2 कुरिन्थि 12:6 - गढवली नयो नियम

⁶ किलैकि जु मि घमण्ड कन चौ भि त मूर्ख नि होलो, किलैकि सच बुललु; पर मि यु घमण्ड कन से अफ तैं रुकदो छो, कखी इन नि हो, कि जन कुई मि तैं दिखद, या मि बट्टी सुणद, मि तैं वे बट्टी बढ़ि के समझो।

Garhwali

⁶ उन त मि बड़ु मोन कैरी सकदु छौं अर मितैं मूरख भि नि समझै जालु किलैकि मि सच्‍च बुल्दु, मगर मि खुद तैं बड़ु मोन करण से रुकदु छौं, किलैकि मि चान्दु कि जु कुछ भि मेरा दगड़ा मा ह्‍वे वेकी वजै से लोग मितैं महान नि समझा, मगर मि त बस इथगा ही चान्दु कि लोग मेरा बारा मा वेका मुताबिक ही जाणा अर समझा, जु कुछ भि बुल्दु अर करदु छौं।

2 कुरिन्थि 12:6 ပူးပေါင်းရင်းမြစ်များ

रोमियों 9:1

मि मसीह तैं गव्हा मांणी कै सच बुल्णु छौं। जैको पवित्र आत्मा अर मेरू विवेक गव्है दींणु च की यु झूठ नि च।

1 कुरिन्थि 3:5

आखिर मा, मि पौलुस अर अपुल्लोस भस सेवक ही छा, जूंका द्वारा तुम लुखुं ल मसीह पर विश्वास कैरी, हम मा बट्टी हर एक ल उ ही काम कैरी जु पिता परमेश्वर ल हम तैं कनु कु द्ये।

2 कुरिन्थि 1:18

पिता परमेश्वर पर विश्वास किये जै सकद अर इलै तुम हम पर भि विश्वास कैरी सकदा, जबकि हम तुम मा आंणो कु वादा कना छा।

2 कुरिन्थि 11:16

मि फिर बुल्णु छो, कि कुई मि तैं मूर्ख नि समझो; नथिरी त मूर्ख ही समझी के मेरी सै ल्या, कि थोड़ा मि भि घमण्ड कैरी साको।

2 कुरिन्थि 11:31

परमेश्वर जु हमारा प्रभु यीशु का पिता च हमेशा धन्य च, जंणदु च, कि मि झूठ नि बुल्दो।

2 कुरिन्थि 12:11

मि मूर्ख त बणु, पर यु तुम ही छा जौनु मि तैं इन कनु कु मजबूर कैरी; तुम तैं त मेरी बढ़ै कन चयणी छै, किलैकि मि कै भि लैक नि छो, फिर भि ऊं बड़ा से बड़ा प्रेरितों बट्टी कै भि बात मा कम नि छो।

2 कुरिन्थि 12:7

पर मि तैं ऊं अद्भुत चीजों का बारा मा घमण्ड नि कन चयणु च जु पिता परमेश्वर ल मि तैं दिखै; इलै यां बट्टी निपटणु कु मेरी देह मा एक कांडो ज्वा एक भौत कठिन समस्या च दिये गै; शैतान की तरपां बट्टी एक दूत मि तैं मरणु अर मि तैं घमण्डी हूंण बट्टी रुकणा का इरादा बट्टी दिए गै।

2 कुरिन्थि 5:13

कुई बुल्द कि हम पागल छा, त पिता परमेश्वर कु; अर जु होश मा छा, त तुम्हरा भला कु ही छा।

2 कुरिन्थि 7:14

किलैकि जु मिल वेका संमणी तुम्हरा बारा मा कुछ गर्व दिखै, त लज्जित नि हुयां, पर जन हम ल तुम बट्टी सभि बात सच-सच बुलिनि, उन ही हमारो गर्व दिखांण तीतुस का संमणी भि सच निकली।