2 थिस्सलुनीकी 1:11 - गढवली नयो नियम

¹¹ इलै हम तुम कु सदनी प्रार्थना भि करदां, कि हमारो पिता परमेश्वर तुम तैं वे जीवन का लैक बणै द्यो जै तैं जींणु कु पिता परमेश्वर ल तुम तैं बुलै भि च। उ अपड़ी सामर्थ का द्वारा तुम्हरो मार्गदर्शन करो कि तुम्हरी सभि भली मनसा पूरी हों अर जु कुछ भि तुम विश्वास बट्टी करदां उ पूरो हो,

Garhwali

¹¹ इलै हम तुम खुणि हमेसा इन प्रार्थना करद्‍यां, कि परमेस्वर न तुमतै जै मकसद खुणि बुलै, वे जीवन तैं जीणु खुणि परमेस्वर तुमतै लैख बणौ। अर हम इन भि प्रार्थना करद्‍यां, कि यीशु मसीह पर बिस्वास कैरिके जु सब भलै का काम तुम करण चाणा छाँ, ऊंतैं तुम पूरु कैरी सैका। अर इन करण मा उ तुमतै अपणी सामर्थ देके तुमरि मदद कैरो।

2 थिस्सलुनीकी 1:11 ပူးပေါင်းရင်းမြစ်များ

मरकुस 4:28

जमींन अफी इन फल लौंदि कि पैली अंकुर तब बलड़ा अर तब बलडों मा ग्यूं का बीज अर वे बट्टी तैयार बीज।

लूका 12:32

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

रोमियों 1:9

पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।

रोमियों 11:29

किलैकि पिता परमेश्वर अपड़ा वरदानों बट्टी, अर बुलाहट बट्टी दया का कारण कभि भि अपड़ो मन नि बदलद।

रोमियों 15:14

हे मेरा विश्वासी भयों; मि तैं पूरा विश्वास च, कि तुम आप भलै ल भुरयां छा अर तुम यु अच्छा ढंग से जंणदा छा की तुम तैं क्य कन चयणु च अर एक दुसरा तैं सिखांणा रावा।

रोमियों 8:30

फिर जौं तैं वेल पैली बट्टी ठैराये, ऊं तैं चुणि भि च, अर जौं तैं चुणयूं च, ऊं तैं धर्मी भि ठैराये, अर जौं तैं धर्मी ठैराये, ऊं तैं अपड़ी बडै मा भि हकदार बंणै।

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

इफिसुस 1:16

मि सदनी तुम कु पिता परमेश्वर कु धन्यवाद करदु छों, अर अपड़ी प्रार्थनाओं मा तुम तैं याद करदु छों।

इफिसुस 1:5

किलैकि परमेश्वर ल हम बट्टी प्रेम कैरी वेल पैली बट्टी यु फैसला लियेले छों, कि यीशु मसीह का द्वारा किये गै कामों का कारण हम तैं अपड़ी खुद कि सन्तान बंणै दयालो, पिता परमेश्वर ल इन अपड़ी ही इच्छा अर आनन्द का अनुसार कैरी

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

फिलिप्पी 1:6

मि तैं ईं बात कु पूरो भरोसो च, कि पिता परमेश्वर ल तुम मा भलो काम कन शुरू कैरी, उ ही वे काम तैं मसीह यीशु का औंणा का दिन तक पूरो भि करलो।

फिलिप्पी 2:13

किलैकि परमेश्वर ही च, जु तुम्हरा भितर काम कनु च, अर तुम तैं उ कनै की इच्छाशक्ति दयूंणु च, ज्यां बट्टी वे तैं खुशी मिलदी।

फिलिप्पी 3:14

मसीह यीशु मा पिता परमेश्वर की स्वर्गीय बुलाहट का ईनाम तैं पांणु कु निशान का जनै बढ़दी जांद।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

2 थिस्सलुनीकी 1:5

यु पिता परमेश्वर कु सच्चो न्याय को प्रमाण च; कि तुम पिता परमेश्वर का राज्य का लैख बणा, ज्यांकु तुम दुःख भि उठौंणा छा।

2 थिस्सलुनीकी 2:14

पिता परमेश्वर ल वे शुभ सन्देश कु इस्तेमाल कैरी, जै तैं हम ल तुम तैं उद्धार दींण कु तुम्हरा बीच मा प्रचार कैरी, कि तुम हमारा प्रभु यीशु मसीह की महिमा मा भागिदार बंणि सका।

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

दिब्य दरस 3:4

पर सरदीस शहर मा तुम्हरा बीच मा कुछ ही लोग छिनी, जु पाप बट्टी अशुद्ध नि हवीनि। उ शुद्ध सफेद कपड़ा पैरी के मि दगड़ी चलला, किलैकि उ यु लैक छिनी।

दिब्य दरस 5:10

“अर ऊं तैं हमारा पिता परमेश्वर कु तिल ऊं तैं राजा बणै, तिल ऊं तैं याजक बणै जु हमारा प्रभु परमेश्वर की आराधना कु काम करदींनि, अर उ धरती पर राजाओं का जन राज्य करदींनि।”