खास चेलों 14:26 - गढवली नयो नियम

²⁶ अर उख बट्टी उ समुद्री जहाज पर बैठी के सीरिया प्रदेश का अन्ताकिया शहर वापिस ऐनी, जख बट्टी ऊं तैं पिता परमेश्वर की कृपा मा सौंपी के वे काम कु भिजै गै छो जै तैं उ अब पूरो कैरी के वापिस ऐ छा।

Garhwali

²⁶ अर उख बटि ऊ पाणि का जाज मा बैठि के सीरिया मुलक का अन्ताकिया नगर मा ऐ गैनी। अर ये ही नगर का बिस्वासी भै-बैंणो न पौलुस अर बरनबास तैं चुणी के भेजि छौ, अर जै काम तैं वु पूरु कैरिके वापस औणा छा, वे काम खुणि ही ये नगर का लोगु न परमेस्वर की किरपा अर मदद मिलणु खुणि वेसे प्रार्थना कैरी छै।

खास चेलों 14:26 ပူးပေါင်းရင်းမြစ်များ

खास चेलों 11:19

स्तिफनुस की हत्या का बाद, कई विश्वासियों ल यरूशलेम शहर तैं छोड़ी दींनि, अर उ घुमदी-घुमदी फीनीके प्रदेश, साइप्रस द्वीप अर सीरिया प्रदेश का अन्ताकिया शहर मा पौछिनी; पर यहूदी लुखुं तैं छोड़ी के कै और तैं पिता परमेश्वर का वचन नि सुणदा छा।

खास चेलों 11:20

पर ऊंमा बट्टी थोड़ा ही विश्वासी साइप्रस द्वीप का रौंण वला अर कुरेनी शहर का रौंण वला छा, जब उ अन्ताकिया शहर मा छा यूनानी भाषा बुल्ण वला तैं प्रभु यीशु को शुभ सन्देश प्रचार कन लगि गैनी।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

खास चेलों 11:26

अर जब उ वे तैं उख मिलिनि त वे तैं अफ दगड़ी अन्ताकिया शहर ले एनि। अर इन हवे कि शाऊल अर बरनबास अन्ताकिया शहर मा एक साल तक प्रभु यीशु का बारा मा मण्डलि का लुखुं तैं सिखाैंदी रैनी। तब पैली बार अन्ताकिया शहर मा चेला “मसीही” कहलै गैनी।

खास चेलों 11:27

वे बगत कुछ विश्वासी जु पिता परमेश्वर का संदेश दींणवला छा यरूशलेम शहर बट्टी अन्ताकिया शहर मा एनि।

खास चेलों 14:19

पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

खास चेलों 14:21

वेका बाद पौलुस अर बरनबास वे शहर का लुखुं तैं शुभ सन्देश प्रचार सुणै के, अर भौत चेला बणैंनि; यांका बाद पौलुस अर बरनबास अपड़ा रस्ता लौटण लगि गैनी; उ फिर लुस्त्रा शहर गैनी, अर उ फिर उख बट्टी इकुनियुम शहर कु गैनी, अर फिर उ पिसिदिया प्रदेश का अन्ताकिया शहर कु गैनी।

खास चेलों 14:23

अर ऊंल हरेक विश्वासियों की मण्डलि मा बट्टी पौलुस अर बरनबास ल पुरणा अगुवा बनांणु कु लुखुं तैं चुणै। अर उपवास का दगड़ी प्रार्थना कैरी के ऊं तैं प्रभु तैं सौंपी द्या, जै पर ऊंल विश्वास कैरी छो।

खास चेलों 15:22

तब यरूशलेम शहर मा सैरी मण्डलि सहित प्रेरितों अर पुरणा अगुवों तैं अच्छो लगि कि अफ मा बट्टी कुछ विश्वासी लुखुं तैं चुणि मतलब यहूदा, जु बरसब्बास बुलै जांद, अर सिलास तैं जु विश्वासियों का बीच भौत जादा सम्मानित छो; अर ऊंल पौलुस अर बरनबास का दगड़ी अन्ताकिया शहर मा कलीसिया मा भेजि।

खास चेलों 15:30

फिर ऊं चार आदिम विदा हवे के अन्ताकिया शहर मा पौंछिनी अर भीड़ तैं कट्ठा कैरी के व चिठ्ठी ऊं तैं दे दींनि।

खास चेलों 15:40

पर पौलुस ल सिलास तैं छांटी अर विश्वासी भयों का द्वारा परमेश्वर की कृपा मा सौंपी के अन्ताकिया शहर बट्टी चलि गै।

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

रोमियों 15:19

अर पिता परमेश्वर की पवित्र आत्मा का द्वारा मि तैं दिये गै सामर्थ बट्टी मि अद्भुत काम अर चमत्कार करदु इलै जख भि मि यरूशलेम शहर बट्टी इल्लुरिकुम तक ग्यूं छों, मिल उख सभि लुखुं तैं यीशु मसीह का बारा मा शुभ सन्देश सुणै।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

गलातियों 2:11

पर जब एक दिन कैफा जै कु पतरस बुल्दींनि अन्ताकिया शहर मा ऐ, त मिल वेको विरोध कैरी, किलैकि जु उ कनु छों उ गलत छो।

कुलुसी 1:25

पिता परमेश्वर ल मि तैं तुम कु वेको शुभ संदेश पूरा ढंग ल समझौण कु नियुक्त कैरी, अर इलै मि मण्डलि कु सेवक बंणि के पिता परमेश्वर का आदेशों तैं पूरो कैरी साको।

कुलुसी 1:28

हम मसीह कु प्रचार कैरी कै हरेक मनिख तैं चितै दींद अर सैरा ज्ञान से हम हरेक मनिख तैं सिखौंदां, कि हम यु जांणि साका कि हर कुई मसीह मा एक पक्को विश्वासी हो जब उ पिता परमेश्वर का संमणी खड़ा हों।

कुलुसी 4:17

फिर अरखिप्पुस मा बुल्यां कि, “ज्वा सेवा प्रभु मा त्वे तैं द्ये गै, वीं सेवा तैं सचेत हवे के पूरी कैरी।”

2 तीमुथियुस 4:2

कि तू पिता परमेश्वर का वचन को प्रचार कु तैयार रौ, जब लोग त्वे बट्टी सुनण चदींनि अर जब लोग त्वे बट्टी नि भि सुनण च तब भि, जब तु देखि की लोग बुरै कना छिनी, अर पाप मा लगयां छिनी, पर त्वे तैं ऊं तैं बड़ा सब्र रखि के शिक्षा दे के झिड़क अर समझौण चयणु च।