2 कुरिन्थि 7:1 - गढवली नयो नियम

¹ हे प्रियों, किलैकि पिता परमेश्वर ल हम तैं अपड़ा बच्चों का रूप मा स्वीकार कनु कु यु वादा कैरी, त आवा, हम अपड़ा आप तैं ऊं सभि बुरी चीजों बट्टी दूर कैरा, अर सभि रीति रिवाजों बट्टी बचा, अर पिता परमेश्वर की डौर मांणी कै आदर करां अर आवा हम पूरा ढंग से पवित्र हूंणु कु काम कैरा।

Garhwali

¹ हे मेरा प्यारा भै-बैंणो, जब हमरा पास पिता परमेस्वर का यू करार छिन, इलै हमतै अपणु जीवन पवित्र बणै के रखण चयेणु, अर हम इन्द्रयो कुछ भि नि कैरा ज्यां से कि वेतैं घिण औन्दी। अर हमतै परमेस्वर पर अपणी पूरि सरदा रखी के एक पवित्र जीवन जीण की पूरि कोसिस करण चयेणी।

2 कुरिन्थि 7:1 ပူးပေါင်းရင်းမြစ်များ

मत्ती 12:33

“जु कुई डालो अच्छो च त वेका फल तैं भि अच्छो ही होलो इलै जु डालो तैं खराब बुलै गै त वेका फल तैं भि खराब बुलेलो किलैकि डालो फल बट्टी ही पैछांणे जांदु।”

मत्ती 5:48

इलै तुम तैं ऊं बट्टी प्रेम कन चयणु च जु तुम बट्टी प्रेम नि करदा अर इन के तुम सिद्ध बंणि के जन तुमारो स्वर्गीय बुबा जु स्वर्ग मा च अर सिद्ध च बणा।”

मत्ती 5:8

“धन्य छिन उ जौं का मन शुद्ध छिन, किलैकि उ परमेश्वर तैं दिखला।”

खास चेलों 9:31

इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।

रोमियों 5:20

परमेश्वर ल व्यवस्था इलै दींनि कि लोग अर जादा पाप कैरा, जब लुखुं ल जादा से जादा पाप कैरी, पिता परमेश्वर ल जु दया दिखै उ जादा से जादा हवे,

1 कुरिन्थि 6:20

पिता परमेश्वर ल यीशु मसीह तैं भेजि के अर यीशु ल सूली पर अफ तैं बलिदान कैरी के, हम एक बड़ी कीमत चुकै के छुड़ै, इलै अपड़ी देह का द्वारा पिता परमेश्वर की महिमा कैरा।

2 कुरिन्थि 1:20

किलैकि पिता परमेश्वर का जथग प्रतिज्ञा छै, पिता परमेश्वर का उ सभि वादा मसीह मा पूरा हूंदींनि अर इलै हम “आमीन” बुल्दा, कि हमारा द्वारा पिता परमेश्वर की महिमा हो।

इफिसुस 2:3

इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

1 थिस्सलुनीकी 4:7

किलैकि पिता परमेश्वर ल हम तैं अशुद्ध जीवन ज्यूंणु कु न, पर पवित्र जीवन ज्यूंणु कु बुलै।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

इब्रानी 12:23

तुम पिता परमेश्वर का पैला नौनों की सभा अर मण्डलि मा अयां छा, जु का नौं स्वर्ग मा लिख्यां छिनी; तुम अफी पिता परमेश्वर मा अयां छा, जु सभि चीजों पर न्याय कन वलो च, उ स्वर्ग मा धर्मी लुखुं की आत्मा छिनी जौं तैं अब सिद्ध बणये गै।

इब्रानी 12:28

इलै हम तैं जु राज्य मिली, उन ही हिलै जालो, हम तैं यांको पिता परमेश्वर कु आभारी हूंण चयणु च, जैका द्वारा हम भक्ति, अर डौर मांणी कै पिता परमेश्वर की इन आराधना कैरी साका जै बट्टी उ खुश हवे सकद।

इब्रानी 4:1

पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।

इब्रानी 6:9

हे विश्वासी भयों, तुम अच्छा काम कना छा; किलैकि पिता परमेश्वर ल पैली ही तुम तैं बचैयले; इलै यु चेतावनियां तुम कु नि छिनी; तुम्हरा बारा मा हम यां से अच्छी चीजों तैं जु उद्धार का दगड़ी आंद तुम कु लौंदियां

याकूब 4:8

पिता परमेश्वर का नजदीक आवा त पिता परमेश्वर भि तुमारा नजदीक आलो हे पापियों, अपड़ा जीवन तैं पाप बट्टी दूर रखा। अर हे दुछड़िया लुखुं अपड़ा मनों तैं पवित्र कैरा।

1 पतरस 1:15

पर अब तुम तैं हर काम मा जु तुम करदा पवित्र हूंण चयणु च, जन की पिता परमेश्वर पवित्र च जैल तुम तैं अपड़ा बच्चा हूंणु कु चुणि।

1 पतरस 1:17

जब तुम प्रार्थना करदा त तुम पिता परमेश्वर तैं अपड़ो पिता बुल्दा। पर याद रखा कि पिता परमेश्वर कै को पक्षपात नि करदो मतलब हर एक ल क्य-क्य कैरी। इलै जबकि तुम ईं धरती पर एक परदेशी हवे के रौंदा त तुम तैं ऊंका प्रति भौत सम्मान का दगड़ी रौंण चयणु च।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

1 पतरस 2:11

हे प्रियों मि तुम बट्टी बिनती कनु छो कि तुम ई दुनिया मा परदेसियों अर यात्रियों का जन रौंणा छा। मि तुम बट्टी बिनती कनु छो कि ऊं सैरी पापमय शारीरिक इच्छाओं बट्टी बचा किलैकि उ तुम्हरा अपड़ा आत्मा का विरुद्ध हमेशा लड़दी रौंद।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 यूहन्ना 1:7

ऊई कैरा जु ठिक च जन पिता परमेश्वर सिद्ध रूप बट्टी ठिक च, उन ही हम भि उज्यला मा जियां, त एक-दुसरा बट्टी दगड़ी रखदा अर वेका नौंना यीशु मसीह को ल्वे हम तैं सभि पापों बट्टी शुद्ध करदो।

1 यूहन्ना 1:9

जु हम अपड़ा पापों तैं पिता परमेश्वर का संमणी मणिल्या, त पिता परमेश्वर हमारा पापों तैं माफ कन, अर हम तैं सभि अधर्म बट्टी शुद्ध कन मा विश्वासयोग्य अर धर्मी च।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।