खास चेलों 14:19 - गढवली नयो नियम

¹⁹ पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

Garhwali

¹⁹ मगर कुछ यहूदी जाति का लोग अन्ताकिया अर इकुनियुम नगरों बटि ऐनी, अर ऊंन कुछ लोगु तैं अपणी तरफा कैरी दिनी। तब ऊंन पौलुस तैं जान से मरण खुणि वेतैं ढुंगे, अर वेतैं मुरयूं समझि के खिखोड़ी के लि गैनी अर नगर से भैर ढोळि दिनी।

खास चेलों 14:19 ပူးပေါင်းရင်းမြစ်များ

खास चेलों 13:14

अर पिरगा शहर बट्टी अगनैं बढ़ि के गलातिया प्रान्त का पिसिदिया जिला का नजदीक अन्ताकिया शहर मा पौछिनी; अर यहूदियों को विश्राम को दिन यहूदियों का मिलणा का भवन मा जै के बैठी गैनी।

खास चेलों 13:45

पर यहूदी अगुवा भीड़ तैं देखि के रमसे गैनी, अर अपमान कैरी के पौलुस की बातों का विरोध मा बुल्ण लगि गैनी।

खास चेलों 14:1

इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।

खास चेलों 14:18

यु बोलि के भि ऊंल लुखुं तैं बड़ी मुश्किल से रोकि कि ऊंकु बलिदान नि कैरी।

खास चेलों 14:2

पर जूं यहूदी लुखुं ल विश्वास न बट्टी मना कैर दींनि अर अन्यजाति लुखुं का मन विश्वासी भयों का खिलाफ भड़कै, अर बड़ी नफरत पैदा कैरी दींनि।

खास चेलों 14:21

वेका बाद पौलुस अर बरनबास वे शहर का लुखुं तैं शुभ सन्देश प्रचार सुणै के, अर भौत चेला बणैंनि; यांका बाद पौलुस अर बरनबास अपड़ा रस्ता लौटण लगि गैनी; उ फिर लुस्त्रा शहर गैनी, अर उ फिर उख बट्टी इकुनियुम शहर कु गैनी, अर फिर उ पिसिदिया प्रदेश का अन्ताकिया शहर कु गैनी।

खास चेलों 14:26

अर उख बट्टी उ समुद्री जहाज पर बैठी के सीरिया प्रदेश का अन्ताकिया शहर वापिस ऐनी, जख बट्टी ऊं तैं पिता परमेश्वर की कृपा मा सौंपी के वे काम कु भिजै गै छो जै तैं उ अब पूरो कैरी के वापिस ऐ छा।

खास चेलों 14:4

पर शहर का लुखुं मा फूट पोड़ी गै छै; यां बट्टी कई त यहूदियों की तरपां, अर कथग ही प्रेरितों की तरपां हवे गैनी।

खास चेलों 14:5

तब अन्यजाति अर यहूदी लोग अपड़ा अधिकारियों का मदद ल प्रेरितों का दगड़ी बुरो बरतौ कैरी के अर ऊं पर ढुगलयो कने की योजना बणै।

खास चेलों 15:26

यु त इन मनिख छिनी जौन अपड़ा प्राण हमारा प्रभु यीशु मसीह का नौं का खतरा मा डलिनि।

खास चेलों 17:13

पर जब थिस्सलुनीके शहर का यहूदी जांणि गैनी की पौलुस बिरीया नगर मा भि परमेश्वर को वचन सुनांणु च त उख भि ऐ के लुखुं तैं गुस्सा हूंणु कु उकसाणा रैनी।

खास चेलों 22:20

अर जब तेरु गव्हा स्तिफनुस को ल्वे बुगैये जांणु छो, त मि भि उख ही मा खड़ो हुयुं छो, अर मि ईं बात मा राजि छो अर वे तैं मरण वलो का कपड़ोंं कि देखभाल कनु छो”

खास चेलों 7:58

अर स्तिफनुस तैं पकड़ी अर घसीट के यरूशलेम शहर बट्टी भैर लै के वे पर ढुंग्यो कैरी। अर स्तिफनुस पर भंगार लगै अर अपड़ा कपड़ा शाऊल नौं का एक जवान का खुट्टों का संमणी रखदींनि।

खास चेलों 9:16

अर मि वे तैं बतौलु कि मेरा बारा मा प्रचार कना का कारण वे तैं कन दुःख उठांण पुड़लो।”

1 कुरिन्थि 15:31

हे विश्वासी भयों, जन य बात सच च, कि मि तुम कु बढो मोन करदु, कि तुम हमारा प्रभु यीशु मसीह का दगड़ी एकजुट व, उन ही यु भि सच च, कि मि तैं हर दिन मुरण कु खतरा रौंदु।

2 कुरिन्थि 11:23

क्य उ ही मसीह का सेवक छिनी (मि बौलयों जन बुल्णु छो) मि ऊं बट्टी बढ़ि के छो। मिल ऊं बट्टी कई जादा मेहनत कैरी, ऊं बट्टी कई जादा बंधि बणयूं, कई बार पिटे ग्यों, अक्सर ही मेरा प्राण संकट मा पुड़ीनि।

2 कुरिन्थि 11:25

तीन बार मिल सिटगे की मार खै; एक बार मि पर ढुगलयो हवे; तीन बार पांणी का जहाज कै पर मि चढ़ी छो, टुट गै; एक दिन अर एक रात मिल समुद्र मा काटि।

2 कुरिन्थि 11:26

मि बार-बार यात्राओं मा; गाड का जोखिमोंं मा; डाकुओं का जोखिमोंं मा; अपड़ा जातिवलों बट्टी जोखिमोंं मा; अन्यजातियों बट्टी जोखिमोंं मा; नगरों का जोखिमोंं मा; जंगल का जोखिमोंं मा; समुद्र का जोखिमोंं मा; झूठा विश्वासी बणयां भयों का बीच जोखिमोंं मा रौ;

1 थिस्सलुनीकी 2:14

हे विश्वासी भयों, इलै कि तुम, पिता परमेश्वर कि ऊं मण्डलियों कु सताव सै जु यहूदिया प्रान्त मा मसीह यीशु मा छिन किलैकि तुम ल अपड़ा लुखुं बट्टी उन ही दुःख पै जन ऊंल यहूदियों बट्टी पै छो

2 तीमुथियुस 3:11

अर लुखुं ल मि तैं सतै, ज्यांका कारण मिल भौत दुःख उठै, तुम तैं पता च कि अन्ताकिया इकुनियुम अर लुस्त्रा नगरों मा मि पर कन-कन जुल्म हवीनि, फिर भि ऊं सभियूं मा प्रभु ल मि तैं निकाली।