2 कुरिन्थि 4:11 - गढवली नयो नियम

¹¹ किलैकि हम ज्यूंदा रै के हमेशा यीशु का कारण मरै जांणा का खतरा मा छा कि यीशु कु जीवन भि हमारा मुरण वली देह मा प्रगट हो।

Garhwali

¹¹ अर अभि त हम ज्यून्दा छां मगर हमतै इन पता च कि हम कभि भि मरे सकद्‍यां, किलैकि हम प्रभु यीशु मसीह का पिछनै चलद्‍यां। मगर हमरा मुरण से पैलि पिता परमेस्वर हमरा कामों का द्‍वारा यीशु मसीह का चाल-चलन तैं दुनियां का लोग पर परगट करदु।

2 कुरिन्थि 4:11 ပူးပေါင်းရင်းမြစ်များ

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

रोमियों 8:36

जन परमेश्वर का वचन मा लिख्युं च, “पिता परमेश्वर का वचन कु लोग हम तैं हर दिन जान से मरणै की धमकी दींदिनि; हम बलि हूंण वला ढिबरों का जन गिणै ग्यां।”

1 कुरिन्थि 15:31

हे विश्वासी भयों, जन य बात सच च, कि मि तुम कु बढो मोन करदु, कि तुम हमारा प्रभु यीशु मसीह का दगड़ी एकजुट व, उन ही यु भि सच च, कि मि तैं हर दिन मुरण कु खतरा रौंदु।

1 कुरिन्थि 15:49

अर जन देह पिता परमेश्वर ल हम तैं दे, जन धरती का पैला आदिम की छै, उन ही हम विश्वासियों की मसीह का जन देह होली, जु अब स्वर्ग मा च।

2 कुरिन्थि 4:10

हम यीशु का जन हर बगत लगातार मरै जांणा का खतरा मा त रौंदियां; कि हम हमारा देह का कामों बट्टी यु दिखै साका कि यीशु ल कन जीवन जिये।

2 कुरिन्थि 4:12

इलै हम मौत का खतरा मा रौंदियां, पर येको नतीजा मा तुम तैं अनन्त जीवन मिली।

2 कुरिन्थि 5:4

अर हम यु देह मा रै के बोझ बट्टी दबयां रौंदियां; किलैकि हम यूं सांसारिक देहों तैं छुड़ण नि चदयां, पर हम चदयां, कि पिता परमेश्वर हम तैं स्वर्गीय देह द्यो, कि हमारी नई देह जु हमेशा बंणि राली, व यूं देहों तैं बदल दयालो जु मोरि जाली।

2 कुरिन्थि 6:9

कुछ लोग हम तैं प्रसिद्ध समझदींनि, पर कुछ लोग हम तैं अनजान समझदींनि; हम मुरण वलो जन छा अर फिर भि देखा ज्यून्दा छा; मार खांण वलो का जन छा पर जान से नि मरै जंदींयां।