खास चेलों 13:2 - गढवली नयो नियम

² जब उ उपवास मा रै के पिता परमेश्वर की आराधना कना छा, त पवित्र आत्मा ल बोलि, “मि कु बरनबास अर शाऊल तैं वीं सेवा कु अलग कर जै कु मिल ऊं तैं बुलै।”

Garhwali

² अर एक दिन इन ह्‍वे कि यू लोग उपवास रखी के परमेस्वर की भक्‍ति कना छा। तब पवित्र आत्मा न ऊंकू बोलि, “जै काम तैं करणु खुणि मिन बरनबास अर शाऊल तैं चुण्यूं च, वे काम तैं पूरु करणु खुणि तुम लोग ऊंतैं मि खुणि अलग कैरा।”

खास चेलों 13:2 ပူးပေါင်းရင်းမြစ်များ

मत्ती 17:21

पर य जाति बगैर परमेश्वर बट्टी प्रार्थना अर बगैर उपवास का नि निकली सकदी।

मत्ती 6:16

“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।”

मत्ती 9:38

इलै फसल का स्वामि पिता परमेश्वर बट्टी प्रार्थना कैरा कि उ अपड़ा पुंगड़ा मा काम कनु कु मजदूर तैं भेजि द्यो।

लूका 10:1

अर यूं बातों का बाद प्रभु यीशु ल अन्य चेला और मनिख चुणिनि अर जै-जै शहर अर जगह कु जख वेल जांणै की योजना बंणै छै उख ऊं तैं द्वी-द्वी कैरी कै अपड़ा अगनैं भेजि।

लूका 2:37

व चौरासी बरसों बट्टी विधवा छै अर यरूशलेम शहर का मन्दिर तैं कभि नि छोड़िदि छै पर आराधना अर परमेश्वर बट्टी प्रार्थना कैरी कै रात दिन आराधना करदी छै।

खास चेलों 10:19

पतरस वे दर्शन का बारा मा सुचणु छो, कि पवित्र आत्मा ल पतरस बट्टी बोलि, “देख, तीन आदिम त्वे तैं खुजांणा छिनी।

खास चेलों 10:30

तब कुरनेलियुस ल बोलि, “आज बट्टी चार दिन पैली यु ही बगत, जब मि अपड़ा घौर मा दोपहरा मा तीन बजी प्रार्थना कनु छो, तब एक चमकिला कपड़ा पैरयूं आदिम मेरा संमणी ऐ”

खास चेलों 13:3

तब ऊंल उपवास अर पिता परमेश्वर बट्टी प्रार्थना कैरी के शाऊल अर बरनबास का मुंड मा हथ रखि के ऊं तैं पिता परमेश्वर की सेवा कु भेजि दींनि।

खास चेलों 13:4

इलै शाऊल अर बरनबास पवित्र आत्मा का द्वारा अन्ताकिया शहर बट्टी सिलूकिया बंदरगाह तक भिजै गैनी; अर उ उख बट्टी समुद्री जहाज मा बैठी के साइप्रस टापू का सलमीस बंदरगाह कु चलि गैनी।

खास चेलों 14:26

अर उख बट्टी उ समुद्री जहाज पर बैठी के सीरिया प्रदेश का अन्ताकिया शहर वापिस ऐनी, जख बट्टी ऊं तैं पिता परमेश्वर की कृपा मा सौंपी के वे काम कु भिजै गै छो जै तैं उ अब पूरो कैरी के वापिस ऐ छा।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

खास चेलों 22:21

“अर प्रभु ल मि कु बोलि, चलि जा; किलैकि मि त्वे तैं अन्य-जातियों का लुखुं मा दूर-दूर तक भिजलु”

खास चेलों 4:36

यूसुफ नौं को साइप्रस द्वीप का रौंण वलो एक लेवि छो जै को प्रेरित बरनबास नौं बट्टी बुलौन्दा छा जै को मतलब च, एक इन आदिम जु दूसरों तैं उत्साहित करदो।

खास चेलों 6:4

पर हम त पिता परमेश्वर बट्टी प्रार्थना अर वचन कु प्रचार अर शिक्षा दींणु कु लगयां रौल्ला।

खास चेलों 8:29

तब पवित्र आत्मा ल फिलिप्पुस बट्टी बोलि, “अगनैं जै के रथ का दगड़ी-दगड़ी चलि।”

खास चेलों 9:15

पर प्रभु ल वे बट्टी बोलि, “तू जा, मिल वे तैं अन्यजातियों अर राजाओं अर इस्राएलियों का संमणी मेरा बारा मा प्रचार कनु कु मेरू चुणयूं जन च।

रोमियों 1:1

या चिट्ठी पौलुस कि तरपां बट्टी जु यीशु मसीह को सेवक च, अर जु परमेश्वर कि तरपां बट्टी प्रेरित हूंणु कु चुणै गै, अर परमेश्वर कु शुभ सन्देश प्रचार कनु कु भिजै गै।

रोमियों 10:15

अर यां बट्टी पैली की कुई जै कै ऊं तैं बतै साको, वे मनिख तैं भिजै जांण चयणु च; जन परमेश्वर का वचन मा लिख्युं च, “यु इथग अद्भुत च कि शुभ सन्देश प्रचार कन वला लोग आंणा छिनी।”

रोमियों 15:16

कि मि अन्यजातियों कु मसीह यीशु कु सेवक हवे के एक याजक का जन पिता परमेश्वर बट्टी मिलीं शुभ सन्देश तैं सुनांणै की सेवा करदु छों; कि अन्यजाति पिता परमेश्वर तैं एक भेंट का रूप मा दिये जां ज्यां ल उ खुश हो अर जौं तैं पवित्र आत्मा, पवित्र बणौ।

1 कुरिन्थि 12:11

पर यु सब प्रभावशाली काम उ ही एक आत्मा करदो, अर उ हर एक तैं यु क्षमता व्यक्तिगत रूप से बांटि दींद।

1 कुरिन्थि 7:5

तुम एक-दुसरा बट्टी अलग नि रावा; पर भस कुछ बगत कु अपड़ी आपसी बातचित ल कि पिता परमेश्वर बट्टी प्रार्थना कु छुट्टी मिलो, अर तब फिर साधारण ब्यो का आपसी संबंध तैं फिर से शुरू कैरा; कि शैतान अनैतिक जीवन जींणु कु तुम्हरी अजमैश नि कैरो, जु उ अजमैश करलो त तुम अपड़ी इच्छाओं तैं काबू मा नि रखि सकला।

2 कुरिन्थि 11:27

पर मिल ऊं बट्टी कई जादा मेहनत कैरी; बार-बार बिज्यां रौंण मा; भूख-तीस मा; बार-बार भूखो रै के उपवास रखण मा भि; झाैड़ मा; बिज्यां रौंण मा।

2 कुरिन्थि 6:5

कोड़ा खांण ल, बंधि हूंण पर भि, हला मा, मेहनत मा, बिज्यां रौंण मा, उपवास मा,

गलातियों 1:15

पर तब पिता परमेश्वर ल फैसला कैरी कि अपड़ा नौंना तैं मि पर प्रकट कैरो कि मि अन्यजाति लुखुं का बीच मा यीशु का बारा मा शुभ सन्देश प्रचार कैर साको। पिता परमेश्वर ही च जैल मि तैं मेरा पैदा हूंण से पैली ही चुणि, अर अपड़ा दया का कारण वेल मि तैं वेकी सेवा कनु कु बुलै। जब परमेश्वर ल अपड़ा नौंना तैं मि पर प्रकट कैरी, तब मि सलाह लींणु कु कै मा नि गौ।

इफिसुस 3:7

अर मुफ्त उपहार बट्टी, बल्कि पिता परमेश्वर का अनुग्रह बट्टी जु वेल मि तैं दिईं च, पिता परमेश्वर का अनुग्रह अर चमत्कार का काम बट्टी जु मि तैं सौभाग्य दियुं च, कि वे शुभ सन्देश सेवक बंणि।

कुलुसी 4:17

फिर अरखिप्पुस मा बुल्यां कि, “ज्वा सेवा प्रभु मा त्वे तैं द्ये गै, वीं सेवा तैं सचेत हवे के पूरी कैरी।”

1 तीमुथियुस 2:7

इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

2 तीमुथियुस 1:11

इलै, पिता परमेश्वर ल मि तैं शुभ सन्देश को प्रचारक अर एक प्रेरित हूंणु कु ठैरे, अर लुखुं तैं उपदेश दींणु कु चुणयूं च।

2 तीमुथियुस 2:2

अर जु बात तिल भौत सैरा गवाहों का संमणी मि बट्टी सुंणिनि ऊं तैं विश्वास का लैख लुखुं मा सौंपी दे जु दुसरों तैं भि सिखौंण मा काबिल हूंनु।

2 तीमुथियुस 4:11

भस लूका मि दगड़ी च, अर जब तु औ त अफ दगड़ी मरकुस तैं भि ले के ऐ, किलैकि सेवा का काम मा उ मेरू भौत मददगार च।

2 तीमुथियुस 4:5

पर तू सभि बातों मा अफ तैं नियंत्रित रख अर सचेत रौ चाहे दुःख भि उठौ पोडो, शुभ सन्देश का प्रचार कु कठोर मेहनत कनु रौ, अर पिता परमेश्वर का एक सेवक का रूप मा अपड़ी सेवा तैं पूरी कैर जै कु तु चुणै गै।

इब्रानी 5:4

कुई भि आदिम अफी महायाजक हूंण का पद तैं अपड़ा मथि नि ले सकद; जन कै पिता परमेश्वर ल हारुन तैं पैली महायाजक का रूप मा बुलै अर चुणि, उन ही उ दुसरा महायाजक तैं बुलांद अर चुणदो।