खास चेलों 16:19 - गढवली नयो नियम

¹⁹ जब वीं का स्वामियों ल देखि कि हमारी कमै कि आस जांणि च त पौलुस अर सिलास तैं पकड़ी के चौक मा प्रधानों मा खैंचि के लैनी।

Garhwali

¹⁹ अर जब वींका मालिक लोगु न इन देखि कि अब हमरि कमै करण को जरया खतम ह्‍वे गै, त ऊंन पौलुस अर सीलास तैं पकड़ी अर बजार का बीच बटि ऊंतैं खिखोड़ी के मुख्य लोगु का समणि लि गैनी।

खास चेलों 16:19 ပူးပေါင်းရင်းမြစ်များ

मत्ती 24:9

तब उ लोग जु तुमारा विरोध करदा छिन क्लेश दिलांण कु तुम तैं पकड़वाला अर किलैकि तुम मि पर विश्वास करदा छा सभि जातियों का लोग तुम से बैर रखला।

मरकुस 13:9

पर तुम अपड़ा बारा मा चौकस रयां किलैकि लोग तुम तैं पकड़ी के यहूदियों का मिलणा का भवन मा सौंपला अर तुम महासभा मा पिटे जैला किलैकि तुम मेरा चेला छा मेरा खातिर राज्यपालों का अर राजाओं का संमणी तुम्हरी अजमैश करे जाली कि ऊंकु गव्है हो।

खास चेलों 14:19

पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

खास चेलों 14:5

तब अन्यजाति अर यहूदी लोग अपड़ा अधिकारियों का मदद ल प्रेरितों का दगड़ी बुरो बरतौ कैरी के अर ऊं पर ढुगलयो कने की योजना बणै।

खास चेलों 15:22

तब यरूशलेम शहर मा सैरी मण्डलि सहित प्रेरितों अर पुरणा अगुवों तैं अच्छो लगि कि अफ मा बट्टी कुछ विश्वासी लुखुं तैं चुणि मतलब यहूदा, जु बरसब्बास बुलै जांद, अर सिलास तैं जु विश्वासियों का बीच भौत जादा सम्मानित छो; अर ऊंल पौलुस अर बरनबास का दगड़ी अन्ताकिया शहर मा कलीसिया मा भेजि।

खास चेलों 15:26

यु त इन मनिख छिनी जौन अपड़ा प्राण हमारा प्रभु यीशु मसीह का नौं का खतरा मा डलिनि।

खास चेलों 15:40

पर पौलुस ल सिलास तैं छांटी अर विश्वासी भयों का द्वारा परमेश्वर की कृपा मा सौंपी के अन्ताकिया शहर बट्टी चलि गै।

खास चेलों 16:16

एक दिन जब हम पिता परमेश्वर बट्टी प्रार्थना कने जगह मा जांणा छा त हम तैं एक दासी मिली, जैं पर एक इन दुष्टात्मा छै, जै की मदद ल उ भविष्य प्रकट कैर दींदी छै, अर इन कै व अपड़ा स्वामियों कु भौत कुछ कमै कै लांदी छै।

खास चेलों 16:20

अर ऊं तैं रोमी न्यायाधीश मा लिजै के बोलि, “यु लोग जु यहूदी छिनी हमारा शहर मा भरि उधम मचाणां छिनी।

खास चेलों 16:25

अधा राती का लगभग पौलुस अर सिलास पिता परमेश्वर बट्टी प्रार्थना करदी अर परमेश्वर का भजन गाणा छा, अर कैदी ऊंकी सुनणा छा।

खास चेलों 16:29

तब उ दिवडा मंगवै के दौड़ि के भितर ऐ अर डरदि, कौंपदी पौलुस अर सिलास का खुट्टों मा पोड़ी गै।

खास चेलों 17:6

पर ऊं तैं नि पै कै, त यासोन अर कुछ विश्वासी भयों तैं शहर का अधिकारी का संमणी खींचि के लैनी। अर ऊंल चिलै के बोलि, “यु लोग जौं ल हरेक जगह परेशानी फैलै दींनि इख भि अयां छिनी,

खास चेलों 21:30

तब सैरा नगर मा घपरौल मचि गै, अर लोग दौड़ि-दौड़ि के कट्ठा हवे गैनी, अर तैं पकड़ी के पौलुस तैं यरूशलेम शहर का मन्दिर का भैर घसीट लैनी, अर झट कैरी के द्वार बंद कैरी दींनि।

खास चेलों 8:3

अर शाऊल विश्वासियों की मण्डलि तैं सतौंणु छो; अर उ घौरों मा बट्टी विश्वासी आदिमों अर जननों तैं घसीट-घसीट कै जेलखना मा डाली दींद छा।

खास चेलों 9:16

अर मि वे तैं बतौलु कि मेरा बारा मा प्रचार कना का कारण वे तैं कन दुःख उठांण पुड़लो।”

2 कुरिन्थि 6:5

कोड़ा खांण ल, बंधि हूंण पर भि, हला मा, मेहनत मा, बिज्यां रौंण मा, उपवास मा,

फिलिप्पी 1:30

अर तुम भि ऊं मुशीबतों का कामों जन जु तुम ल मि तैं फिलिप्पी शहर मा करद देखि, अर जूं मुशीबतों का बार मा तुम सुणदा छा उ मि पर जेल मा अब भि छिनी।

1 थिस्सलुनीकी 2:2

तुम जंणदा ही छा, कि पैली हम ल फिलिप्पी शहर मा दुःख अर अपमान सौण पर फिर भि हमारा पिता परमेश्वर ल हम तैं इन साहस दींनि, कि तुम्हरा शहर का लुखुं का कारण हमारो भारी विरोध हूंण पर फिर भि हम ल पिता परमेश्वर का शुभ सन्देश तैं और भि जादा तुम तैं सुंणै।

1 तीमुथियुस 6:10

किलैकि धन कु लोभ प्रेम सभि किस्मै की बुरै की जौड़ च, कुछ लुखुं ल जरा-जरा कैरी कै मसीह का बार मा शिक्षाओं पर विश्वास कन बंद कैरेले किलैकि उ पैसों तैं बहुत प्रेम करदींनि, अर उ भौत किस्म से दुखी छिनी, एक इन आदिम जन जैल अफ तैं एक हथियार ल नुकसान पौंछै हो।

याकूब 2:6

पर तुम ल वे गरीब को अपमान कैरी। तुम खुद भि यु जणदां छा, कि अमीर लोग ही छिनी जु तुम पर जुल्म करदींनि, अर जबरदस्ती कचहरियों की जांच मा ली जणदींनि।