2 कुरिन्थि 5:11 - गढवली नयो नियम

¹¹ इलै प्रभु की डौर मांणी के हम सत्य पर विश्वास कनु कु लुखुं बट्टी बिनती करदा अर पिता परमेश्वर हम तैं पूरा ढंग से जंणदु च; अर मेरी आस य च, कि तुम्हरो विवेक हम तैं अच्छा ढंग से जंणदु च।

Garhwali

¹¹ अर हम जणदा छां कि पिता परमेस्वर पर अपणी पूरि सरदा रखण को मतलब क्या च, इलै ही हम लोगु तैं सच्‍चै का बारा मा बतौन्द्‍यां ताकि वु भि सच्‍चै तैं स्वीकार कैरी सैका। अर परमेस्वर ईं बात का बारा मा जणदु च, अर मितैं पूरि उम्मीद च कि तुम भि वांका बारा मा खूब अच्छे से जणद्‍यां।

2 कुरिन्थि 5:11 ပူးပေါင်းရင်းမြစ်များ

मत्ती 10:28

जु देह तैं मारि सकदींनि, पर आत्मा तैं नि मारि सकदींनि ऊं बट्टी नि डरयां पर परमेश्वर बट्टी डैरा जु प्राण अर देह द्वीयूं तैं नरक मा नाश कैरी सकदु

मत्ती 25:46

अर उ जु बैंं अर छा अनन्त विनाश की सजा भुगला पर धर्मी लोग अनन्त जीवन मा वास करला।

लूका 12:5

मि तुम तैं चितौंदु कि तुम तैं कै बट्टी डरण चयणु च घात कना का बाद जै तैं नरक मा डलणो कु अधिकार च वे बट्टी ही डैरा बल्कि मा मि तुम मा बुल्णु छौं वे ही बट्टी डैरा।

लूका 16:31

वेल वेकु बोलि, “जब उ मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की आज्ञा नि मणदींनि त कुई भि मुरयां मा बट्टी ज्यूँदो हवे जौ, तब भि वेकी बातों पर विश्वास नि करिल्या।”

खास चेलों 13:43

अर जब यहूदियों का मिलणा का भवन मा बट्टी यहूदी सभा उठि गै त यहूदियों अर यहूदी मत मा बदलियां अन्यजाति भक्तों मा बट्टी बहुत सा पौलुस अर बरनबास का पिछनै हवे गैनी; अर ऊंल पौलुस अर बरनबास बट्टी बात कैरी के समझै, कि पिता परमेश्वर की कृपा मा बणयां रा।

खास चेलों 18:13

ऊंल बोलि, “यु लुखुं तैं समझांणु च कि पिता परमेश्वर की आराधना इन रीति से कैरा, ज्वा व्यवस्था का अनुसार नि च।”

खास चेलों 18:4

अर पौलुस हरेक यहूदियों को विश्राम को दिन यहूदियों का मिलणा का भवन मा वाद-विवाद कैरी के यहूदियों अर अन्यजाति (यूनानियों) तैं भि यीशु मसीह पर विश्वास कनु कु समझांदु छो।

खास चेलों 19:26

तुम देखदां अर सुणदा छा की भस इफिसुस शहर ही मा न, पर एशिया प्रान्त का सभि गौ मा यु बोलि-बोलि के यु पौलुस ल भौत लुखुं तैं समझै अर भरमै भि च की जु हथों की कारीगरी छिन उ ईश्वर नि छिनी।

खास चेलों 26:26

राजा भि यूं बातों तैं जंणदो छो, इलै मि वेका संमणी निडर हवे के बुल्णु छौं। अर मि तैं विश्वास च, कि यूं बातों बट्टी ल कुई बात राजा बट्टी छिपी नि च, किलैकि या बात चुपचाप बट्टी नि हवे।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

2 कुरिन्थि 5:20

इलै हम मसीह का राजदूत छा; किलैकि पिता परमेश्वर शुभ संदेश तैं स्वीकार कनु कु हमारा द्वारा लुखुं बट्टी निवेदन करद, अर वेका हम तैं दूसरों का बीच शान्ति बनांण कु काम दियुं च कि पिता परमेश्वर दगड़ी मेल कैरी ल्या।

2 कुरिन्थि 6:1

हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

गलातियों 1:10

पक्का ढंग पर, मि लुखुं तैं खुश कनै की कोशिश नि कनु छों, पर मि पिता परमेश्वर तैं खुश कन चांणु छों। जु मि अभि तक मनिख्युं तैं ही खुश कनु रौं त मि मसीह कु सेवक नि हूंद।

इफिसुस 5:21

अर हम मसीह का प्रति श्रद्धा-भक्ति रखण का कारण एक दुसरा का अधीन रावा।

इब्रानी 10:31

जीवित पिता परमेश्वर का हथों बट्टी दण्ड पांण एक भौत ही भयानक बात च।

इब्रानी 12:29

किलैकि जन आग नष्ट कैरी दींदी, उन ही हमारो पिता परमेश्वर अपड़ा दुश्मनों तैं नाश कैरी दयालो।

यहूदा 1:23

कुछ हैंका लोग जूं तैं तुम जंणदा छा अर उ नरक का तरपां जांणा छिनी, ऊं तैं वीं हमेशा की आग मा बट्टी तुरंत खैंचि के बचै ल्या। अर इन हैंका लोग छिनी जौका प्रति तुम तैं दयालु हूंण चयणु च, पर दगड़ा मा दया दिखांण बगत भौत चौकस भि रा। तुम तैं ऊंका कपड़ोंं बट्टी भि घींण कन चयणी च, जन कि ऊंकी पापमय वासनाओं ल ऊं कपड़ोंं तैं भ्रष्ट कैरेले।