खास चेलों 19:8 - गढवली नयो नियम

⁸ अर तब पौलुस यहूदियों का मिलणा का भवन मा जै के तीन महीना तक निडर हवे के बुल्दी रै अर परमेश्वर का राज्य का बारा मा बातचित कनु रै अर यकीन दिलौंण की कोशिश कनु रै।

Garhwali

⁸ फिर पौलुस तीन मैना तक इफिसुस नगर का प्रार्थना भवन मा जैके बिन डऽरयां प्रभु को वचन सुनौणु रै, अर परमेस्वर का राज का बारा मा ऊंतैं समझौणु रै अर ऊंका मनों तैं अपणी तरफा कनै की पूरि कोसिस कनु रै।

खास चेलों 19:8 ပူးပေါင်းရင်းမြစ်များ

खास चेलों 1:3

यीशु का दुख उठौंणा अर मौत का बाद भौत सैरा पक्का सबूतों का द्वारा अफ तैं ज्यूँदो दिखै अर चालिस दिनों तक उ प्रेरितों तैं दिखेंणु रैं अर परमेश्वर का राज्य कि बात कनु रैं।

खास चेलों 13:14

अर पिरगा शहर बट्टी अगनैं बढ़ि के गलातिया प्रान्त का पिसिदिया जिला का नजदीक अन्ताकिया शहर मा पौछिनी; अर यहूदियों को विश्राम को दिन यहूदियों का मिलणा का भवन मा जै के बैठी गैनी।

खास चेलों 13:46

तब पौलुस अर बरनबास ल निडर हवे के बोलि, “जरूरी छो, कि पिता परमेश्वर को वचन पैली तुम तैं सुणये जांदु; किलैकि जब तुम वे तैं मना कैरी दींद, अर अफ तैं अनन्त जीवन का योग्य नि ठैरांदा, त अब, हम अन्यजाति लुखुं मा जौला।”

खास चेलों 14:1

इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।

खास चेलों 17:17

इलै पौलुस यहूदियों का मिलणा का भवन मा यहूदियों अर परमेश्वर कु भय मनणवला अन्यजाति भक्तों बट्टी अर चौक (बजार) मा जु आंण-जांणवला लोग वे बट्टी मिल्दा छा। अर ऊं बट्टी हर दिन वाद-विवाद कनु रांदो छो।

खास चेलों 18:19

वेल इफिसुस शहर पौंछि के प्रिस्किल्ला अर अक्विला तैं उख छोड़ी। अर इफिसुस शहर तैं छुड़ण से पैली उ यहूदियों का मिलणा का भवन मा जै के यहूदी लुखुं दगड़ी बातचित कन लगि गै।

खास चेलों 18:26

उ यहूदियों का मिलणा का भवन मा निडर हवे के बुल्ण लगि गै, पर प्रिस्किल्ला अर अक्विला वेकी बात सूंणि कै वे तैं अपड़ा इख ली गैनी अर परमेश्वर को रस्ता वे तैं ठिक ढंग से बतै।

खास चेलों 18:4

अर पौलुस हरेक यहूदियों को विश्राम को दिन यहूदियों का मिलणा का भवन मा वाद-विवाद कैरी के यहूदियों अर अन्यजाति (यूनानियों) तैं भि यीशु मसीह पर विश्वास कनु कु समझांदु छो।

खास चेलों 19:10

द्वी बरसों तक इन ही हूंणु रै इलै इख तक कि एशिया प्रदेश का रांण वला चै उ यहूदी छा, चै अन्यजाति (यूनानियों) का छा सभियूं ल प्रभु कु वचन सूंणि।

खास चेलों 19:7

यु सभि लगभग बारह आदिम छा।

खास चेलों 19:9

पर जब कुछ लुखुं ल ढीट हवे के वेको विश्वास कन से मना कैरी द्ये बल्कि लुखुं का संमणी प्रभु का रस्ता की शिक्षा तैं बुरो बुल्ण लगि गैनी, त वेल ऊं तैं छोड़ी दींनि अर चेलों तैं अफ दगड़ी ली गै। अर रोज उ विश्वासियों का दगड़ी तुरत्रुस कि पाठशाला मा विचार-विमर्श करदु छो।

खास चेलों 20:31

इलै सचेत रावा, अर याद रखा कि मि तीन साल तक रात दिन रौवे-रौवे के हरेक तैं चितांण नि छोड़ी।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

यहूदा 1:3

हे विश्वासी भयों, मि तुम तैं वे नया जीवन का बारा मा लिखणु कु हर संभव कोशिश कनु छो जु यीशु मसीह का द्वारा पिता परमेश्वर की तरपां बट्टी आंद अर जै मा हम सभि शमिल छा। पर अब मि ईं चिठ्ठी मा वे उद्धार का बारा मा तुम तैं प्रोत्साहित कनु को दबाव महसूस कनु छो कि तुम मसीही विश्वास तैं पकड़ी के रौंणु कु और भि जादा कोशिश कैरा। पिता परमेश्वर ल अपड़ा लुखुं कु यु विश्वास एक ही बार मा हमेशा कु दे द्ये, अर यु तैं बदले नि जै सकद।