2 तीमुथियुस 3:2 - गढवली नयो नियम

² किलैकि लोग भस अफ बट्टी प्रेम कन वला, लोभि, डींगमार, घमण्डी, बुरै कन वला, ब्वे-बुबा को आज्ञा टलण वला, अन्यो कैरी कै धन कमौण वला, अपवित्र, मतलबी

Garhwali

² किलैकि लोग केवल अफ बटि ही प्यार करण वळा, अर अपणा धन-दौलत बटि प्यार करण वळा होला। अर डींग मरण वळा, अपणी सब बातों पर बड़ु मोन करण वळा, अर एक-दुसरा की बेजती करण वळा होला। इख तक की लोग अपणा ब्वे-बबा की बातों तैं भि नि मणला, अर कै का उपकार तैं नि मणला, अर ना ही वु पवित्र जीवन जीण वळा होला।

2 तीमुथियुस 3:2 ပူးပေါင်းရင်းမြစ်များ

मत्ती 15:6

त वे तैं अपड़ा ब्वे-बुबा की सेवा कने कुई जरूरत नि रौंदी इन कैरी के तुम अपड़ी रीतियों ल मूसा द्वारा लिखीं परमेश्वर की व्यवस्था तैं टाली दींदां।

लूका 12:15

अर यीशु ल ऊं बट्टी बोलि सचेत रावा अर हर प्रकार का लोभ बट्टी अफ तैं बचै के रखा किलैकि कै को जीवन वेकी सम्पति की बहुतायत बट्टी नि हूंद।

लूका 16:14

फरीसी जु लोभि छा यु सभि बात सूंणि के वेको मजाक कन लगि गैनी।

लूका 6:35

पर अपड़ा बैरियों बट्टी प्रेम रखा अर भलै कैरा अर फिर पौणे की आस नि रखि के उधार दियां अर तुम कु बड़ो प्रतिफल होलो जनके तुम अपड़ा स्वर्गीय पिता परमेश्वर कि संतान ठैरिल्या किलैकि उ ऊंकु भि जु धन्यवाद नि करदींनि अर बुरा लुखुं कु भि दयालु च।

खास चेलों 5:36

किलैकि यूं दिनों से पैली थियूदास यु बोलि के प्रगट हवे, लुखुं तैं बतै की उ एक महान आदिम च अर लगभग चार सौ लोग वे दगड़ी हवे गैनी पर उ मरै गै अर जथग लोग वे तैं मंणदा छा सब तितर-बितर हवीनि अर हरचि गैनी।

रोमियों 11:18

ऊं फौंकों का बारा मा जु कटै गै छा घमंड नि करयां; अर जु तु घमंड कैर त, जांणि लै, कि तु जौड़ा तैं न, बल्कि जड़ त्वे तैं सम्भलदी।

2 कुरिन्थि 5:15

अर इलै मसीह सभियूं कु मोरि, कि जु ज्यूँदो च, उ अगनैं बट्टी अफ तैं खुश कनु कु न जियो पर ऊं तैं मसीह कु जींण चयणु च। मसीह ऊंकु मोरि अर पिता परमेश्वर ल वे तैं ज्यूँदो कैरी।

फिलिप्पी 2:21

किलैकि सब अपड़ा स्वार्थ कि खोज मा रौदींनि, उ मसीह यीशु बट्टी जुड़ीं बातों का बारा मा परेशान नि छिनी।

कुलुसी 3:5

इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

1 तीमुथियुस 1:20

ऊं मदि हुमिनयुस अर सिकन्दर च जौं तैं मिल विश्वासियों की मण्डलि बट्टी भैर कैरे ल शैतान का हथ मा सौंपैले, कि उ पिता परमेश्वर कि बुरै कन बंद कैरा।

1 तीमुथियुस 1:9

अर इन भि जंणदा कि व्यवस्था धर्मी लुखुं कु नि च, बल्कि अधर्मियों कु, बकवास कन वलो कु, भक्ति नि कन वलो कु, पापी लुखुं कु, अर अपवित्र लुखुं कु, अर अशुद्ध मनिख्युं कु, ब्वे-बुबा कि हत्या कन वलो कु, हत्या कन वलो कु,

1 तीमुथियुस 3:3

उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।

1 तीमुथियुस 6:10

किलैकि धन कु लोभ प्रेम सभि किस्मै की बुरै की जौड़ च, कुछ लुखुं ल जरा-जरा कैरी कै मसीह का बार मा शिक्षाओं पर विश्वास कन बंद कैरेले किलैकि उ पैसों तैं बहुत प्रेम करदींनि, अर उ भौत किस्म से दुखी छिनी, एक इन आदिम जन जैल अफ तैं एक हथियार ल नुकसान पौंछै हो।

1 तीमुथियुस 6:4

त उ भौत घमण्डी छिनी अर कुछ नि जंणदो, बल्कि वे तैं बहस कन कि अर शब्दों पर तर्क कने कि बिमारी च ज्यां ल जलन झगड़ा अर बुरै की बात अर बुरा-बुरा शक पैदा हूंदींनि

2 तीमुथियुस 3:4

विश्वासघात कन वला, ढीट, घमण्डी, अर पिता परमेश्वर का ही न बल्कि सुख विलास बट्टी प्रेम चाहण वला हवे जाला।

याकूब 2:8

जु तुम पिता परमेश्वर का वचन का अनुसार कि, “तू अपड़ा पड़ोसी बट्टी अपड़ा समान प्रेम रख” सच मा वीं खास व्यवस्था तैं पूरो करदां, त ठिक ही करद्यां।

याकूब 4:16

जु तुम अपड़ी बणईं योजना पर घमण्ड करद्यां, इन्दरो सैरो घमंड बुरो हूंद।

याकूब 4:6

पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”

1 पतरस 5:5

इन ही के तुम जवान लुखुं तैं पुरणा अगुवा विश्वासी आदिमों का अधीन हूंण चयणु च। तुम सभियूं तैं नम्रता का दगड़ी एक-दुसरा की मदद कन चयणी च। किलैकि पिता परमेश्वर का वचन मा पढ़ै जा सकद कि, “परमेश्वर बड़ा मौनया लुखुं को विरोध करद, पर उ ऊं लुखुं पर कृपा करद जु विनम्र छिनी।”

2 पतरस 2:10

पिता परमेश्वर सैरा दुष्ट लुखुं तैं दण्ड दयालो जु अपड़ी बुरी, कामुक इच्छाओं का अनुसार काम करदींनि अर जु अपड़ा मथि पिता परमेश्वर का अधिकार तैं अस्वीकार करदींनि। उ ढीट अर घमण्डी छिनी उ महिमामय स्वर्गीय प्राणियों का बारा मा अपमान कैरी के बुरो बुल्ण से नि डरदींनि।

2 पतरस 2:12

पर यु झूठा शिक्षक जंगली जानवरों का जन छिनी। यूं जानवरों तैं नि पता कि कन कै सुचण अर यूंको उद्देश्य भस पकड़ै जांण अर मरै जांण च। यु लोग कुछ भि करदींनि जु यूंका मन मा आंद, अर इख तक की यु ऊं चीजों को अपमान करदींनि जु यूं तैं समझ मा नि आंदी। उ जरुर नाश हवे जाला।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

2 पतरस 2:3

यु शिक्षक लालची होला, अर उ बनि-बणै मिसाल सुणै के तुम तैं धोखा दीला कि पैसा कमै साका। पिता परमेश्वर ल भौत बगत पैली ही फैसला कैरेले छो की उ ऊं तैं दण्ड दयालो अर उ यूं कनु कु तैयार च। उ निश्चित रूप मा ऊं तैं नाश कैरी दयालो।

यहूदा 1:16

यु लोग जु पिता परमेश्वर की आराधना नि करदींनि अर ऊं बातों का विरुद्ध बुरा शब्दों को इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जंणदा छिनी ऊं तैं उ बगैर सोच-समझी के करदींनि, त उ पिता परमेश्वर की तरपां बट्टी दण्ड भुगतला।

दिब्य दरस 13:1

मिल एक जानवर तैं समुद्र मा बट्टी निकलद देखि, येका सात मुंड छा अर दस सींग छा अर वेका हर एक सींग पर राजमुकुट छा, अर वेका हर एक मुंड पर एक नौं लिख्युं छो जु पिता परमेश्वर की एक बुरै (निंदा) छै।

दिब्य दरस 16:11

अर अपड़ी पिड़ाओं अर फोड़ों का कारण स्वर्ग का पिता परमेश्वर की निंदा कैरी; पर चाहे अब वेकी स्थिति इन छै, पर ऊंल निश्चित रूप से पश्चाताप नि कैरी अर न ऊं बुरा कामों तैं छोड़ी जु उ कना छा।

दिब्य दरस 16:21

बड़ा-बड़ा ओलों आसमान मा बट्टी लुखुं पर गिरिनि, ज्यांमा हर एक ओला को वजन करीब 50 किलो छो। यांका बाद ऊंल, स्वर्ग का पिता परमेश्वर की बुरै कैरी।

दिब्य दरस 16:9

इलै मनिख पिता परमेश्वर तैं शाप दींनि, किलैकि उ ही छो जै मा वीं विपत्ति कु अधिकार छो। ऊंल अभि भि अपड़ा पापों बट्टी पश्चाताप नि कैरी छो, ऊंल अभि भि पिता परमेश्वर की महिमा कु अंगीकार स्वीकार नि कैरी छो अर बुरै करदींनि।