खास चेलों 2:30 - गढवली नयो नियम

³⁰ पर उ त परमेश्वर का तरपां बट्टी बुल्ण वलो छो अर जंणदु छो कि पिता परमेश्वर ल सौं खै छै कि मि तेरु कुल बट्टी एक आदिम तैं तेरु सिहासन पर बैठौलु।

Garhwali

³⁰ अर उ एक रैबर्या छौ, अर उ जणदु छौ कि परमेस्वर की एक कसम खईं च कि उ वेका वंश मदि कै एक तैं वेकी राजगद्‍दी पर बैठालु।

खास चेलों 2:30 ပူးပေါင်းရင်းမြစ်များ

मत्ती 22:43

यीशु ल ऊंमा पूछि “त दाऊद आत्मा मा हवे के वे तैं प्रभु किलै बुल्द?

मत्ती 27:35

तब ऊंल यीशु तैं सूली पर कीलों ल ठोकी के चढ़ै दींनि अर वेका कपड़ोंं तैं बंटणु कु पर्ची बणैंनि कि जै तैं जु भि मिललो वे तैं आपस मा बांटि द्याला।

मरकुस 12:36

जब पवित्र आत्मा ल राजा दाऊद मा हवे के बोलि, “प्रभु परमेश्वर ल मेरा प्रभु कु बोलि, कि मेरा दैंणा तरपां सम्मान अर अधिकार का सिंहासन मा बैठ जब तक कि मि तेरा दुश्मनों तैं नि हरै द्यों।”

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

खास चेलों 1:16

“हे विश्वासी भयों, पवित्र आत्मा ल बहुत पैली राजा दाऊद का द्वारा यहूदा का बार मा बतये छो, जु कि यीशु तैं गिरफ्तार कन वला लुखुं को मार्ग दर्शने कन वलो बंणि गै यु जरूरी छो कि यहूदा का बारा मा परमेश्वर का वचन मा लिख्युं लेख पूरो हो।

रोमियों 1:3

यु शुभ सन्देश वेका नौंना, हमारा प्रभु यीशु मसीह का बारा मा च वेको जन्म राजा दाऊद का वंशज का परिवार मा हवे छो।

रोमियों 15:12

फिर परमेश्वर की तरपां बट्टी बुल्ण वलो यशायाह बुल्दो, “यिशै कु एक वंशज प्रगट होलो जु एक जौड़ा जन होलो, अर उ अन्य-जातियों पर अधिपति का जन राज्य करलो, वे पर अन्यजाति आस रखली कि उ ऊं तैं बचालो।”

2 तीमुथियुस 2:8

हमेशा यीशु मसीह तैं याद रख, जु राजा दाऊद को वंश च, अर पिता परमेश्वर ल वे तैं मुर्दों मा बट्टी ज्यूँदो कैरी; अर यूं उ ही शुभ सन्देश च, जु मि लुखुं का बीच मा प्रचार करदु।

इब्रानी 1:1

पुरणा बगत मा पिता परमेश्वर ल पुरणों बट्टी अर कई प्रकार ल परमेश्वर का तरपां बट्टी बुल्ण वलो का द्वारा बात कैरी,

इब्रानी 3:7

इलै, जन पवित्र आत्मा वचन मा बुल्द, “जु तुम आज पिता परमेश्वर की आवाज तैं सूंणा”

इब्रानी 4:7

इलै पिता परमेश्वर ल अपड़ा विश्राम की जगह मा प्रवेश कनु कु एक और बगत तय कैरी, अर उ आज च; हमारा पुरणों का विरोध का लम्बा बगत का कई सालों बाद, वेल राजा दाऊद बट्टी यूं वचनों तैं बुलवै, जु पैली बट्टी बुलवै गै छा, “जु तुम आज पिता परमेश्वर की आवाज तैं सूंणा” “त अपड़ा मनों तैं ढीट नि बणा।”

इब्रानी 6:17

इलै ही पिता परमेश्वर ल भि एक सौं खैई; ज्यांका द्वारा उ ऊं लुखुं तैं जौं बट्टी वादा किये गै छो, साफ-साफ दिखांण चांद कि उ वे वादा तैं पूरो करलो जैको वादा वेल कैरी छो।

इब्रानी 7:21

किलैकि लेवी का वंशज त बगैर सौं लियां यहूदी याजक ठैरे गैनी पर यीशु सौं का दगड़ी पिता परमेश्वर की तरपां बट्टी चुणै गै ज्वा यीशु का बारा मा बुल्दी, “प्रभु परमेश्वर ल या नई प्रतिज्ञा लै, मि अपड़ा फैसला बट्टी नि पछतौलु, कि तु हमेशा कु मलिकिसिदक का समान एक याजक छै।”

2 पतरस 1:21

किलैकि कुई भि पिता परमेश्वर का तरपां बट्टी वचन मा दिये गै कुई भि संदेश कभी भि आदिमों बट्टी पैदा नि हवे। पर पवित्र आत्मा ल लुखुं का मनों तैं उभारी जब ऊंल पिता परमेश्वर की तरपां बट्टी अयां संदेश तैं बोलि।

दिब्य दरस 17:14

जानवर अर दस राजाओं चिनखा पर हमला करला, पर चिनखा अर वेका मनणवला ऊं तैं हरै दयाला। यु इलै च किलैकि उ जानवर का प्रभु अर राजाओं को राजा च। वे तैं मनणवला उ छिनी जौं तैं पिता परमेश्वर ल बुलै अर चुणि, अर जु वेका प्रति विश्वासयोग्य छिनी।”

दिब्य दरस 19:16

अर वेको चोला अर दे जांघ पर यु नौं लिख्युं छो “प्रभु अर राजाओं को राजा च।”