमोंं मा; अपड़ा जातिवलों बट्टी जोखिमोंं मा; अन्यजातियों बट्टी जोखिमोंं मा; नगरों का जोखिमोंं मा; जंगल का जोखिमोंं मा; समुद्र का जोखिमोंं मा; झूठा विश्वासी बणयां भयों का बीच जोखिमोंं मा रौ;

गलातियों 3:13

मसीह जु हम कु श्रापित हवे, हम तैं मोल ले के मूसा की व्यवस्था का श्राप बट्टी छुड़ै किलैकि परमेश्वर का वचन मा लिख्युं च, “जु कुई सूली पर लटकये जांदु उ श्रापित च।”

1 थिस्सलुनीकी 2:16

उ हम तैं अन्यजातियों तैं यु बतांण से रुकणै की कोशिश कना छिनी कि पिता परमेश्वर ऊं तैं कन कै बचै सकद अर उ अपड़ा पाप पर पाप जुड़दींनि अर अंत मा पिता परमेश्वर ऊं तैं जरूर दण्ड दयालो।