2 कुरिन्थि 8:12 - गढवली नयो नियम

¹² जु कै मा दान दींणै की इच्छा च त जु कुछ वेमा च, वेका ही आधार पर वेको दान स्वीकार होलो अर वेका आधार पर न, जु वेमा नि च।

Garhwali

¹² अर ईं बात तैं याद रखा, कि अगर जु तुम सच्‍चि मा मदद करण चाणा छाँ, त अपणी-अपणी हैसियत का मुताबिक दे सकद्‍यां, ताकि या बात देखि के पिता परमेस्वर खुश हो। किलैकि पिता परमेस्वर इन इच्छा नि रखदु कि कु मितैं कथगा द्‍यालु, यू त तुमरि गुंजैस का मुताबिक च कि कु कथगा देण चाणु च।

2 कुरिन्थि 8:12 ပူးပေါင်းရင်းမြစ်များ

मत्ती 25:17

इन ही जै तैं द्वी चांदी का सिक्का मिली छा वेल भि द्वी और कमै।

मत्ती 25:22

अर जै तैं द्वी चांदी का सिक्का मिली छा वेल भि ऐ के बोलि, हे स्वामी तिल मि तैं द्वी चांदी का सिक्का दे छा देख मिल द्वी चांदी का सिक्का और कमै।

लूका 16:10

जु छुटी-छुटी बातों मा ईमानदार च, उ बड़ी बातों मा भि ईमानदार होलो अर जु भौत छुटी बातों मा बेमान च, उ बड़ी बातों मा भि बेमान ही च।

2 कुरिन्थि 8:11

इलै अब जु तुम ल शुरू कैरी वे तैं पूरो कैर; शायद तुम भि यु तैं खत्म कनु कु उथग ही उत्सुक छा जथग कि तुम यु तैं शुरू कन मा छा।

2 कुरिन्थि 8:13

मि नि चांदु कि दूसरों का जीवन तैं आसान बनांण कु तुम्हरो अपड़ो जीवन कठिन हवे जौं; पर सभियूं मा बराबर हूंण चयणु च।

2 कुरिन्थि 8:19

अर इथग ही न, पर उ मण्डलि का लुखुं का द्वारा ठैरे भि गै कि यु दान का काम कु हम दगड़ी जौं अर यरूशलेम शहर मा विश्वासियों कु लिए जांणा वला दान की सेवा इलै करदा, कि प्रभु की महिमा अर यु दिखांणु कु कि हम यरूशलेम शहर मा विश्वासियों की मदद कनु कु उत्सुक छा।

2 कुरिन्थि 9:7

हर कुई जन-जन अपड़ा मन मा ठांणी द्यो उ उन ही दान द्यो; न कि किच-किच कैरी कै, अर न जबरदस्ती से, किलैकि जु खुशी से दान दींदो वे बट्टी पिता परमेश्वर प्रेम रखदो।

1 पतरस 4:10

हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।