2 कुरिन्थि 12:16 - गढवली नयो नियम

¹⁶ इन हवे सकद, कि मिल तुम पर बोझ नि डाली, पर दूसरों तैं लगद कि मि चालाक छो अर मिल तुम तैं पूरा ढंग से धोखा द्ये, जु कि एक झूठ च।

Garhwali

¹⁶ मिन तुम पर कुई बोझ नि डालि, फिर भि तुम बुल्द्‍यां कि मि चालाक छौं, अर छल-कपट कैरिके तुमतै ठगण चाणु छौं।

2 कुरिन्थि 12:16 ပူးပေါင်းရင်းမြစ်များ

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

2 कुरिन्थि 11:20

किलैकि जब तुम तैं कुई नौकर बणै लींद, या उ सभि कुछ ले लींद जु तुम मा च, या तुम तैं धोखा दींद, या अपड़ा आप तैं सुचद कि उ तुम बट्टी जादा बढ़िया च, या तुम्हरा गिचा पर थप्पड़ मरद, त तुम सै लींदियां।

2 कुरिन्थि 12:13

एक काम जु मिल तुम्हरा दगड़ी नि कैरी जु कि मिल हैंकी मण्डलियों बट्टी कैरी, उ यु च कि मि कभी भि तुम पर आर्थिक बोझ नि बणु; क्य यु बट्टी तुम तैं हीन भावना महसूस हूंदी? तुम्हरो यु सुचण गलत च कि मिल इन कैरी कै तुम्हरो विरुद्ध गलत ही कैरी इलै मि तैं माफ करयां।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

2 कुरिन्थि 6:8

जब लोग हमारी प्रशंसा करदींनि या जब उ हम तैं नीच जणदींनि, जब लोग दूसरों तैं बतौंदींनि कि हम बुरा लोग छा या अच्छा लोग छा, हम कपटी समझै ग्यां, पर हम सच बुल्दा।

2 कुरिन्थि 7:2

हम तैं अपड़ा दिल से प्रेम कैरा; हम ल न कै बट्टी अन्यो कैरी, न कै तैं बिगाड़ी, अर न कै तैं ठगी।

1 थिस्सलुनीकी 2:3

किलैकि हमारा उपदेश मा कुई धोखा दींण या गलत मनसा या छल कपट नि च।

1 थिस्सलुनीकी 2:5

तुम जंणदा छा, कि न त हम ल कभि चापलूसी की बात कैरी, अर हम ल तुम बट्टी धन पांणु कु भि इन नि कैरी पिता परमेश्वर ही गवाह च कि हम इन नि छा।

1 पतरस 2:3

किलैकि जन कि पिता परमेश्वर को वचन बुल्द, “तुम ल अनुभव बट्टी जांणि की प्रभु भलो च।”