खास चेलों 18:3 - गढवली नयो नियम

³ पौलुस ऊं बट्टी मिलणै गै उ वे जन ही तम्बु बनांण वला छा पौलुस ल वेका दगड़ी रै के काम कैरी; इलै उ ऊंका दगड़ा मा रै।

Garhwali

³ अर पौलुस ऊंका दगड़ा मा मिली के काम करण लगि गै, किलैकि पौलुस अर यों दुईयों को एक ही काम-धन्धा छौ, अर उ तम्बू बणौण को काम करदा छौ।

खास चेलों 18:3 ပူးပေါင်းရင်းမြစ်များ

1 कुरिन्थि 4:12

अर अपड़ा ही हथों का परिश्रम का द्वारा काम करदां; लोग बुरो बुल्दींनि, हम ऊं तैं आशीष दींदयां; उ हम तैं सतांदा छिनी, अर हम सौंदा छा।

1 कुरिन्थि 9:14

इन ही कै प्रभु ल भि ठैरे, कि जु लोग शुभ संदेश सुणौंदींनि, ऊंकी जीविका ऊं लुखुं बट्टी मिलण चयणी च, जु शुभ सन्देश तैं सुणौंदींनि।

1 कुरिन्थि 9:15

पर मिल यां मा बट्टी एक भि अधिकार कु इस्तेमाल नि कैरी; मि यु नि लिखणु छों, कि अब तुम मि कु कुछ कैरा। यांका बजाय मि कु मुरण जादा बढ़िया च! किलैकि कुई भि मि तैं ईं बात मा बड़ो मोन कन से नि रोकि सकद कि मि अपड़ो ख्याल अफी ही रखदु।

1 कुरिन्थि 9:18

तब मेरू प्रतिफल क्य च? यु ही कि मि यीशु मसीह कु शुभ सन्देश कु प्रचार मुफ्त मा करदु रौ, य मेरी तनखा च, मि कु यु संभव च कि मि बगैर तनखा का शुभ सन्देश प्रचार सुंणौ, भले ही मि तैं अपड़ा खर्च कु मंगणु कु अधिकार च।

2 कुरिन्थि 11:7

मिल तुम्हरा बीच पिता परमेश्वर कु शुभ सन्देश प्रचार मुफ्त मा प्रचार कैरी के सुणै अर अपड़ा आप तैं नम्र कैरी कि तुम्हरो सम्मान हो; क्य मिल इन कैरी के पाप कैरी?

2 कुरिन्थि 11:9

अर जब तुम्हरा दगड़ी छो, अर मि तैं धन की कमी छै, त मिल कै पर भि बोझ नि डाली, किलैकि विश्वासी भयों ल, मकिदुनिया प्रान्त बट्टी ऐ के मेरी घटि तैं पूरो कैरी; अर मिल हर बात मा अपड़ा आप तैं कै भि ढंग ल तुम कु मुसिबत बनण ल बचु, अर मि भविष्य मा भि तुम पर बोझ नि बणलु।

2 कुरिन्थि 12:13

एक काम जु मिल तुम्हरा दगड़ी नि कैरी जु कि मिल हैंकी मण्डलियों बट्टी कैरी, उ यु च कि मि कभी भि तुम पर आर्थिक बोझ नि बणु; क्य यु बट्टी तुम तैं हीन भावना महसूस हूंदी? तुम्हरो यु सुचण गलत च कि मिल इन कैरी कै तुम्हरो विरुद्ध गलत ही कैरी इलै मि तैं माफ करयां।

1 थिस्सलुनीकी 2:9

हे विश्वासी भयों, तुम हमारी मेहनत अर हमारी मुसिबतों तैं याद रखद्यां, कि हम ल रात दिन कामकाज कैरी कै तुम्हरा बीच मा पिता परमेश्वर कु शुभ सन्देश प्रचार कैरी, कि तुम तैं हमारी जरूरतों कु ध्यान नि रखण पोडो।

1 थिस्सलुनीकी 4:11

अर जन हम ल तुम बट्टी बिनती कैरी उन ही शान्ति से जीवन बसर कैरा अर अपड़ा-अपड़ा कामकाज कैरा अर दूसरों का मामलों मा दखल नि द्या, अपड़ा-अपड़ा हथों ल कमै कने कोशिश कैरा।