खास चेलों 22:16 - गढवली नयो नियम

¹⁶ अब तु देर किलै कनी छै? उठ, बपतिस्मा ले, अर वे बट्टी प्रार्थना का द्वारा अपड़ा पापों बट्टी शुद्ध हूंणु कु माफी मांग”

Garhwali

¹⁶ इलै अब कैं बात की देर? चड़म खड़ु उठा, अर बपतिस्मा ल्या, अर यीशु को नौ लेके अपणा पापों तैं ध्वे द्‍या।’

खास चेलों 22:16 ပူးပေါင်းရင်းမြစ်များ

यूहन्ना 13:8

पतरस ल यीशु मा बोलि, “तुम मेरा खुट्टा कभि नि धूंण पैला” यु सूंणि के यीशु ल वेकु बोलि, जु मि तुमारा खुट्टा नि धूं त तुमारो मि दगड़ी कुई सम्बंध नि होलो।

खास चेलों 2:21

अर जु कुई प्रभु को नौं ल्यालु उ बचै जालो।”

खास चेलों 2:38

पतरस ल ऊंकु बोलि “तुम मा बट्टी हरेक मन फिरावा अर अपड़ा पापों की माफी कु यीशु मसीह का नौं से बपतिस्मा ल्यावा ज्यां बट्टी तुम पवित्र आत्मा को दान पैल्या।

खास चेलों 7:59

अर उ स्तिफनुस तैं ढुंग्यो कना ही रैनी, अर उ यु बोलि के प्रार्थना कनु रै “हे प्रभु यीशु मेरी आत्मा तैं स्वीकार कैर।”

खास चेलों 9:14

अर इख भि प्रधान याजक की तरपां बट्टी अधिकार मिल्युं च, कि जु लोग त्वे पर विश्वास करदींनि, ऊं सभियूं तैं बंधि के यरूशलेम शहर मा ली जौं।”

खास चेलों 9:18

तब तुरंत शाऊल का आँखों बट्टी छिल्का जन कुछ निकलीनि अर वेका बाद उ दुबारा दिखण लगि गै अर शाऊल ल उठि के बपतिस्मा लींनि।

1 कुरिन्थि 1:2

मि य चिठ्ठी पिता परमेश्वर कि वीं विश्वासी मण्डलि कु ज्वा कुरिन्थुस शहर मा छिनी; जु हर जगह हमारा प्रभु अर ऊंका प्रभु मसीह यीशु की स्तुति करदा।

1 कुरिन्थि 12:13

किलैकि हम सभियूं मा क्य यहूदी, क्य यूनानी अन्यजाति, क्य दास, क्य स्वतंत्र एक ही आत्मा का द्वारा एक देह हूंणो कु बपतिस्मा ल्या, हम सभियूं ल वीं पवित्र आत्मा पै जै तैं हम सभि एक ही कटोरा बट्टी अंगूरों कु रस पिंदयां।

1 कुरिन्थि 6:11

पैली तुम मा बट्टी कुछ इन कै बरतौ करदा छा, पर तुम प्रभु यीशु मसीह का नौं से अर हमारा पिता परमेश्वर का आत्मा बट्टी तुम्हरा पाप धवे गैनी, अर तुम तैं पवित्र बणै अर धर्मी ठैरे।

इफिसुस 5:26

कि वेको शुभ संदेश मण्डलि ल लुखुं पर प्रगट हवे के ऊंका पाप तैं शुद्ध कैरो, जन कुई आदिम कीं चीज तैं धवे के शुद्ध करद,

तीतुस 3:5

वेल हम तैं पापों का दण्ड बट्टी छुड़ै, अर यु ऊं धर्म का कामों का कारण न जु हम ल अफ करिनी, पर अपड़ी वीं दया का अनुसार, वेल अपड़ी पवित्र आत्मा दे के हम तैं बचै, जैल हमारा पापों तैं अपड़ा ल्वे का द्वारा धवे अर हम तैं एक नया जीवन अर बरतौ कनु कु एक नयो मौका दे।

इब्रानी 10:22

त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।