2 पतरस 2:4 - गढवली नयो नियम

⁴ तुम जंणदा छा कि भौत बगत पैली पिता परमेश्वर ऊं दुष्टदूतों तैं भि दण्ड दींण से नि रुकि जब ऊंल पाप कैरी, पर ऊं तैं मूड़ी नरक मा भेजि दींनि जख ऊं तैं अंधेरा मा जंजीरों मा बंधि के रखदींनि, जबकि उ न्याय कु दिन को इन्तेजार करदींनि जब ऊं तैं दण्ड मिललो जैका उ योग्य छिनी।

Garhwali

⁴ किलैकि परमेस्वर न पाप करण वळा ऊं स्वर्गदूतों तैं भि नि छोड़ि, बल्किन मा वेन ऊंतैं सजा दिनी। वेन ऊंतैं नरकलोक का सबसे अन्धेरा वळी जगा मा ढोळि दिनी, ताकि न्याय का दिन तक ऊंतैं उख रखै जौ, अर वे दिन पर ऊंतैं दण्ड दिये जौ।

2 पतरस 2:4 ပူးပေါင်းရင်းမြစ်များ

मत्ती 25:41

तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।

मत्ती 8:29

ऊंल चिल्लै कै बोलि, “हे परमेश्वर का नौंनो” मेरू तेरु कुई लिणु दींणु नि च क्य तु बगत से पैली हम तैं दुःख दींणु कु इख अईं छै?

मरकुस 5:7

हे यीशु सर्वशक्तिमान परमेश्वर का नौंना तेरु मि बट्टी क्य काम? मि त्वे तैं परमेश्वर की सौं दींदु कि तु मि तैं पिड़ा नि दीलि

लूका 10:18

वेल ऊं बट्टी बोलि, जब दुष्टात्माओं ल तुम्हरी आज्ञा मांणी, त मिल शैतान तैं अचानक स्वर्ग बट्टी बिजली का जन गिरदा देखि।

लूका 8:31

अर ऊंल यीशु मा भौत बिनती कैरी कि, “हम तैं अथाह कुण्ड मा जांणै कि आज्ञा नि दे।”

यूहन्ना 8:44

तुम अपड़ा बुबा शैतान बट्टी छा अर अपड़ा बुबा कि मनसा तैं पूरी कन चांदा छा उ त पैली बट्टी हत्यारो च अर उ सत्य पर टिक्यूँ नि रै सकद किलैकि वे मा सत्य ही नि च जब उ झूठ बुल्द त अपड़ा स्वभाव या बरतौ का अनुसार ही से बुल्द किलैकि उ झूठ को बुबा च।

रोमियों 11:21

जु पिता परमेश्वर ल असली फौंकियूं पर दया नि कैरी, त उ तुम पर भि दया नि करलो।

रोमियों 8:32

पिता परमेश्वर ल अपड़ा एकलौता नौंना यीशु मसीह तैं भि नि रख छोड़ी, पर वे तैं हम पर कृपा कैरी के अपड़ा दुश्मनों तैं सौंपी दींनि, उ हम तैं उ सब कुछ भि दयालो जु वेल हम बट्टी करार कैरी छै।

2 पतरस 2:11

पर इख तक कि स्वर्गदूत जु यूं झूठा शिक्षकों बट्टी कई जादा सामर्थी अर शक्तिशाली च, उ भि ऊंको अपमान नि करदींनि जब उ पिता परमेश्वर का संमणी ऊं पर भंगार लगौंदींनि।

2 पतरस 2:5

तुम यु भि जंणदा छा कि भौत बगत पैली रौंण वला लुखुं ल पिता परमेश्वर की डौर नि मांणी त पिता परमेश्वर ल ऊं बुरा कामों तैं नजरअंदाज नि कैरी जु उ कना छा। बल्कि पिता परमेश्वर ल पूरी दुनिया तैं भुरण कु पांणी भेजि के ऊं तैं इन दण्ड द्ये कि उ सभि डूबी के नाश हवे गैनी। पर पिता परमेश्वर ल नूह समेत ऊं आठ लुखुं तैं बचै, जौन पिता परमेश्वर का दगड़ी सै हूंण का बारा मा प्रचार कैरी छो।

2 पतरस 2:9

यु सब काम जु पिता परमेश्वर ल पुरणा बगत मा करिनि, उ हम तैं यु दिखांद कि जु लोग पिता परमेश्वर का अनुसार जीवन जंदींनि, जब उ मुसिबत मा हूंदींनि त पिता परमेश्वर निश्चित रूप से ऊं तैं सुरक्षित रखलो। अर हम यु भि निश्चय कैरी सकदा कि उ दुष्ट लुखुं तैं वे दिन तक लगातार दण्ड दयालो जब तक कि पिता परमेश्वर सभि लुखुं कु न्याय नि करद।

1 यूहन्ना 3:8

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

यहूदा 1:13

जन समुन्द्र की प्रचण्ड लहर गन्दो झाग बंणौंदींनि, उन ही यु लोग शर्मनाक काम फैलांदींनि। उ कुछ गैणों का जन छिनी जु एक बणयां रस्ता पर नि चलदींनि, उ सै रस्ता नि दिखदींनि। प्रभु ऊं तैं एक जगह रखणु च जु पूरा ढंग से अंधेरी च जख ऊं तैं हमेशा कु रौंण पुड़लो।

यहूदा 1:6

याद कैरा कि प्रभु ल ऊं दुष्टदूतों तैं कन दण्ड द्ये, जौनु अपड़ा अधिकार तैं पूरो नि कैरी, बल्कि ऊंल अपड़ी नियत पदवियों अर जगहों तैं छोड़ी येले। प्रभु ल यूं दुष्टदूतों तैं अनन्त विनाश कु अंधेरा जगह मा रख्युं च, इन जंजीरों बट्टी बंधयूं च जौं तैं कुई नि तोड़ी सकद कि महान दिनों मा ऊंको न्याय हवे साक।

दिब्य दरस 20:10

फिर ऊंल शैतान तैं जैल यूं सभियूं तैं भरमयूं छो, वीं जगह पर ढोल दींनि जु आग अर गन्धक बट्टी फुकयोंदो। उ वीं जगह पर होलो जख ऊंल पैली बट्टी ही जानवर अर पिता परमेश्वर का तरपां बट्टी बुल्ण वला बुल्दींनि। आग ऊं सभियूं तैं दिन अर रात हमेशा कु दुःख द्याली।