2 पतरस 2:17 - गढवली नयो नियम

¹⁷ यु झूठा शिक्षक ऊं पांणी का स्रोतों का जन बेकार छिनी जु सूखी गैनी। उ निराशा दींणवला बादलों का जन च, जूं तैं तेज बथों उड़ै के लिजांदी, यां से पैली की बरखा हो। पिता परमेश्वर ल ऊंकु एक इन जगह तैयार कैरी जु पूरा ढंग से अंधेरी च।

Garhwali

¹⁷ अर यू लोग पाणि का एक सुख्यां धारा का जन छिन, अर यू इन बादळों का जन छिन, जौं मा पाणि नि च। अर आंधी ऊं बादळों तैं उड़ै के लि जान्दी, अर यों लोगु का रौण खुणि एक अन्धेरी जगा च।

2 पतरस 2:17 ပူးပေါင်းရင်းမြစ်များ

मत्ती 22:13

तब राजा ल सेवकों मा बोलि येका हथ खुट्टा बंधि के यु तैं भैर अंधेरा मा डाली द्या उख रूंण अर दांतों को पिसंण होलो।

मत्ती 25:30

अर यु निकम्मा सेवक तैं का अंधेरा मा डाली द्या जख रूंण अर दांतों को पिसंण होलो।

मत्ती 8:12

पर परमेश्वर का राज्य की संतान समझण वला यहूदी भैर अंधेरा मा डलै जाला उख रूंण अर दांतों को पिसंण होलो।”

इफिसुस 4:14

कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।

इब्रानी 12:18

तुम सीनै पोड जन जगह पर नि अयां, जै तैं देखि अर छवे जै सकद; जख आग या काला बादल या तूफान छो, अर लोग इन जगह पर छा जब पिता परमेश्वर ल ऊं तैं अपड़ी दस आज्ञा दींनि।

2 पतरस 2:4

तुम जंणदा छा कि भौत बगत पैली पिता परमेश्वर ऊं दुष्टदूतों तैं भि दण्ड दींण से नि रुकि जब ऊंल पाप कैरी, पर ऊं तैं मूड़ी नरक मा भेजि दींनि जख ऊं तैं अंधेरा मा जंजीरों मा बंधि के रखदींनि, जबकि उ न्याय कु दिन को इन्तेजार करदींनि जब ऊं तैं दण्ड मिललो जैका उ योग्य छिनी।

यहूदा 1:6

याद कैरा कि प्रभु ल ऊं दुष्टदूतों तैं कन दण्ड द्ये, जौनु अपड़ा अधिकार तैं पूरो नि कैरी, बल्कि ऊंल अपड़ी नियत पदवियों अर जगहों तैं छोड़ी येले। प्रभु ल यूं दुष्टदूतों तैं अनन्त विनाश कु अंधेरा जगह मा रख्युं च, इन जंजीरों बट्टी बंधयूं च जौं तैं कुई नि तोड़ी सकद कि महान दिनों मा ऊंको न्याय हवे साक।