2 तीमुथियुस 4:1 - गढवली नयो नियम

¹ जब प्रभु यीशु राजा का समान राज्य मा आलो, त उ ज्यून्दो को अर मुर्दों को न्याय करलो, अर पिता परमेश्वर, यीशु मसीह तैं गवाह जांणि कै वेका राज्य कि सुद दिलै के मि त्वे तैं आज्ञा दींणु छौं,

Garhwali

^1-2 प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

2 तीमुथियुस 4:1 ပူးပေါင်းရင်းမြစ်များ

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

लूका 19:12

त वेल बोलि, “एक धनवान मनिख दूर देश चलि गै कि उख वे तैं राजपद पै के लौटि के ऐ जौं।”

लूका 19:15

जब उ बड़ो ओहदा पै के लौटि त इन हवे कि वेल तीन मैना की मजदूरी दीं छै अफ मा बुलै कि पता कैर कि ऊंल लींण दींण कैरी के क्य कमै।

लूका 23:42

तब वेल बोलि, “हे यीशु जब तुम अपड़ा राज्य मा राजा हवे के ऐलि त मेरी सुधि लै।”

खास चेलों 10:42

अर हम तैं यु हुकुम भि द्ये, कि हम लोग वेका बारा मा बतां अर वेकी गव्है दया कि पिता परमेश्वर ल वे तैं ज्यून्दों अर मुर्दों को न्यायी ठैरे।

खास चेलों 17:31

किलैकि वेको एक दिन ठैरयूं च, जयां मा उ वे मनिख का द्वारा धर्म ल दुनिया को न्याय का द्वारा जांच करुलो, जु वेल ठैरयूं च अर वे तैं मुर्दों मा बट्टी ज्यूँदो कैरी के, ईं बात को प्रमाण सभि लुखुं तैं दींनि।

रोमियों 2:16

जै दिन पिता परमेश्वर वे शुभ सन्देश जै कु मि प्रचार करदु छों, का अनुसार यीशु मसीह का द्वारा मनिख्युं कि गुप्त बातों कु न्याय करलो।

कुलुसी 3:4

जब मसीह जु कि हमारो जीवन च दुनिया मा वापिस आलो, तब तुम भि वेका दगड़ा मा महिमा दगड़ी प्रगट किये जैला।

2 थिस्सलुनीकी 2:8

तब उ दुष्ट आदिम प्रकट हवे जालो, पर बाद मा, जब प्रभु यीशु आलो, त प्रभु अपड़ा मुक की फूंक से वे तैं मारि दयालो अर अपड़ा आंणा का तेज से वे तैं भस्म कैरी दयालो।

1 तीमुथियुस 5:21

पिता परमेश्वर, अर मसीह यीशु, अर चुणयां स्वर्गदूतों तैं गवाह जांणि के मि त्वे तैं चितौंणु छौं, कि जु कुछ भि तु करदी, खुला मन बट्टी यूं बातों तैं मांणा कैर, अर कुई भि काम पक्षपात नि कैरा कर।

2 तीमुथियुस 1:10

पर अब हमारो उद्धारकर्ता, यीशु मसीह ए गै, जु हम पर अपड़ी कृपा दिखांद। वेल मौत की सभि शक्ति तैं हरै दींनि, अर हम तैं शुभ सन्देश अर अनन्त जीवन कु एक रस्ता दिखै।

2 तीमुथियुस 2:14

यूं बातों तैं, विश्वासियों तैं बार-बार सिखौ, अर प्रभु का संमणी ऊं तैं चितै दे, कि शब्दो पर तर्क-वितर्क नि कना रौनु, जौं बट्टी कुछ फैदा नि हूंद, बल्कि यु ऊं लुखुं का विश्वास तैं नुकसान पहूंचो दींनि जु यु तैं सुणदींनि।

2 तीमुथियुस 4:18

अर प्रभु मि तैं हरेक बुरा काम बट्टी बचालो, अर अपड़ा स्वर्ग का राज्य मा मि तैं सुरक्षित लिजालो, वेकी महिमा जुग-जुग तक हूंणी रौ। आमीन।

2 तीमुथियुस 4:8

प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

1 पतरस 4:5

पर एक दिन उ पिता परमेश्वर का संमणी न्याय कु खड़ा होला, अर पिता परमेश्वर ऊंमा बट्टी हर एक बट्टी ऊंका द्वारा धरती पर किया ग्यां कामों का बारा मा पुछलो। पिता परमेश्वर ज्यून्दा अर मुरयां द्वी लुखुं तैं जांच के न्याय करलो।

1 पतरस 5:4

जब यीशु मसीह, जु कि हमारो प्रधान चरवाहा च, दुबरा वापिस आलो, तब तुम तैं एक ईनाम दिये जालो जु कभी भि अपड़ी चमक तैं नि खोलो।

2 पतरस 1:11

अर यु कि पिता परमेश्वर तुम्हरा वे राज्य मा गर्मजोशी ल स्वागत करलो जख प्रभु यीशु मसीह च, जु हमारो स्वामी अर हमारो उद्धारकर्ता च, जु हमेशा कु राजा का रूप मा राज्य करलो।

2 पतरस 1:17

हम वे पवित्र पोड पर वेका दगड़ा मा छा जब वे तैं पिता परमेश्वर का द्वारा सम्मान अर महिमा दिये गै छै। तुम ल वे बगत परम पिता परमेश्वर की तरपां बट्टी य आवाज सूंणि, “यु मेरू प्रिय नौंनो च, जै बट्टी मि खुश छो। हम ल अफ भि स्वर्ग बट्टी आंण वली ईं आवाज तैं सूंणि”

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।