2 थिस्सलुनीकी 1:10 - गढवली नयो नियम

¹⁰ या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।

2 थिस्सलुनीकी 1:10 ပူးပေါင်းရင်းမြစ်များ

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 16:28

मि तुम मा सच बुल्णु छौं कि, “जु इख म खड़ा छिन ऊंमा बट्टी कुई-कुई इन छिन कि जब तक मि मनिख कु नौंनो परमेश्वर का राज्य का सामर्थ का दगड़ा आंण नि दिखला तब तक ऊंल मुरण भि नि च।”

मत्ती 24:36

अर कै तैं भि वीं दिन अर सै बगत कु पता नि जब मि दुबारा औलु न स्वर्गदूत अर न मि जु नौंनो छो भस परमेश्वर पिता वे बगत तैं जंणदु।

मत्ती 25:31

जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।

मत्ती 7:22

न्याय का दिन भौत सी लोग मि बट्टी बुलला हे प्रभु हे प्रभु क्य हम ल तेरु नौं से संदेश नि दे अर तेरा नौं से दुष्टात्मा तैं नि निकाली अर तेरा नौं से भौत सी चमत्कार नि करिनी?

लूका 10:12

मि तुम मा बुल्णु छौं कि वे दिन वे शहर कि दशा से सदोम शहर कि दशा सौण जुगुत हवेलि।

यूहन्ना 11:4

यु सूंणि के यीशु ल बोलि, “या बिमारी मुरण वली नि च, पर परमेश्वर कि बड़ै कु च की वेका द्वारा मि परमेश्वर का नौंना कि बढ़ै हो”

यूहन्ना 17:10

अर जु कुछ मेरू च उ सभि तेरु च अर जु तेरु च उ मेरू च अर यूं बट्टी मेरी महिमा प्रगट हवे।

1 कुरिन्थि 1:6

इन ही कै पिता परमेश्वर ल तुम तैं यु साबित कैरी की मसीह कु शुभ संदेश सचो च।

1 कुरिन्थि 3:13

पर जब पिता परमेश्वर सभियूं कु न्याय करलो, त आग हर एक आदिम का कामों तैं प्रगट कैरी द्याली; अर व आग हर एक का कामों तैं परखैलि कि कन छिनी।

गलातियों 1:24

इलै पिता परमेश्वर ल मि दगड़ी जु कैरी वेकी ऊंल पिता परमेश्वर की महिमा कैरी।

इफिसुस 1:12

पिता परमेश्वर ल इन इलै कैरी कि हम यहूदी, जु कि मसीह मा आस रखण वला पैली लोग छा, वेकी महिमा, स्तुति कैरा।

इफिसुस 1:14

पवित्र आत्मा भि एक बयना का जन च जु ईं बात तैं निश्चित करदो कि पिता परमेश्वर ल हम तैं व छुटकारा की विरासत दयालो जै की वेल दींणै की सौं खैई च, वेकी महिमा अर स्तुति हो।

इफिसुस 1:18

मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

इफिसुस 1:6

कि ऊं की निराली दया कि बड़ै हो, जु वेल हम तैं मुफ्त मा दे द्या किलैकि हम वेका प्यारा नौंना का दगड़ी जुड़यां छा।

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

इफिसुस 3:10

कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

इफिसुस 3:16

मि प्रार्थना करदु छों, कि उ अपड़ा महिमा का धन मा बट्टी तुम तैं जु दान दैं, कि वेकी आत्मा तुम तैं शान्ति द्याली कि अपड़ी आत्मा मा तुम सामर्थ पै के मजबूत हवे जावा,

1 थिस्सलुनीकी 1:5

किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।

1 थिस्सलुनीकी 2:1

हे विश्वासी भयों, तुम अफी जंणदा छा कि हमारो तुम मा आंण बड़ो प्रभावशाली रै।

1 थिस्सलुनीकी 2:12

कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

1 थिस्सलुनीकी 2:13

इलै हम भि पिता परमेश्वर कु धन्यवाद सदनी करदां; कि जब हमारा द्वारा पिता परमेश्वर कु शुभ संदेश कु वचन तुम ल सूंणि जु हम ल तुम्हरा बीच मा प्रचार कैरी तुम ल वे तैं मनिख्युं कु न बल्कि पिता परमेश्वर को वचन समझी के (अर सच मा यु इन ही च) स्वीकार कैरी अर उ तुम मा जु विश्वास रखद्यां काम करद।

2 थिस्सलुनीकी 1:12

हम यु प्रार्थना करदयां कि लोग तुम्हरा कारण प्रभु यीशु की महिमा कैरा अर तुम भि महिमा पां किलैकि तुम भि प्रभु बट्टी जुड़यांं छा अर यु सब पिता परमेश्वर अर प्रभु यीशु मसीह का दया बट्टी होलो।

2 थिस्सलुनीकी 2:13

हे विश्वासी भयों, अर हम तैं लगातार पिता परमेश्वर कु धन्यवाद कन चयणु च किलैकि प्रभु तुम बट्टी प्रेम करद। किलैकि पिता परमेश्वर ल दुनिया की सृष्टि से पैली ही तुम तैं चुणि कि तुम तैं बचै साको; उ पवित्र आत्मा का कामों का द्वारा जु तुम तैं पवित्र बणांद अर तुमारा द्वारा प्रभु यीशु मसीह का बारा मा सच्चा संदेश पर विश्वास कन से तुम तैं बचांद की तुम उद्धार पां।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

2 तीमुथियुस 1:18

न्याय का दिन प्रभु उनेसिफुरुस तैं अपड़ी महान दया दिखौ अर तुम खुद अच्छा ढंग ल जंणदियां कि वेल इफिसुस शहर मा मेरी कथग मदद कैरी।

2 तीमुथियुस 4:8

प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।