2 कुरिन्थि 4:7 - गढवली नयो नियम

⁷ पर अब हमारा दिलों मा यु उज्यलो चमकणु च, पर हम अफ माटा का ऊं कमजोर भांडा का जन छा जौं मा यु बड़ों खजाना भुर्युं च, कि या कभी खत्म नि हूंण वली सामर्थ हमारी तरपां बट्टी न, पर पिता परमेश्वर ही का तरपां बट्टी च।

Garhwali

⁷ हे मेरा भै-बैंणो, हम लोग माटा का भाँडो की तरौं छां, जौं मा यू उज्याळु एक खजाना की तरौं च। अर यां से इन पता चलदु कि या ताकत मनखियों कि ना, बल्किन मा परमेस्वर की तरफा बटि च जु कि हमरु अपणु नि च।

2 कुरिन्थि 4:7 ပူးပေါင်းရင်းမြစ်များ

मत्ती 13:44

“स्वर्ग कु राज्य कै पुंगड़ा मा छिप्यां धन का समान च जै तैं कै मनिख पै अर छिपै दींनि अर खुशी ल जै के अपड़ो सब कुछ बेचि दींनि अर वे पुंगड़ा तैं मोल ले लींनि।”

मत्ती 13:52

यीशु ल ऊंमा बोलि, “इलै हर एक मूसा की व्यवस्था तैं सिखांण वला जु स्वर्ग का राज्य कु चेला बंणि उ वे घौर का स्वामि जन च जु अपड़ा भण्डार बट्टी नई अर पुरांणि चीजों तैं निकालदु च।”

यूहन्ना 16:33

मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”

1 कुरिन्थि 1:28

अर पिता परमेश्वर ल दुनिया का नीच अर तुच्छु तैं, जौं तैं कुछ भि नि समझै जांद ऊं तैं भि चुणि, अर ऊंकु इस्तेमाल शून्य पर लांणु कु जै तैं दुनिया मा जरुरी समझै जांद।

2 कुरिन्थि 10:10

किलैकि तुम मा बट्टी कुछ बुल्दींनि, “वेकी चिठ्ठी त गम्भीर अर प्रभावशाली छिनी; पर जब दिखदा, त बुल्दींनि उ देह कु कमजोर आदिम अर वेकी बात बेकार ही छिनी।”

2 कुरिन्थि 13:4

उ कमजोरी का कारण सूली पर चढ़ै त गै, फिर भि पिता परमेश्वर की सामर्थ बट्टी ज्यूँदो च, हम भि उन ही कमजोर छा जन मसीह छो; पर तुम अनुभव करला कि हम पिता परमेश्वर की सामर्थ का द्वारा मसीह का दगड़ी जीवित छा।

2 कुरिन्थि 4:1

इलै जब हम पर इन दया हवे, कि पिता परमेश्वर का शुभ संदेश कु प्रचार कने की सेवकाई कैरा, त हम हिम्मत नि छुड़दियां।

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

2 कुरिन्थि 6:10

हम मा दुःख कु बगत भि छो, पर हम हमेशा खुश रां, हम कंगाल त छा, पर भौतों तैं आत्मिक रूप बट्टी धनवान बणै दींदयां; इन छा जन हम मा कुछ नि च फिर भि हम मा सब कुछ च।

इफिसुस 2:5

जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,

इफिसुस 3:8

जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

कुलुसी 1:27

किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

कुलुसी 2:12

अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।

कुलुसी 2:3

उ ऊई च जु पिता परमेश्वर की बुद्धि अर ज्ञान की पहचाण कराद जु कि वे खजाना जन च जु छिपायूं च।

1 थिस्सलुनीकी 1:5

किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।

1 थिस्सलुनीकी 4:4

“तुम मा बट्टी हरेक आदिम धीरज रखि के अपड़ा देह पर भस रखण सीखा अर मसीह को समान कैरो।”

2 तीमुथियुस 2:20

कै भि बड़ा घौर मा न भस सोना-चाँदी का ही बल्कि काठ अर माटा का भांडा भि हूंदींनि कुई आदर अर कुई अनादर पांणु कु।