2 पतरस 1:19 - गढवली नयो नियम

¹⁹ हम भि जंणदा छा कि मसीह का बारा मा पिता परमेश्वर का तरपां बट्टी बुल्ण वलो ल जु वचन लिखीं छा, उ बिल्कुल सच छा, अर जु हम ल तुम तैं मसीह की वापसी का बारा मा सिखै छो उ वेकी पुष्टि करदींनि। तुम तैं ऊं वचनों तैं अच्छा ढंग से सुनण चयणु च, किलैकि जन कै अंधेरा मा दिवडो चमकद उन ही यु वचन लुखुं तैं सै रस्ता दिखांण मा मदद करद कि सचै क्य च। हमारा प्रभु यीशु मसीह का लौटि के आंण तक तुम तैं ऊं वचनों तैं अच्छा ढंग से सुनण चयणु च। मसीह को आंण नया दिन की सुबेर का जन रोशनी लांद, अर उ सुबेर का गैंणा का जन होलो। वे बगत मसीह कु प्रकाश तुम्हरा दिलों मा चमकलो अर तुम्हरा संमणी पिता परमेश्वर तैं स्पष्ट रूप मा प्रकट करलो।

Garhwali

¹⁹ अर इन कैरिके भविष्यबाणी का जु वचन हमरा पास छिन, ऊं पर भि छाप लगये गै। अर तुम ऊं वचनों पर अपणु मन लगै के अच्छु काम कना छाँ, किलैकि जब तक सुबेर नि होन्दी, तब तक सूरज नि निकळदु, अर यू वचन वे जळ्दा द्‍यू का जन च जु अन्धेरा मा चमकदु, याने कि जु आज तुमरा दिलों मा चमकणु च।

2 पतरस 1:19 ပူးပေါင်းရင်းမြစ်များ

मत्ती 4:16

जु लोग अंधेरा मा रौंन्दा छा ऊंल बड़ो उज्यला देखि, जु परमेश्वर तैं नि जंणदा छा अर अनन्त मृत्यु कु जन्दा छा ऊंल मुक्ति कु मार्ग देखि।”

यूहन्ना 5:35

यूहन्ना एक दिवडा का जन च जु जलद अर चमकदु छो अर तुम तैं कुछ देर तक वेका उज्यला मा मगन हूंण अच्छो लगि।

यूहन्ना 5:39

तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च

यूहन्ना 8:12

तब यीशु ल फिर लुखुं मा बोलि, “दुनिया कु उज्यला मि छौं जु मेरा पिछनै हवे जालो उ अंधेरा मा नि चललो पर उ उज्यला तैं पालो जु अनन्त जीवन दींद।”

खास चेलों 15:29

कि तुम वे मांस तैं नि खये जै तैं लुखुं ल मूर्तियों तैं बलिदान चढ़ायूं च अर ल्वे बट्टी अर गोला घुटयां वलो का मांस बट्टी अर व्यभिचार बट्टी दूर रावा। यूं बट्टी दूर रावा त तुम्हरो भलो होलो अगनैं बधै।”

खास चेलों 17:11

यु लोग त थिस्सलुनीके शहर का यहूदियों बट्टी भि सिखणु कु जादा इच्छुक छिनी। अर ऊंल बड़ी इच्छा से वचन स्वीकार कैरी अर हर दिन परमेश्वर का वचन मा खुजै के जांच कन रैनी कि जु बात पौलुस ल सिखैनी इन ही छिन की न।

इब्रानी 2:2

उ व्यवस्था जैका बारा मा पिता परमेश्वर ल स्वर्गदूतों का द्वारा बोलि वे तैं सच दिखै गै, अर जु कुई भि वे तैं नि मंणदु, वे तैं पिता परमेश्वर दण्ड दयालो।

याकूब 2:8

जु तुम पिता परमेश्वर का वचन का अनुसार कि, “तू अपड़ा पड़ोसी बट्टी अपड़ा समान प्रेम रख” सच मा वीं खास व्यवस्था तैं पूरो करदां, त ठिक ही करद्यां।

1 पतरस 1:10

यु उद्धार कुछ इन छो जैका बारा मा पिता परमेश्वर का तरपां बट्टी बुल्ण वला और जादा जनण चांणा छा। ऊंल भविष्यवाणी कैरी की कन पिता परमेश्वर तुम तैं बचांणु कु तुम्हरा प्रति दयालुता ल काम करलो जैका तुम योग्य नि छा। ऊंल उत्तरों तैं खुजांणु कु ध्यान लगै के अध्ययन कैरी अर भौत कोशिश भि कैरी।

1 यूहन्ना 5:10

जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।

3 यूहन्ना 1:6

ऊंमा बट्टी कुछ लुखुं ल मण्डलि का विश्वासियों का दगड़ी तेरा प्रेम का बारा मा बतै जु तु अपड़ा विश्वासियों बट्टी करदी। अब मि त्वे कु बुल्णु छो, कि तु इन विश्वासी दगड़ियों कि मदद कैरी जु एक जगह बट्टी दुसरी जगह शुभ संदेश कु प्रचार कनु कु यात्रा करदा छिनी, किलैकि इन कन पिता परमेश्वर तैं अच्छो लगद।

दिब्य दरस 2:28

अर मि वे तैं अपड़ी जीत तैं दिखांणु कु सुबेर को गैणा दयुलु।

दिब्य दरस 22:16

यीशु ल बोलि, मिल अपड़ा स्वर्गदूत तैं तुम मा अर मण्डलि मा यूं बातों कु प्रचार कनु कु भेजि जु पिता परमेश्वर का लुखुं का झुण्ड मा हो, मि राजा दाऊद कु वंशज छो; मि ही छो, मि तैं सुबेर को गैणो भि बुल्दींनि।