खास चेलों 1:16 - गढवली नयो नियम

¹⁶ “हे विश्वासी भयों, पवित्र आत्मा ल बहुत पैली राजा दाऊद का द्वारा यहूदा का बार मा बतये छो, जु कि यीशु तैं गिरफ्तार कन वला लुखुं को मार्ग दर्शने कन वलो बंणि गै यु जरूरी छो कि यहूदा का बारा मा परमेश्वर का वचन मा लिख्युं लेख पूरो हो।

खास चेलों 1:16 ပူးပေါင်းရင်းမြစ်များ

मत्ती 26:14

तब यहूदा इस्करियोती ल जु बारह चेलों मा बट्टी एक छो प्रधान याजक मा जै के बोलि,

मत्ती 26:47

उ इन बुल्णु ही छो कि यहूदा जु बारहों चेलों मा बट्टी एक छो ऐ अर वे दगड़ी प्रधान याजक, मूसा की व्यवस्था तैं सिखांण वला अर दाना-सयाणों कि तरपां बट्टी भि जै गैनी अर उ भौत बड़ी भीड़ अर तलवार अर लाठा लै के ऐनी।

मत्ती 26:54

पर परमेश्वर का वचन की उ बात पूरी कनके हवेलि जै मा इन लिख्युं च कि इन ही हूंण जरूरी च?

मत्ती 26:56

पर यु इलै हवे कि परमेश्वर का तरपां बट्टी बुल्ण वलो का वचन कि बात पूरी हूंनु “तब सभि चेला वे तैं छोड़ी के भागि गैनी।”

मरकुस 12:36

जब पवित्र आत्मा ल राजा दाऊद मा हवे के बोलि, “प्रभु परमेश्वर ल मेरा प्रभु कु बोलि, कि मेरा दैंणा तरपां सम्मान अर अधिकार का सिंहासन मा बैठ जब तक कि मि तेरा दुश्मनों तैं नि हरै द्यों।”

मरकुस 14:43

जब यीशु इन बुल्णु ही छो कि यहूदा जु बारहों चेलों मा बट्टी एक छो अफ दगड़ी प्रधान याजक, मूसा की व्यवस्था तैं सिखांण वला अर दाना-सयाणों कि तरपां बट्टी सिपैयूं की एक बड़ी भीड़ ले कै तुरंत तलवार अर लाठों ली कै उख वे तैं पकड़णु कु पौंछि गै।

लूका 22:47

जब यीशु बुल्णु ही छो, कि यहूदा जु बारहों चेलों मा बट्टी एक छो अर यहूदा एक बड़ी भीड़ के अगनैं-अगनैं ऊंका दगड़ी आंणु छो, उ यीशु का संमणी ऐ कि उ यीशु की भुकि पै।

यूहन्ना 10:35

अर तुम जंणदा छा, कि परमेश्वर का वचन तैं बदलाव नि किये जै सकद, इलै जु वेका लुखुं का अगुवों तैं “ईश्वर” बुलै गै जै मा परमेश्वर कु वचन फूंजी (अर परमेश्वर की बात लोप नि हवे सकदो।)

यूहन्ना 13:18

मि तुम सभियूं का बारा मा नि बुल्णु छौं जौं तैं मिल चुंणेलि ऊं तैं मि जंणदु छौं पर यु इलै हूंद कि परमेश्वर का वचन मा जु लिख्युं च उ सच हो जु मेरी रुट्टि खान्दो जैल मेरा दगड़ी खै वेल ही मि तैं धोखा द्ये।

यूहन्ना 17:12

जब मि ऊंका दगड़ा मा छो त मिल तेरु वे नौं से जु तिल मि दींनि ऊंकी राग जुगाल कैरी अर विनाश का नौंना तैं छोड़ वेमा बट्टी कुई नाश नि होलो इलै परमेश्वर का वचन मा लिखीं बात पूरी हवे।

यूहन्ना 19:36

यु बात इलै हवे कि परमेश्वर का वचन मा जु लिख्युं च ऊं सच हवे जौ, “वेकी कुई हड्डी तुड़ै नि जालि।”

खास चेलों 1:20

राजा दाऊद ल भजन संहिता की किताब मा लिख्युं च ‘वेको घौर उजड़ी जौं अर वेमा कुई नि बसो’ अर राजा दाऊद दुसरी जगह मा इन बुल्द, ‘अर वेको पद कुई और ले ल्यो’

खास चेलों 13:15

मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की किताब बट्टी पढ़ण का बाद यहूदियों का मिलणा का भवन को सरदारों ल ऊंमा संदेश भेजि, “हे विश्वासी भयों, जु लुखुं का उत्साह कु तुम्हरा मन मा कुई बात हो त बोला।”

खास चेलों 13:38

इलै, हे विश्वासी भयों; तुम जांणि ल्या कि यीशु का द्वारा पापों की माफी को शुभ संदेश तुम तैं दिए गै अर जूं बातों बट्टी तुम मूसा की व्यवस्था का द्वारा निर्दोष नि ठैरे सकदा छा।

खास चेलों 15:13

जब ऊंल बुल्ण बंद कैरी, त याकूब बुल्ण लगि गै, हे विश्वासी भयों, मेरी सूंणा।

खास चेलों 15:7

तब पतरस ल भौत बातचित का बाद खड़ो हवे के ऊंमा बोलि हे विश्वासी भयों, तुम जंणदा छा की भौत बगत हवेनि की परमेश्वर ल तुम्हरा बीच बट्टी मेरू चुनाव कैरी की मेरा द्वारा अन्यजातियों का लोग शुभ सन्देश को वचन सुणै के विश्वास कैरा।

खास चेलों 2:23

यु ही यीशु पिता परमेश्वर की ठैरैईं मनसा का अनुसार अर परमेश्वर का हूंण वला पूर्व ज्ञान का अनुसार पकड़वये गै छो अर तुम ल अधर्मियों का हथों ल वे तैं सूली पर चढ़ै कै मरवै दींनि।

खास चेलों 2:37

जब ऊंल इन सूंणि त ऊंका मन बहुत दुखी गैनी अर उ पतरस तैं अर और प्रेरितों तैं पुछण लगि गैनी कि “हे विश्वासी भयों, अब इन बता कि हम ल क्य कन?”

खास चेलों 22:1

“हे विश्वासी भयों, अर पुरणा लुखुं अपड़ा बचाव मा मि जु कुछ भि तुम बुल्णु छौं वे तैं तुम ध्यान से सूंणा।”

खास चेलों 23:1

पौलुस ल महासभा जनै एकटक लगै के देखि, अर बोलि, “हे विश्वासी भयों मिल, आज तक परमेश्वर कु सच्चा मन बट्टी अपड़ो जीवन बसर कैरी।”

खास चेलों 23:6

जब पौलुस ल देखि, कि कुछ सदूकी अर कुछ फरीसी आदिम उख छा, महासभा मा पुकारी के बोलि, “हे विश्वासी भयों, मि फरीसी अर फरीसियों कु वंश को छों, मेरी जांच इलै हूंणी च, किलैकि मेरी आस च की पिता परमेश्वर मुरयां लुखुं तैं फिर ज्यून्दो करलो।”

खास चेलों 28:17

तीन दिन का बाद पौलुस ल यहूदियों का बड़ा सम्मानित लोग कट्ठा करिनी अर जब उ कट्ठा हवीनि तब पौलुस ल ऊंकु बोलि “मेरा विश्वासी भयों मिल हमारा लुखुं या पुरखों की रीति-रिवाजों का खिलाफ कुछ नि कैरी फिर भि यरूशलेम शहर बट्टी कैदी बणै के मि रोमी सरकार का हथों मा सौंपे ग्यों।

खास चेलों 28:25

उ आपस मा एकमत नि हवीनि अर विदा हूंण लगि गैनी पौलुस का बुल्णा का बाद, कि पवित्र आत्मा ल परमेश्वर का तरपां बट्टी बुल्ण वला यशायाह का द्वारा तुम्हरा बाप-दादाओं बट्टी ठिक ही बोलि,

खास चेलों 7:2

वेल बोलि, “हे विश्वासी भयों, अर पुरणों सूंणा। हमारा पूर्वज अब्राहम तैं वेका हारान नगर मा ए के बसण से पैली, जब उ मेसोपोटामिया प्रदेश मा छो; तब तेजोमय पिता परमेश्वर ल वे तैं अपड़ी महिमा को दर्शन द्ये”

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

2 पतरस 1:21

किलैकि कुई भि पिता परमेश्वर का तरपां बट्टी वचन मा दिये गै कुई भि संदेश कभी भि आदिमों बट्टी पैदा नि हवे। पर पवित्र आत्मा ल लुखुं का मनों तैं उभारी जब ऊंल पिता परमेश्वर की तरपां बट्टी अयां संदेश तैं बोलि।

2 पतरस 2:21

मेरू मतलब यु च, किलैकि पिता परमेश्वर ऊं लुखुं तैं जादा गंभीरता ल दण्ड दयालो जु मसीह तैं छोड़ी दींदिनि बजाय ऊंका जौनु वे तैं कभी स्वीकार नि कैरी। ऊंकु बढ़िया हूंद जु उ कभी यु जंणदा ही न कि अपड़ा जीवन तैं धार्मिकता का रस्ता पर चलंणों को क्य मतलब च। अब उ जंणदा छिनी कि सै क्य च पर ऊंल पिता परमेश्वर की ऊं आज्ञाओं तैं अस्वीकार कैरेले जु हम, प्रेरितों ल ऊं तैं सिखै छै।