खास चेलों 20:24 - गढवली नयो नियम

²⁴ पर मि अपड़ा प्राण तैं कुछ नि समझदु कि वे तैं प्रिय जांणु, बल्कि यु कि मि अपड़ी दौड़ तैं, चांदु छो कि मि अपड़ी वीं सेवा तैं पूरी कैरू, जु मिल पिता परमेश्वर की दया का शुभ सन्देश पर गव्है दींणु कु जु मिल प्रभु यीशु बट्टी पैईं च।

Garhwali

²⁴ मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

खास चेलों 20:24 ပူးပေါင်းရင်းမြစ်များ

लूका 16:28

किलैकि मेरा पाँच भैय छिन अर मि चांदों छों की उ जौं अर मेरा भयों तैं चेतावनी द्या, इन नि हो कि उ भि ई दुख भरीं जगह ऐ।

यूहन्ना 15:27

अर तुम दुनिया तैं मेरा बारा मा बतैला किलैकि तुम शुरू बट्टी मि दगड़ी ही रौंदा छा।”

यूहन्ना 17:4

जु काम तिल मि तैं कनु कु दे छा ऊं तैं पूरो कैरी कै मिल धरती मा तेरी बड़ै कैरी।

खास चेलों 1:17

जबकि उ हम मा बट्टी एक छो अर ई सेवा मा भागिदार भि हवे।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

खास चेलों 13:25

अर जब यूहन्ना अपड़ी सेवा पूरी कन पर छो, त वेल बोलि, “तुम कि सुचदियां की मि कु छो? मि मसीह नि छो; पर देखा, जु मेरा बाद एक आंण वलो च, उ मि बट्टी भौत जादा महान च अर मि यु योग्य भि नि छो कि वेका जुत्ता का तस्मों तैं खोल साको।”

खास चेलों 14:3

पौलुस अर बरनबास भौत दिन तक उखी रैनी, अर प्रभु का भलै का बारा मा हिम्मत का दगड़ी बात करदा छा; अर प्रभु ऊं बट्टी चमत्कार अर अद्भुत काम करवै के साबित कैरी कि ईं दया का बारा मा ऊंको संदेश सचो छो।

खास चेलों 15:7

तब पतरस ल भौत बातचित का बाद खड़ो हवे के ऊंमा बोलि हे विश्वासी भयों, तुम जंणदा छा की भौत बगत हवेनि की परमेश्वर ल तुम्हरा बीच बट्टी मेरू चुनाव कैरी की मेरा द्वारा अन्यजातियों का लोग शुभ सन्देश को वचन सुणै के विश्वास कैरा।

खास चेलों 18:5

जब सिलास अर तीमुथियुस मकिदुनिया प्रान्त बट्टी एनि, तब वेल तम्बू बनांण बंद कैरी दींनि अर अपड़ो सैरो बगत परमेश्वर का वचन सुनांण मा लगै दींनि। अर पौलुस यहूदियों तैं गव्है दींद छो कि यीशु ही मसीह च।

खास चेलों 20:21

बल्कि यहूदियों अर अन्यजाति (यूनानियों) तैं चेतावनी दींणु रौं कि परमेश्वर जनै अपड़ा पापों तैं पछयांण अर ऊंकी माफी मांग के मन फिरा, अर हमारा प्रभु यीशु पर विश्वास कन चयणु च।

खास चेलों 20:23

मि भस इथग जंणदु कि पवित्र आत्मा हरेक शहर मा चितै के मि बट्टी बुल्णु च कि जेलखना अर क्लेश त्वे कु तैयार छिनी।

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

खास चेलों 21:13

पर पौलुस ल बोलि, “तुम कन छा, कि रौवे-रौवे के मेरू दिल किलै दुखांणा छा? मि प्रभु यीशु का नौं कु न भस यरूशलेम शहर मा बंधे जांणु कु बल्कि मुरण कु भि तैयार छौं।”

खास चेलों 22:21

“अर प्रभु ल मि कु बोलि, चलि जा; किलैकि मि त्वे तैं अन्य-जातियों का लुखुं मा दूर-दूर तक भिजलु”

खास चेलों 9:15

पर प्रभु ल वे बट्टी बोलि, “तू जा, मिल वे तैं अन्यजातियों अर राजाओं अर इस्राएलियों का संमणी मेरा बारा मा प्रचार कनु कु मेरू चुणयूं जन च।

रोमियों 11:6

जु पिता परमेश्वर ल ऊं तैं चुणि उ दया का कारण ही हवे, या भाला कामों का कना का अनुसार न। जु कामों का द्वारा च, त दया फिर दया नि रै।

रोमियों 4:4

काम कन वलो कि मजदूरी दींण दान न, बल्कि हक समझे जांद।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

2 कुरिन्थि 12:10

इलै मि मसीह की कमजोरियों, अर निन्दाओं मा, अर दरिद्रता मा, अर घपरौल मा, अर दुखों मा, खुश छों; किलैकि जब मि कमजोर हूंदु, तब मि मसीह की सामर्थ मा मजबूत हूंदु।

2 कुरिन्थि 4:1

इलै जब हम पर इन दया हवे, कि पिता परमेश्वर का शुभ संदेश कु प्रचार कने की सेवकाई कैरा, त हम हिम्मत नि छुड़दियां।

2 कुरिन्थि 4:12

इलै हम मौत का खतरा मा रौंदियां, पर येको नतीजा मा तुम तैं अनन्त जीवन मिली।

2 कुरिन्थि 5:8

इलै हम निश्चित रौंदियां, अर जब हम मुरुला त प्रभु का दगड़ी रौंण और भि उत्तम समझदियां।

2 कुरिन्थि 7:4

मि तुम बट्टी भौत विश्वास से बुल्णु छो, मि तैं तुम पर बड़ो गर्व च; मि भौत प्रोत्साहित छो; अपड़ा सैरा क्लेश मा मि आनन्द से भौत भरपूर रौंदु।

गलातियों 1:1

मि पौलुस, एक प्रेरित छो, जु न मनिख्युं की तरपां बट्टी, बल्कि मि यीशु मसीह अर पिता परमेश्वर का द्वारा, जैल वे तैं मुरदों मा बट्टी ज्यूँदो कैरी,

इफिसुस 1:6

कि ऊं की निराली दया कि बड़ै हो, जु वेल हम तैं मुफ्त मा दे द्या किलैकि हम वेका प्यारा नौंना का दगड़ी जुड़यां छा।

इफिसुस 3:13

इलै मि बिनती कनु छौं कि जु दुख तुमारा बांनों मि तैं हूंणु च, वेका कारण तुम निराश नि हुयां, किलैकि यु सब तुमारा फैदा कु च।

फिलिप्पी 2:17

प्रभु पर तुम्हरो विश्वास अर वेका प्रति तुम्हरी सेवा परमेश्वर तैं चढै गै बलिदान का जन च। जु उ मि तैं मारि भि डलला, त मि वे दाखरस का जन होलो जै तैं याजक तुम्हरा बलिदान का मथि एक पीणै की भेंट कैरी के अखणांद कि बलिदान तैं पूरो कैरो।

फिलिप्पी 2:30

इलै की उ मसीह का कामों कु अपड़ा प्राण तैं भि खतरा मा डाली के मुरण कु तैयार हवे गै छो, कि उ, ऊं तरीकों ल मेरी मदद कैर साका, जु तुम नि कैरी सकणा छा किलैकि तुम भौत दूर छा।

कुलुसी 1:24

अब मि ऊं दुखों का कारण खुश छौं जौं तैं मि तुमारा कारण उठौंदु, यानि मण्डलियों कु अपड़ा देह मा पूरो करदु जन मसीह ल अपड़ा देह मा सै के पूरी कैरी।

1 थिस्सलुनीकी 2:2

तुम जंणदा ही छा, कि पैली हम ल फिलिप्पी शहर मा दुःख अर अपमान सौण पर फिर भि हमारा पिता परमेश्वर ल हम तैं इन साहस दींनि, कि तुम्हरा शहर का लुखुं का कारण हमारो भारी विरोध हूंण पर फिर भि हम ल पिता परमेश्वर का शुभ सन्देश तैं और भि जादा तुम तैं सुंणै।

1 थिस्सलुनीकी 3:3

कि कुई भि यूं क्लेशों का कारण अपड़ा विश्वास मा डगमगै नि जौं; किलैकि तुम अफी जंणदा, कि हम तैं कष्ट उठांण पुड़लो।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

2 तीमुथियुस 3:11

अर लुखुं ल मि तैं सतै, ज्यांका कारण मिल भौत दुःख उठै, तुम तैं पता च कि अन्ताकिया इकुनियुम अर लुस्त्रा नगरों मा मि पर कन-कन जुल्म हवीनि, फिर भि ऊं सभियूं मा प्रभु ल मि तैं निकाली।

2 तीमुथियुस 4:17

पर प्रभु ल मेरू दगड़ो दींनि, अर मि तैं सामर्थ दींनि; कि मेरा द्वारा यीशु मसीह का शुभ संदेश को पूरो प्रचार हो, अर सब अन्य-जाति का लोग सूंणि ल्योनु, अर मि तैं मौत बट्टी बचै जन कि शेर का गिच्चा बट्टी छुड़ाये हो।

तीतुस 1:3

पर ठिक बगत पर, पिता परमेश्वर ल यु शुभ संदेश तैं हमारा संमणी प्रगट कैरी, अर हम यांको प्रचार सभियूं का संमणी करदां। पिता परमेश्वर अर हमारा उद्धारकर्ता यीशु मसीह ल या आज्ञा जिम्मेदारी का दगड़ी मि तैं द्ये, कि वेको यु काम कैरो।

तीतुस 2:11

पिता परमेश्वर ल हरेक का उद्धार कु कैरी कै दिख्यालै कि उ कथग दयालु च।

इब्रानी 10:34

तुम कैदियों का दुःख मा भि दुःखी हुयां, अर अपड़ी संपत्ति भि खुशी से लुटै दींनि; किलैकि तुम जंणदा छा कि तुम मा अब भि उ सब चीज छिनी जैको वादा पिता परमेश्वर ल कैरी छो, जु कि भौत खास च अर जु हमेशा कु बंणि रौंदी।

1 पतरस 5:12

मि या छुटी सी चिठ्ठी सिलवानुस (सिलास) का मदद ल लिखणु अर तुम तैं भिजणु छो। मि वे तैं मसीह मा एक विश्वासयोग्य भैय का रूप मा मंणदु छो। मेरू यु तैं लिखणौं को उद्देश्य तुम तैं उत्साहित कन अर तुम तैं आश्वस्त कन कि जु कुछ भि तुम अनुभव कना छा उ वास्तव मा तुम्हरा प्रति पिता परमेश्वर की कृपा को हिस्सा च। ईं कृपा मा स्थिर रावा।

1 यूहन्ना 3:16

हम ल प्रेम यां बट्टी जांणि, कि यीशु मसीह ल हम कु अपड़ो प्राण द्ये दींनि; इलै हम तैं भि विश्वासी भयों का खातिर अपड़ा प्राण दींण चयणु च।

दिब्य दरस 12:11

हमारा विश्वासियों ल शैतान तैं हरै लियेले। ऊंल वे चिनखा का ल्वे की सामर्थ बट्टी हरै, जु ऊं तैं ऊंका पापों तैं छुडांणु कु मरै गै छो। किलैकि ऊंल यु अंगीकार नि कैरी कि चिनखो ऊंको प्रभु च। जबकि ऊं तैं सतै गै इख तक की मरै भि गै, पर उ अपड़ा वे अंगीकार बट्टी पिछनै नि हटीनि।

दिब्य दरस 6:11

ऊंमा बट्टी हर एक तैं एक सफेद कपड़ा दिए गै पिता परमेश्वर ल ऊं बट्टी बोलि, “अभि आराम कैरा, किलैकि अब भि तुम्हरो कुछ दगड़ी काम कन वला अर तुम्हरा दगड़िया विश्वासी छिनी जूं तैं तुम जन ही मरै जालो। जब मरै जांण वलो की गिणती पूरी हवे जाली, तब ही मि बदला ल्युलु।”