खास चेलों 21:20 - गढवली नयो नियम

²⁰ ऊं बातों तैं सूंणि के ऊं सभियूं ल परमेश्वर की बढ़ै कैरी, फिर ऊंल पौलुस कु बोलि, “हे भयों, तु जंणदी छै कि यहूदियों मा बट्टी कई हजारों ल विश्वास कैरी; अर उ सभि मूसा की व्यवस्था को पालन विश्वासयोग्यता बट्टी करदा छा।

Garhwali

²⁰ अर यों बातों तैं सुणी के अध्यक्ष लोगु न परमेस्वर की बडै कैरी। तब ऊंन वेकू बोलि, “पौलुस भै, क्या तुमतै पता च, कि यहूदियों मा बटि भौत सरा लोगु न बिस्वास कैरी, पर वु लोग इन सोचदिन कि मूसा का नियम-कानूनों तैं मनण भौत जरुरी च।

खास चेलों 21:20 ပူးပေါင်းရင်းမြစ်များ

मत्ती 9:8

सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कन लगि गैनी कि जैल मनिख्युं तैं इन अधिकार दींनि।

लूका 12:1

इथग मा जब हजारों कि भीड़ लगि गै इख तक कि एक दुसरा पर गिरदा पड़दा छा त उ सबसे पैली अपड़ा चेलों मा बुल्ण लगि गै कि देखा तुम फरीसियों का कपटरूपी खमीर से सचेत रावा।”

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

यूहन्ना 12:24

मि तुम मा सच-सच बुल्णु छौं जब तक ग्यूं का बीज जमींन का तौला मोरि नि जौं तब तक उ इखुली रौंदु पर जब मोरि जांदु त भौत फल लांदु।

खास चेलों 11:18

यु सूंणि के उ शांत हवे गै; अर ऊंल यु बोलि के पिता परमेश्वर की महिमा कैरी, “पिता परमेश्वर ल अन्यजातियों तैं यु वरदान दियूं च कि उ भि पापों तैं छोड़ी द्या अर अनन्त जीवन पै साका।”

खास चेलों 15:1

फिर कथग ही मनिख यहूदिया प्रान्त बट्टी ऐ के विश्वासी भैय-बंधों तैं सिखांण लगि गैनी कि जु मूसा की व्यवस्था बट्टी तुम्हरा खतना नि होलो त तुम्हरो उद्धार अर बचाव नि हवे सकदो।

खास चेलों 15:24

हम ल सूंणि की हम मा बट्टी कुछ लुखुं ल तुम मा ऐ के अर तुम तैं अपड़ी बातों ल घबरै दींनि अर तुम्हरा मन तैं बेचैन कैर दींनि पर हम ल ऊं तैं आज्ञा नि दे छै।

खास चेलों 15:5

पर फरीसियों का रस्ता मा बट्टी जौं ल भि विश्वास कैरी छो ऊं बट्टी कथगों ल उठि के बोलि कि अन्यजातियों कु खतना कनै की अर मूसा की व्यवस्था मनणै आज्ञा दींण चयणी च।

खास चेलों 2:41

जु कुछ पतरस ल बोलि, जौनु भि वेका संदेश पर विश्वास कैरी ऊंल बपतिस्मा लये अर वे ही दिन करीब तीन हजार लोग ऊं दगड़ी मिली गैनी।

खास चेलों 22:3

“मि यहूदी छौं, मेरू जन्म किलिकिया प्रदेश का तरसुस शहर मा हवे अर यु शहर मा बड़ो हुयुं छौं। मिल अपड़ा पुरखों की व्यवस्था का अनुसार गमलीएल का खुट्टों मा बैठी के बड़ी लगन से शिक्षा पै छै, अर परमेश्वर कु इन धुन लगि, जन कि तुम सभियूं ल आज लगईं च।”

खास चेलों 4:21

तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।

खास चेलों 4:4

पर वचन का सुनण वलो मा बट्टी भौत लुखुं यीशु पर विश्वास कैरी अर ऊं की गिणती पाँच हजार मनिख्युं कि छै जु यीशु मा विश्वास कन वला बण गैनी।

खास चेलों 6:7

अर पिता परमेश्वर को वचन फैलदी गै, यरूशलेम शहर मा चेलों कि गिणती भौत बढ़दी गै; अर भौत यहूदी याजकों ल भि यीशु पर विश्वास का यु संदेश तैं स्वीकार कैरी।

रोमियों 10:2

किलैकि मि ऊंकी गव्है दींणु छौं, कि ऊंकु पिता परमेश्वर कु उमंग रौंदी, पर परमेश्वर की सेवा कन किये जु, यांकि ऊं तैं सै समझ नि च।

गलातियों 1:24

इलै पिता परमेश्वर ल मि दगड़ी जु कैरी वेकी ऊंल पिता परमेश्वर की महिमा कैरी।

2 थिस्सलुनीकी 1:10

या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।