3 यूहन्ना 1:6 - गढवली नयो नियम

⁶ ऊंमा बट्टी कुछ लुखुं ल मण्डलि का विश्वासियों का दगड़ी तेरा प्रेम का बारा मा बतै जु तु अपड़ा विश्वासियों बट्टी करदी। अब मि त्वे कु बुल्णु छो, कि तु इन विश्वासी दगड़ियों कि मदद कैरी जु एक जगह बट्टी दुसरी जगह शुभ संदेश कु प्रचार कनु कु यात्रा करदा छिनी, किलैकि इन कन पिता परमेश्वर तैं अच्छो लगद।

Garhwali

⁶ अर जौं लोगु की भलै खुणि तिन भौत कुछ कैरी ऊं लोगु न समुदाय का समणि तेरा प्यार की गवै दिनी। अर या बात त्वे खुणि अच्छी होलि, कि जब ऊ सफर कैरा त तू ऊं लोगु तैं ठिक उन्‍नि विदा कैर जन कि परमेस्वर का सेवकों खुणि करण चयेणु।

3 यूहन्ना 1:6 ပူးပေါင်းရင်းမြစ်များ

खास चेलों 15:29

कि तुम वे मांस तैं नि खये जै तैं लुखुं ल मूर्तियों तैं बलिदान चढ़ायूं च अर ल्वे बट्टी अर गोला घुटयां वलो का मांस बट्टी अर व्यभिचार बट्टी दूर रावा। यूं बट्टी दूर रावा त तुम्हरो भलो होलो अगनैं बधै।”

खास चेलों 15:3

मण्डलि का लुखुं ल ऊं तैं यात्रा कु पैसा अर खांणु दगड़ा मा दींनि। जबकि पौलुस, बरनबास अर विश्वासियों ल फीनीके प्रदेश अर सामरिया प्रान्त बट्टी हवे के यात्रा कैरी, ऊंल विश्वासियों तैं बतै कि कन कै हैंका जगह का अन्यजाति ल सुसमाचार सूंणि के मसीह पर विश्वासी कैरी अर यां बट्टी सभि विश्वासी भयों तैं भौत आनन्दित कैरी।

खास चेलों 21:5

सात दिन का बाद जब उख बट्टी हमारो जांणो को बगत ऐ, जब हम उख बट्टी जांण छा। तब उ सभि जनन अर बच्चों समेत हम दगड़ी शहर बट्टी भैर गैनी, अर हम ल छाला पर घुंडा टेकी के पिता परमेश्वर बट्टी प्रार्थना कैरी।

रोमियों 15:24

इलै जब स्पेन देश कु जौलु त तुम मा हवे के जौलु किलैकि मि तैं आस च, कि वीं यात्रा मा तुम बट्टी भेंट कैरू, अर जब तुम्हरी संगति बट्टी मि खुश हवे जौं, मि जांदु छों कि तुम मि तैं मेरी स्पेन देश की यात्रा कु मदद कैरा।

2 कुरिन्थि 1:16

अर मेरी योजना छै कि मि तुम मा बट्टी हवे के मकिदुनिया प्रान्त मा जौं, अर फिर मकिदुनिया प्रान्त बट्टी वापिस ऐ के तुम मा ओ कि मि तुम मा बट्टी यहूदिया प्रान्त की यात्रा कु मदद पौं।

फिलिप्पी 4:14

तब भि तुम ल भलो कैरी कि मेरा क्लेश मा तुम ल मि तैं पैसों बट्टी मदद कैरी।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

1 थिस्सलुनीकी 2:12

कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

तीतुस 3:13

जब जेनास नौं को वकील (व्यवस्था तैं सिखांण वलो) अर अपुल्लोस नौं को एक दुसरो आदिम अपड़ी यात्रा कु निकललो, त जु कुछ तु ऊंकी मदद कु कैरी सकदी छै तु कैरी, अर ध्यान दे कि ऊंमा अपड़ी यात्रा कु जु कुछ भि ऊं तैं जरूरत च, ऊंमा जरुर हो।

1 पतरस 2:20

पर जु तुम तैं गलत कनु कु पिटे जांद, त दण्ड मिलण पर धीरज रखण मा तुम्हरी प्रशंसा कनु कु कुई कारण नि च। पर जु भलै कना का कारण तुम दुःख सौंदयां अर धीरज रखदां, त पिता परमेश्वर खुश हूंद।

3 यूहन्ना 1:12

मंडलि मा हरेक बुल्दो कि दिमेत्रियुस एक अच्छो आदिम च किलैकि उ वेको बरतौ परमेश्वर का सच्चा संदेश का अनुसार च; अर हम यु बुल्दा कि उ एक अच्छो आदिम च, अर तू जणदि छै कि हमारी गव्है सच्ची च।