खास चेलों 20:4 - गढवली नयो नियम

⁴ ईं यात्रा मा बिरीयावासी पुरूर्स का नौंनो सोपत्रुस अर थिस्सलुनीकियों शहर को अरिस्‍तर्खुस अर सिकुन्दुस अर दिरबे नगर को गयुस, अर तीमुथियुस अर आसिया प्रान्त को तुखिकुस अर त्रुफिमुस, आसिया तक वे दगड़ी यात्री छा।

Garhwali

⁴ अर इन ह्‍वे कि जब पौलुस न अपणी यात्रा शुरु कैरी, त वेका दगड़ा मा बिरीया नगर को पुरूर्स को नौनु सोपत्रुस, अर थिस्सलुनीकी नगर को अरिस्तर्खुस अर सिकुन्दुस, अर दिरबे नगर को गयुस, अर आसिया मुलक को तुखिकुस अर त्रुफिमुस छा, अर ऊंका दगड़ा मा तीमुथियुस भि छौ। अर यों न आसिया मुलक तक वेका दगड़ा मा यात्रा कैरी।

खास चेलों 20:4 ပူးပေါင်းရင်းမြစ်များ

खास चेलों 14:20

पर जब चेला वेका चौ तरपां ऐ के खड़ा हवीनि, त उ उठि के शहर मा गैनी अर दुसरा दिन बरनबास का दगड़ी दिरबे शहर कु चलि गैनी।

खास चेलों 14:6

त पौलुस अर बरनबास ईं बात तैं जांणि गैनी, अर लुकाउनिया प्रदेश का लुस्त्रा अर दिरबे शहरों मा, अर अमणी-संमणी का प्रदेशों मा भागि गैनी।

खास चेलों 16:1

फिर उ दिरबे अर लुस्त्रा द्वी शहरों मा भि गै अर देखा उख तीमुथियुस नौं को एक चेला छो जु कैं विश्वासी यहूदिनी कु नौंनो छो पर वेको बुबा यूनानी अन्यजाति देश को छो।

खास चेलों 16:6

अर उ फ्रूगिया प्रदेश अर गलातिया का प्रदेश बट्टी हवे के गैनी, अर पवित्र आत्मा ल ऊं तैं एशिया प्रान्त मा वचन सुनांण से मना कैरी।

खास चेलों 17:1

फिर पौलुस अर सिलास अम्फिपुलिस, अपुल्लोनिया शहरों बट्टी हवे के थिस्सलुनीके शहर मा ऐनी, जख यहूदियों का मिलणा को भवन छो।

खास चेलों 17:13

पर जब थिस्सलुनीके शहर का यहूदी जांणि गैनी की पौलुस बिरीया नगर मा भि परमेश्वर को वचन सुनांणु च त उख भि ऐ के लुखुं तैं गुस्सा हूंणु कु उकसाणा रैनी।

खास चेलों 19:29

शहर का दुसरा और लुखुं ल चिल्लांण की आवाज तैं सूंणि अर जै के भीड़ मा मिली गै अर शहर मा घपरौल मचि गै। अर लुखुं ल गयुस अर अरिस्‍तर्खुस, मकिदुनिया प्रान्त का रौंण वलो तैं जु पौलुस का दगड़िया छा ऊं तैं पकड़ी दींनि अर एक दगड़ी रंगशाला मा दौड़ि गैनी।

खास चेलों 2:9

हम मा बट्टी कुछ लोग पारथी क्षेत्र बट्टी छिनी कुछ मादी, एलामी अर मेसोपोटामिया, यहूदिया प्रान्त, कप्प्दूकिया, पुन्तुस, एशिया,

खास चेलों 20:16

पौलुस ल इफिसुस शहर मा नि उतरणु को फैसला कैरी किलैकि उ एशिया प्रान्त मा और जादा बगत नि बितांण चांदु छो, उ जल्दी मा छो कि जु इन हवे साको उ पिन्तेकुस्त का त्योहार का दिन यरूशलेम शहर मा रै सकुनु।

खास चेलों 20:18

जब उ वेमा ऐनी, त ऊंमा बोलि, “तुम जंणदा छा, कि पैली ही दिन बट्टी जब मि एशिया प्रान्त मा पौंछु, मि हरेक बगत तुम दगड़ी कै ढंग से रौं।

खास चेलों 21:29

ऊंल इन बोलि, किलैकि यां बट्टी पैली इफिसुस वासी त्रुफिमुस तैं पौलुस दगड़ी शहर मा देखि छो, इलै ऊंल इन समझी कि पौलुस वे तैं यरूशलेम शहर का मन्दिर मा लै गै।

खास चेलों 27:2

हम अद्रमुत्तियुम का एक जहाज पर बैठी ग्यां उ जहाज एशिया प्रान्त का छाला ही छाला जांण वलो छो, मकिदुनिया प्रान्त का थिस्सलुनीकियों शहर को अरिस्‍तर्खुस हम दगड़ा मा छो।

रोमियों 16:21

तीमुथियुस मेरा सहकर्मी अर लूकियुस अर यासोन अर सोसिपत्रुस मेरा दगड़िया यहूदी लुखुं, तुम तैं प्रणाम।

रोमियों 16:23

गयुस जै दगड़ी मि रौंणु छो, उ भि तुम कु प्रणाम बुल्णु च। सैरी मण्डलि ऊंका घौर मा इख मिलदी। इरास्तुस जु यु शहर को खजांचि च अर क्वारतुस हमारो भैय भि तुम कु प्रणाम बुल्णु च।

2 कुरिन्थि 1:1

मि पौलुस, जु प्रभु यीशु मसीह कु प्रेरित हूंणु कु पिता परमेश्वर की इच्छा ल चुणयूं अर मि इख हमारा विश्वासी भैय तीमुथियुस का दगड़ी छों जु मेरी मदद करद। मि या चिठ्ठी कुरिन्थुस शहर मा विश्वासियों की मण्डलि तैं, अर अखाया प्रदेश का सैरा लुखुं तैं लिखणु छों;

2 कुरिन्थि 1:19

किलैकि पिता परमेश्वर कु नौंनो यीशु मसीह जैको हमारा द्वारा मतलब कि मेरा अर सिलवानुस अर तीमुथियुस का द्वारा तुम्हरा बीच मा प्रचार हवे; जु एक बगत मा हाँ अर बाद मा न नि छै।

इफिसुस 6:21

प्रभु कि संगति मा प्रिय भैय अर विश्वासी सेवक तुखिकुस तुम सभियूं तैं बतौ दयालो, कि तुम भि जांणि जा कि मि कन छों अर कि कनु छों।

फिलिप्पी 2:19

मि तैं प्रभु यीशु मसीह पर आस च कि मि तुम मा तीमुथियुस तैं तुरंत भिजलु, कि वे बट्टी तुमारी दशा सूंणि के मि तैं खुशी मिलो।

कुलुसी 4:10

अरिस्‍तर्खुस जु मि दगड़ी जेलखना मा कैद च, अर मरकुस जु बरनबास कु भंणजो लगदो तुम कु प्रणाम बुल्णु च। जैका बारा मा तुम तैं पैली बट्टी ही मालूम च, कि जु उ तुम मा औ त वे दगड़ी अच्छो बरतौ करयां।

कुलुसी 4:7

प्रिय विश्वासी भैय तुखिकुस, जु भरोसामन्द सेवक अर प्रभु मा हमारो दगड़िया च, उ ही तुम तैं मेरी सभि बात बतै दयालो।

1 तीमुथियुस 1:1

मि पौलुस जु हमारा उद्धारकर्ता पिता परमेश्वर का अधिकार ल अर मसीह यीशु, जै मा हम आस रखदां, एक प्रेरित छो।

2 तीमुथियुस 1:2

हे तीमुथियुस, मि त्वे तैं या चिठ्ठी लिखणु छो, अर तु मि कु एक प्रिय नौंना का जन छै, अर मि प्रार्थना करदु, कि पिता परमेश्वर अर हमारा प्रभु यीशु मसीह कि तरपां बट्टी त्वे तैं कृपा दया अर शान्ति मिल्दी रौ।

2 तीमुथियुस 4:12

तुखिकुस तैं मेरू इफिसुस नगर मा भिज्युं च।

2 तीमुथियुस 4:20

इरास्तुस त कुरिन्थुस शहर मा रै गै, अर त्रुफिमुस तैं मि मीलेतुस शहर मा, छोड़ी के ऐ ग्यों, किलैकि उ बिमार छो।

तीतुस 3:12

जब मि क्रेते द्वीप मा अरतिमास या तुखिकुस तैं त्वे मा भिजलु, त मि मा निकुपुलिस शहर औणे कि पूरी कोशिश कैरी; किलैकि मिल ठाणेलि कि मि ह्यूंद तक उखि रौं।

फिलेमोन 1:24

अर मरकुस, अरिस्‍तर्खुस, देमास अर लूका मि दगड़ी प्रभु को काम करदींनि; यूं सभियूं कु मि प्रणाम बुल्णु छों।

3 यूहन्ना 1:1

मि यूहन्ना मंडलि कु पुरणो अगुवा, या चिठ्ठी प्रिय दगड़िया गयुस त्वे कु लिखणु छो, मि त्वे बट्टी सचो प्रेम करदु छो।