खास चेलों 15:3 - गढवली नयो नियम

³ मण्डलि का लुखुं ल ऊं तैं यात्रा कु पैसा अर खांणु दगड़ा मा दींनि। जबकि पौलुस, बरनबास अर विश्वासियों ल फीनीके प्रदेश अर सामरिया प्रान्त बट्टी हवे के यात्रा कैरी, ऊंल विश्वासियों तैं बतै कि कन कै हैंका जगह का अन्यजाति ल सुसमाचार सूंणि के मसीह पर विश्वासी कैरी अर यां बट्टी सभि विश्वासी भयों तैं भौत आनन्दित कैरी।

Garhwali

³ तब समुदाय का कुछ लोग ऊंतैं छुड़णु खुणि कुछ दूर तक गैनी। अर यू लोग फीनीके अर सामरिया मुलकों बटि ह्‍वेके गैनी, अर उखा बिस्वासी भै-बैंणो तैं ऊं लोगु का बारा मा बतै जु यहूदी जाति का नि छा कि ऊंन प्रभु यीशु तैं कनकै अपणा जीवन मा स्वीकार कैरी, अर ईं बात का बाना सब लोग खुश ह्‍वे गैनी।

खास चेलों 15:3 ပူးပေါင်းရင်းမြစ်များ

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

खास चेलों 1:15

ऊं दिनों मा पतरस सभि विश्वासी भयों का बीच मा जु लगभग एक सौ बीस मनिख छा खड़ो हवे के बुल्ण लगि गै

खास चेलों 13:48

यु सूंणि के अन्यजाति लोग भौत खुश हवीनि, अर पिता परमेश्वर का वचन की बड़ै कन लगि गैनी, अर जथग अनन्त जीवन कु ठैरिनि, ऊंल विश्वास कैरी।

खास चेलों 13:52

अर अन्ताकिया शहर मा चेला खुशी ल अर पवित्र आत्मा बट्टी भुरदी गैनी।

खास चेलों 14:27

अर अन्ताकिया शहर मा फूंजी कै ऊंल विश्वासियों की मण्डलि तैं कठ्ठा कैरी के बतै, कि पिता परमेश्वर ल ऊंका द्वारा हवे कै कन बड़ा-बड़ा काम करिनि, अर कन कै पिता परमेश्वर ल अन्यजाति लुखुं तैं प्रभु यीशु पर विश्वास कना का योग्य बणै।

खास चेलों 15:1

फिर कथग ही मनिख यहूदिया प्रान्त बट्टी ऐ के विश्वासी भैय-बंधों तैं सिखांण लगि गैनी कि जु मूसा की व्यवस्था बट्टी तुम्हरा खतना नि होलो त तुम्हरो उद्धार अर बचाव नि हवे सकदो।

खास चेलों 15:12

तब सैरी सभा सन्ट हवे के बरनबास अर पौलुस की बात सुणन लगि गै की परमेश्वर ल ऊंका द्वारा अन्यजातियों मा कन-कन बड़ा चिन्ह, अर चमत्कार का काम दिखैनी।

खास चेलों 15:22

तब यरूशलेम शहर मा सैरी मण्डलि सहित प्रेरितों अर पुरणा अगुवों तैं अच्छो लगि कि अफ मा बट्टी कुछ विश्वासी लुखुं तैं चुणि मतलब यहूदा, जु बरसब्बास बुलै जांद, अर सिलास तैं जु विश्वासियों का बीच भौत जादा सम्मानित छो; अर ऊंल पौलुस अर बरनबास का दगड़ी अन्ताकिया शहर मा कलीसिया मा भेजि।

खास चेलों 15:32

अर यहूदा अर सिलास ल जु अफ भि परमेश्वर का तरपां बट्टी बुल्दो छो भौत बातों ल विश्वासी भयों तैं उपदेश दे के मजबूत कैरी।

खास चेलों 15:4

जब यरूशलेम शहर मा पौंछिनी त मण्डलि अर प्रेरित अर पुरणा अगुवों ल ऊं तैं खुशी से मिलणै अर पौलुस अर बरनबास ल बतै की पिता परमेश्वर ल ऊं दगड़ी रै के कन-कन काम कैरी छा।

खास चेलों 17:15

कुछ आदिम पौलुस का दगड़ी एथेंस शहर तक गैनी, पर पौलुस की ईं आज्ञा का दगड़ी उ बिरीया चलि गैनी की सिलास अर तीमुथियुस जल्दी ही वे म भेजि दिये जाला।

खास चेलों 20:38

उ खास कैरी के ईं बात को दुःख कना छा, जु पौलुस ल बोलि छै, कि “उ वे तैं दुबरा नि दिखला।” तब उ वे तैं जहाज तक छुड़ण कु गैनी।

खास चेलों 21:5

सात दिन का बाद जब उख बट्टी हमारो जांणो को बगत ऐ, जब हम उख बट्टी जांण छा। तब उ सभि जनन अर बच्चों समेत हम दगड़ी शहर बट्टी भैर गैनी, अर हम ल छाला पर घुंडा टेकी के पिता परमेश्वर बट्टी प्रार्थना कैरी।

खास चेलों 28:15

तब रोम शहर का मसीह विश्वासी भैय हमारा औंणै कि खबर सूंणि के अप्पियुस का चौक तक अर तीन धर्मशाला वली जगह तक हम तैं मिलुणु कु ऐनी। ऊं तैं देखि के पौलुस ल पिता परमेश्वर तैं धन्यवाद दींनि अर हिम्मत बंधि।

खास चेलों 8:14

जब यरूशलेम शहर मा प्रेरितों तैं मालूम हवे कि सामरिया प्रान्त का लुखुं ल पिता परमेश्वर का वचन तैं मांणी येले तब ऊंल पतरस अर यूहन्ना तैं ऊंमा भेजि।

रोमियों 15:24

इलै जब स्पेन देश कु जौलु त तुम मा हवे के जौलु किलैकि मि तैं आस च, कि वीं यात्रा मा तुम बट्टी भेंट कैरू, अर जब तुम्हरी संगति बट्टी मि खुश हवे जौं, मि जांदु छों कि तुम मि तैं मेरी स्पेन देश की यात्रा कु मदद कैरा।

1 कुरिन्थि 16:11

इलै कुई भि ऊंको अपमान नि कैरो, पर वे तैं सभि कुछ शान्ति दगड़ी द्या, जु वेकी यात्रा कु जरुरी च, कि उ मि मा ए जौं; किलैकि मि वेको इन्तेजार कनु छों, कि उ विश्वासी भयों का दगड़ी औ।

1 कुरिन्थि 16:6

पर हवे सकद कि मि तुम दगड़ी जादा बगत कु रौ, या हवे सकद कि ह्यूंद तक, अर फिर जख भि मि जौलु, तुम मि तैं मेरी यात्रा पर भेजि सकदां।

2 कुरिन्थि 1:16

अर मेरी योजना छै कि मि तुम मा बट्टी हवे के मकिदुनिया प्रान्त मा जौं, अर फिर मकिदुनिया प्रान्त बट्टी वापिस ऐ के तुम मा ओ कि मि तुम मा बट्टी यहूदिया प्रान्त की यात्रा कु मदद पौं।

तीतुस 3:13

जब जेनास नौं को वकील (व्यवस्था तैं सिखांण वलो) अर अपुल्लोस नौं को एक दुसरो आदिम अपड़ी यात्रा कु निकललो, त जु कुछ तु ऊंकी मदद कु कैरी सकदी छै तु कैरी, अर ध्यान दे कि ऊंमा अपड़ी यात्रा कु जु कुछ भि ऊं तैं जरूरत च, ऊंमा जरुर हो।