2 पतरस 3:14 - गढवली नयो नियम

¹⁴ इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।

Garhwali

¹⁴ इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

2 पतरस 3:14 ပူးပေါင်းရင်းမြစ်များ

मत्ती 24:26

इलै जु उ तुम मा बुलुनु देखा उ एकांत जंगल मा च त भैर नि निकलयां या इन बुलुनु देखा उ कोठरियों मा च त विश्वास नि करयां।

मत्ती 25:7

तब उ सभि अणबिवाक बिजनी अर अपड़ा-अपड़ा दिवडों तैं ठिक कन लगि गैनी।

लूका 12:43

धन्य च उ सेवक जै तैं वेकु स्वामी ऐ के इन ही करद देखु।

लूका 2:29

“हे प्रभु अब तु मि तैं अपड़ा सेवक तैं अपड़ा वचन का अनुसार शान्ति से विदा कैरी दे।

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

फिलिप्पी 2:15

किलैकि तुम निर्दोष अर सीधा हवे के टेढ़ा अर भ्रष्ट लुखुं का बीच मा पिता परमेश्वर कि निष्कलंक सन्तान बंणि के रै सक्यां, तुम ईं दुनिया का लुखुं का बीच मा आकाश का गैणों का जन चमका, जब तुम ऊं तैं उ वचन बतांद छा जु हमेशा कु जीवन दींदी,

फिलिप्पी 3:20

पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

1 तीमुथियुस 6:14

कि तू हमारा प्रभु यीशु मसीह का दुबारा वापिस आंण तक ईं आज्ञा तैं निष्कलंक अर निर्दोष रख, कि कुई त्वे पर भंगार नि लगौ कि तु गलत कनि छै।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

याकूब 1:27

हमारा पिता परमेश्वर का समणी शुद्ध अर सच्ची भक्ति य च, कि अनाथों अर विधवाओं का दुखों मा ऊंको ख्याल रखा, अर अपड़ा आप तैं दुनिया का बुरा कामों बट्टी बचै के रखा।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

2 पतरस 3:1

हे प्रियों, अब मि तुम तैं य दुसरी चिठ्ठी लिखणु छो, अर द्वी चिठ्ठियूं मा मि तुम तैं सै ढंग से सुचणु कु प्रोत्साहित कनै की कोशिश कनु छो, तुम तैं व ही चीज याद दिलांण का द्वारा जु तुम पैली ही सीख ज्ञा।

2 पतरस 3:16

अपड़ी सभि चिठ्ठियूं मा जु वेल विश्वासियों तैं लिखीं, उ इन ही बात करदींनि जु वेल तुम तैं लिखिनि। पर कुछ बात जु वेल अपड़ी चिठ्ठियूं मा लिखिनि, ऊं तैं समझण मुश्किल च। जूं लुखुं ल अच्छी शिक्षा नि पैनी अर जौं तैं निश्चय नि च कि उ क्य विश्वास करदींनि उ यूं कठिन बातों का मतलब को गलत ढंग से व्याख्या करदींनि, उन ही जन उ पिता परमेश्वर का वचन का अन्य हिस्सों की भि गलत व्याख्या करदींनि। इन कैरी के उ अफ ही पिता परमेश्वर का द्वारा अपड़ो नाश हूंणो को कारण बणदींनि।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।