खास चेलों 20:3 - गढवली नयो नियम

³ जब तीन महीना तक रै के जब उ पांणी का जहाज मा सीरिया प्रान्त जांण वलो छो त पर वेल सूंणि की कुछ यहूदियों ल वे तैं बट्टा मा मरणै की जाल-साजी कना छा अर इलै वेल मकिदुनिया प्रान्त बट्टी हवे कै सीरिया प्रान्त जांणो को विचार कैरी।

Garhwali

³ अर यूनान देस मा पौंछी के पौलुस तीन मैना तक उखि रै। अर जब वु उख बटि पाणि का जाज को सफर शुरु कैरिके सीरिया मुलक कू जाण वळु छौ, त वेतैं पता चलि गै कि यहूदी लोगु न वेका खिलाप मा जाळसाजि कैरियाली, इलै वेन मकिदुनिया मुलक बटि ही वापिस जाण को विचार बणै दिनी।

खास चेलों 20:3 ပူးပေါင်းရင်းမြစ်များ

मत्ती 4:24

अर सैरा सीरिया प्रदेश का देश मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।

खास चेलों 16:12

उख बट्टी हम मकिदुनिया प्रान्त का फिलिप्पी शहर पौंछयां जु रोमियों की बस्ति कु खास नगर च। अर हम वे नगर मा कुछ दिन रयां।

खास चेलों 16:9

अर पौलुस ल राती एक दर्शन देखि की एक मकिदुनिया प्रान्त का रौंण वला एक आदिम खड़ो हुयुं, वेमा बिनती कैरी के बोलि छों “समुद्र का पार उतरी कै मकिदुनिया प्रान्त मा ऐ, अर हमारी मदद कैर।”

खास चेलों 18:18

यांका बाद पौलुस कुछ बगत तक कुरिन्थुस शहर मा रै, फिर वे विश्वासी भयों बट्टी विदा हवे के नजदीक का किंख्रिया शहर मा चलि गै। उख जै के पौलुस ल यहूदी रीति का अनुसार अपड़ा मुंडन कैरे दींनि, ईं रीति का अनुसार वेल अपड़ी सौं पूरी कैरी। फिर जहाज मा बैठी के सीरिया प्रदेश चलि गै अर प्रिस्किल्ला अर अक्विला तैं अफ दगड़ी ली गै।

खास चेलों 19:21

जब यु बात हवे गैनी त पौलुस ल मकिदुनिया प्रान्त अर अखाया प्रान्त का विश्वासियों बट्टी मिलणा का बाद यरूशलेम शहर जांणो को फैसला कैरी। अर बोलि, “मि तैं यरूशलेम जांणा का बाद रोम शहर जांण भि जरुरी च।”

खास चेलों 20:1

जब घपरौल थमि गै तब पौलुस ल चेलों तैं बुलै के ऊंको हिम्मत बढ़ै, अर ऊं बट्टी विदा हवे के मकिदुनिया प्रान्त की तरपां चलि गै।

खास चेलों 20:19

बड़ी दया ल अर रौवे-रौवे के, अर ऊं अजमैश मा भि जु यहूदियों की चालबाजी ल जु मि पर पोड़िनि तब भि मि प्रभु की सेवा करदी रयूं।

खास चेलों 20:2

वे सैरा प्रदेश मा बट्टी हवे अर चेलों तैं भौत हिम्मत बढ़ै कै उ यूनान प्रान्त, जै तैं अखाया प्रान्त भि बुलै जांदु चलि गै।

खास चेलों 21:3

हम तैं बैं तरपां साइप्रस द्वीप दिखै द्ये। हम उख बट्टी हवे कैरी के सीरिया प्रदेश की तरपां बढ़दी रां अर सूर शहर तक पौंछि ग्यां, किलैकि उख जहाज बट्टी समान उतरै जांण छो।

खास चेलों 25:3

अर वे बट्टी बिनती कैरी के पौलुस तैं यरूशलेम शहर मा बुलै, किलैकि उ वे तैं बट्टा मा ही मरणै कि ताक मा छा।

2 कुरिन्थि 1:15

मि तैं विश्वास छो, कि तुम हम तैं समझदा छा अर इलै सबसे पैली तुम तैं मिलणै की योजना मिल बणै छै; इन कै तुम तैं हमारा द्वारा द्वी यात्राओं की आशीष मिलदी।

2 कुरिन्थि 11:26

मि बार-बार यात्राओं मा; गाड का जोखिमोंं मा; डाकुओं का जोखिमोंं मा; अपड़ा जातिवलों बट्टी जोखिमोंं मा; अन्यजातियों बट्टी जोखिमोंं मा; नगरों का जोखिमोंं मा; जंगल का जोखिमोंं मा; समुद्र का जोखिमोंं मा; झूठा विश्वासी बणयां भयों का बीच जोखिमोंं मा रौ;

2 कुरिन्थि 7:5

किलैकि जब मिल त्रोआस शहर छोड़ी अर इख मकिदुनिया प्रान्त मा ओ, तब भि हम तैं बिल्कुल भि आराम नि छो; पर हम हर तरपां बट्टी परेशानियां झिलणां छा; अर हर जगह लड़ै ही लड़ै छै, हमारा मनों मा डौर छै।

गलातियों 1:21

यरूशलेम शहर मा ऊं प्रेरितों बट्टी मिलणा का बाद सीरिया अर किलिकिया प्रदेश कु गौ।