2 पतरस 2:20 - गढवली नयो नियम

²⁰ लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।

Garhwali

²⁰ अर या बात सच्‍च च, कि अगर ऊ लोग हमरा प्रभु अर छुटकारा देण वळा यीशु मसीह का बारा मा पूरा ज्ञान का द्‍वारा दुनियां की अशुद्ध चीजों से बचण का बाद, अगर फिर से दुनियां का कामों मा ही लगि जनदिन, त या बात साफ ह्‍वे जान्दी कि अब ऊंकी हालत पैलि से भि जादा खराब ह्‍वे जान्दी।

2 पतरस 2:20 ပူးပေါင်းရင်းမြစ်များ

फिलिप्पी 3:19

ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।

2 तीमुथियुस 2:4

जब कुई सिपै लड़ै पर जांदु त फिर उ अफ तैं दुनिया का कामों का जंजाल मा नि फसौंदु इलै कि उ अपड़ा भरति कन वला अधिकारी तैं खुश कैरी साको।

याकूब 1:27

हमारा पिता परमेश्वर का समणी शुद्ध अर सच्ची भक्ति य च, कि अनाथों अर विधवाओं का दुखों मा ऊंको ख्याल रखा, अर अपड़ा आप तैं दुनिया का बुरा कामों बट्टी बचै के रखा।

2 पतरस 1:11

अर यु कि पिता परमेश्वर तुम्हरा वे राज्य मा गर्मजोशी ल स्वागत करलो जख प्रभु यीशु मसीह च, जु हमारो स्वामी अर हमारो उद्धारकर्ता च, जु हमेशा कु राजा का रूप मा राज्य करलो।

2 पतरस 1:2

मि प्रार्थना करदु की पिता परमेश्वर तुम तैं और जादा से जादा कृपा अर शान्ति दयालो जन-जन तुम पिता परमेश्वर अर हमारा प्रभु यीशु का ज्ञान मा बढ़दी जन्द्यां।

2 पतरस 1:3

पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।

2 पतरस 1:4

वे ही शक्तिशाली सामर्थ का द्वारा, पिता परमेश्वर ल हम तैं अपड़ा भौत सैरा अच्छा अर अद्भुत करार करिनी। कि यूं वरदानों को इस्तेमाल कैरी के हम दुनिया की ऊं बुरी इच्छाओं बट्टी बच सैका जु लुखुं तैं नाश करदी, अर पिता परमेश्वर का स्वभाव का भागि हवे साका।

2 पतरस 1:8

जु यु सब बात तुम मा छिनी अर बढ़दी जौं त यु तुम तैं हमारा प्रभु यीशु मसीह का ज्ञान मा उपयोगी अर फलदार हूंण मा मदद करली।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।