खास चेलों 2:47 - गढवली नयो नियम

⁴⁷ अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।

Garhwali

⁴⁷ अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

खास चेलों 2:47 ပူးပေါင်းရင်းမြစ်များ

लूका 19:48

पर कुई ब्यूंत नि कैरी सकिनि कि यु कनके करुला किलैकि लोग बड़ी चाह से वेकी सुणदा छा।

लूका 2:52

अर यीशु बुद्धि अर डील-डौल मा अर परमेश्वर अर मनिख्युं का कृपा मा बढ़दी गै।

खास चेलों 11:21

अर प्रभु को सामर्थ ऊं पर छो, अर भौत स अन्यजाति लुखुं ल ऊं की खबर पर विश्वास कैरी अर प्रभु यीशु तैं स्वीकार कैरी।

खास चेलों 11:24

बरनबास एक अच्छो आदिम अर विश्वास अर पवित्र आत्मा बट्टी भुरयां आदिम छो, वे तैं देखि के भौत लोग पिता परमेश्वर मा विश्वास कैरी के वेमा ऐ मिलिनि।

खास चेलों 13:48

यु सूंणि के अन्यजाति लोग भौत खुश हवीनि, अर पिता परमेश्वर का वचन की बड़ै कन लगि गैनी, अर जथग अनन्त जीवन कु ठैरिनि, ऊंल विश्वास कैरी।

खास चेलों 14:1

इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।

खास चेलों 14:21

वेका बाद पौलुस अर बरनबास वे शहर का लुखुं तैं शुभ सन्देश प्रचार सुणै के, अर भौत चेला बणैंनि; यांका बाद पौलुस अर बरनबास अपड़ा रस्ता लौटण लगि गैनी; उ फिर लुस्त्रा शहर गैनी, अर उ फिर उख बट्टी इकुनियुम शहर कु गैनी, अर फिर उ पिसिदिया प्रदेश का अन्ताकिया शहर कु गैनी।

खास चेलों 16:5

इन कै मण्डलि का लोग विश्वास मा मजबूत हूंदी गैनी अर गिणती मा दिनौ दिन बढ़दी गैनी।

खास चेलों 17:12

इलै ऊंमा बट्टी भौतों ल, अर मुख्य यूनानी जननों मा बट्टी अर आदिमों मा बट्टी भि भौतों ल विश्वास कैरी।

खास चेलों 2:39

किलैकि य करार तुम कु अर तुम्हरी सन्तान कु अर ऊं सब दूर-दूर तक रौंण वला लुखुं कु भि च ऊं सभियूं कु जौं तैं हमारो परमेश्वर अफ मा बुलांदु।”

खास चेलों 2:41

जु कुछ पतरस ल बोलि, जौनु भि वेका संदेश पर विश्वास कैरी ऊंल बपतिस्मा लये अर वे ही दिन करीब तीन हजार लोग ऊं दगड़ी मिली गैनी।

खास चेलों 4:21

तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।

खास चेलों 4:33

प्रेरितों बड़ी सामर्थ का दगड़ी प्रभु यीशु कि फिर से ज्यून्दा होंणै गव्है दींण रैनी अर ऊं सभियूं पर बड़ी कृपा छै।

खास चेलों 4:4

पर वचन का सुनण वलो मा बट्टी भौत लुखुं यीशु पर विश्वास कैरी अर ऊं की गिणती पाँच हजार मनिख्युं कि छै जु यीशु मा विश्वास कन वला बण गैनी।

खास चेलों 6:1

ऊं दिनों मा जब चेलों कि गिणती बिज्यां बढण लगि गै छै तब यूनानी भाषा बुल्ण वला यहूदी विश्वासी इब्रानी भाषा बुल्ण वला यहूदी विश्वासियों का विरुद्ध कुड़कुड़ाण लगि गै कि हरेक दिनों कु खांणु की सेवकाई मा ऊंकी विधवाओं कि सुध नि लिये जांद।

खास चेलों 6:7

अर पिता परमेश्वर को वचन फैलदी गै, यरूशलेम शहर मा चेलों कि गिणती भौत बढ़दी गै; अर भौत यहूदी याजकों ल भि यीशु पर विश्वास का यु संदेश तैं स्वीकार कैरी।

खास चेलों 9:31

इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।

खास चेलों 9:35

अर लुद्दा नगर, शारोन नगर मा रौंण वला, सभियूं ल वे तैं देखि के यीशु पर विश्वास कैरी।

रोमियों 14:18

जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।

रोमियों 8:30

फिर जौं तैं वेल पैली बट्टी ठैराये, ऊं तैं चुणि भि च, अर जौं तैं चुणयूं च, ऊं तैं धर्मी भि ठैराये, अर जौं तैं धर्मी ठैराये, ऊं तैं अपड़ी बडै मा भि हकदार बंणै।

रोमियों 9:27

इस्राएल का लुखुं का बारा मा परमेश्वर कि तरपां बट्टी बुल्ण वलो यशायाह चिल्लै कै बुल्णु च, “चै इस्राएल का लुखुं की गिणती समुद्र का किनारा बल्ला का जन हो, तब भि ऊंमा जरा ही बचला।

1 कुरिन्थि 1:18

किलैकि सूली कि मिसाल त नाश हूंण वला कु मूर्खता च पर हम बचण अर उद्धार पांण वलो कु पिता परमेश्वर की सामर्थ नजदीक च।