खास चेलों 15:36 - गढवली नयो नियम

³⁶ कुछ बगत बाद पौलुस ल बरनबास मा बोलि कि “जूं-जूं शहरों मा हम ल प्रभु को वचन सुणै छो आवा फिर उख जै के अपड़ा विश्वासी भयों तैं दिखा की उ कन छिन।”

Garhwali

³⁶ अर कुछ दिनों का बाद पौलुस न बरनबास कू बोलि, “बरनबास भै, इन करद्‍यां कि जौं-जौं नगरों मा हमुन प्रभु को वचन सुणै, उख जैके बिस्वासी भै-बैंणो बटि मिलद्‍यां अर दिखद्‍यां कि ऊंका हाल समाचार कन छिन।”

खास चेलों 15:36 ပူးပေါင်းရင်းမြစ်များ

मत्ती 25:36

जब मि नंगि छो, त तुम ल मि तैं कपड़ा पैरेनि, “जब मि बिमार छो त तुम ल मेरी देख रेख कैरी” जब मि जेल का भितर छो त तुम मि तैं मिलणु कु अयां।

मत्ती 25:43

मि परदेशी छो अर तुम ल मि तैं अपड़ा घौर मा नि ठैरे मि नंगि छो अर तुम ल मि तैं कपड़ा पैरुणु कु नि दींनि मि बिमार अर जेल मा छो अर तुम ल मेरी सुध नि लींनि।

खास चेलों 13:12

तब राज्यपाल ल जु कुछ हवे छो, देखि के अर प्रभु का उपदेश बट्टी चकित हवे के वेल प्रभु यीशु पर विश्वास कैरी।

खास चेलों 13:4

इलै शाऊल अर बरनबास पवित्र आत्मा का द्वारा अन्ताकिया शहर बट्टी सिलूकिया बंदरगाह तक भिजै गैनी; अर उ उख बट्टी समुद्री जहाज मा बैठी के साइप्रस टापू का सलमीस बंदरगाह कु चलि गैनी।

खास चेलों 13:51

तब पौलुस अर बरनबास ल ऊंका संमणी खुट्टों की धूल उखि झाड़ी दींनि, ऊं तैं यु दिखांणु कु कि पिता परमेश्वर ल ऊं तैं अस्वीकार कैरेले छो अर ऊं तैं दंड दयालो; फिर उ इकुनियुम शहर कु चलि गैनी।

खास चेलों 14:1

इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।

खास चेलों 14:21

वेका बाद पौलुस अर बरनबास वे शहर का लुखुं तैं शुभ सन्देश प्रचार सुणै के, अर भौत चेला बणैंनि; यांका बाद पौलुस अर बरनबास अपड़ा रस्ता लौटण लगि गैनी; उ फिर लुस्त्रा शहर गैनी, अर उ फिर उख बट्टी इकुनियुम शहर कु गैनी, अर फिर उ पिसिदिया प्रदेश का अन्ताकिया शहर कु गैनी।

खास चेलों 14:6

त पौलुस अर बरनबास ईं बात तैं जांणि गैनी, अर लुकाउनिया प्रदेश का लुस्त्रा अर दिरबे शहरों मा, अर अमणी-संमणी का प्रदेशों मा भागि गैनी।

खास चेलों 7:23

जब मूसा चालिस बरस को हवे, त वेका मन मा यु विचार ऐ कि उ अपड़ा इस्राएलियों विश्वासी भयों बट्टी भेंट कैरू।

रोमियों 1:11

किलैकि मि तुम बट्टी मिलणै कि इच्छा करदु, कि मि पिता परमेश्वर की कृपा बट्टी तुम तैं कुछ आत्मिक वरदान दयूं ज्यां बट्टी तुम मजबूत हवे जावा,

2 कुरिन्थि 11:28

अर यु सभियूं बातों का अलावा हर दिन सभि विश्वासी मण्डलि की चिन्ता मि तैं भौत परेशान करदी।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

1 थिस्सलुनीकी 3:6

पर अब तीमुथियुस जु तुम्हरा इख बट्टी हम मा वापिस ऐ गै वेल इख ऐ के तुम्हरा विश्वास कु अर प्रेम कु शुभ सन्देश प्रचार सुणै, अर या बात भि सुणै, कि तुम सदनी प्रेम का दगड़ी हम तैं याद करद्यां, अर हम तैं दिखणै की लालसा करद्यां, जन हम भि तुम तैं दिखण की लालसा करदां।

2 तीमुथियुस 1:4

जब हम अलग हवे छा, मि तैं याद च कि तू कथग रौवे छै, मि रात-दिन त्वे बट्टी मिलणै कि लालसा करदु कि त्वे बट्टी मिली के खुश हवे जौं।