खास चेलों 17:23 - गढवली नयो नियम

²³ किलैकि मि चलदी फिरदी तुम्हरी पुजणैं की चिज्यों तैं दिखणुं छो, त एक इन वेदी भि देखि ज्यां पर लिख्युं छो, अजांण परमेश्वर कु। इलै जै तैं तुम बगैर जणयां आराधना करदा मि तुम तैं वे परमेश्वर कु समाचार सुनांणु छौं।

Garhwali

²³ किलैकि जब मि तुमरा नगर मा घूमणु छौ, त मिन तुमरा पूजा करण वळी चीजों तैं बड़ा ध्यान से देखि अर मिन उख वेदी पर इन लिख्यूं देखि कि, ‘अणजाण ईश्‍वर खुणि।’ इलै जब तुम वे ईश्‍वर की पूजा करद्‍यां जैतैं नि जणद्‍यां, त मि तुमतै वे ही परमेस्वर का बारा मा बतै देन्दु,

खास चेलों 17:23 ပူးပေါင်းရင်းမြစ်များ

मत्ती 15:9

यु लोग बेकार मा ही मेरी आराधना करदींनि किलैकि यु मनिख्युं कि रीत तैं इन सिखौदिनि जन कि परमेश्वर कि आज्ञा हूंनु।

यूहन्ना 17:25

हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 4:22

तुम सामरी लोग जै तैं नि जंणदा वेकी आराधना करदां छा अर जै तैं जंणदा छा हम यहूदी लोग जै तैं जंणदा छा वेकी आराधना करदां छा, किलैकि लुखुं को उद्धार कन वलो यहूदियों मा बट्टी औंदु च।

यूहन्ना 8:54

यीशु ल जवाब दींनि, जु मि अफी अपड़ो सम्मान करूं त जु मि तैं सम्मान दींद उ मेरू पिता परमेश्वर च अर तुम बुल्दा कि उ तुमारो परमेश्वर च।

खास चेलों 17:30

पैली बगत मा परमेश्वर ल लुखुं का कामों पर ध्यान नि दींनि किलैकि लोग वे तैं नि जंणदा छा, पर अब सभि लुखुं तैं मन फिराव कि आज्ञा दींद।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

1 कुरिन्थि 8:5

पर फिर भि, आकाश अर धरती पर मा भौत स लुखुं तैं परमेश्वर अर प्रभु बुल्दींनि; पर हमारो एक ही पिता परमेश्वर च जु स्वर्ग मा च, वेल सभि कुछ बणै, अर हम वेका द्वारा ही ज्यून्दा छा; उन ही कै, हमारो एक ही प्रभु च अर उ यीशु मसीह च।

इफिसुस 2:12

तुम लोग वे बगत मसीह तैं नि जंणदा छा, अर परमेश्वर का चुणयां लोग इस्राएल का जन नागरिक का रूप मा भागिदार नि छा, अर तुम ऊं भलि चीजों का भि भागिदार नि छा जौंकु वादा पिता परमेश्वर ल यहूदीयों बट्टी कैरी छों अर आस हीन हवे कै अर पिता परमेश्वर तैं बगैर जणयां ईं दुनिया मा रौंदा छा।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

1 तीमुथियुस 1:17

अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।