2 कुरिन्थि 11:20 - गढवली नयो नियम

²⁰ किलैकि जब तुम तैं कुई नौकर बणै लींद, या उ सभि कुछ ले लींद जु तुम मा च, या तुम तैं धोखा दींद, या अपड़ा आप तैं सुचद कि उ तुम बट्टी जादा बढ़िया च, या तुम्हरा गिचा पर थप्पड़ मरद, त तुम सै लींदियां।

Garhwali

²⁰ अर जब लोग तुमतै अपणु गुलाम बणै देन्दिन, या तुमरा दगड़ा मा अन्यो करदिन अर तुमतै धोखा देन्दिन, त तुमतै लगदु कि सब कुछ ठिक च अर घबराण कि कुई बात नि च, जब ऊ बड़ु मोन कैरिके तुमकु बुल्दिन तब तुम ऊंका मुताबिक ही करद्‍यां अर जब वु तुम पर थप्पड मरदिन तब भि तुम ऊंकी सौन्द्‍यां।

2 कुरिन्थि 11:20 ပူးပေါင်းရင်းမြစ်များ

मरकुस 12:40

उ विधवों का घौर तैं खै जंदींनि जांको मतलब च बेमानी ल हर चीज पर अपड़ो कब्जा कैरी दींदिनि अर लुखुं तैं दिखांणु कु भौत देर तक पिता परमेश्वर बट्टी प्रार्थना करदींनि ऊं ल पिता परमेश्वर बट्टी जादा सजा पांण।

लूका 6:29

जु कुई तेरा दैंणा गल्लोड़ा पर थपड़ी मारु त वेकी तरपां दुसरु भि फेरी दे कुई त्वे पर मुकदमा कैरी कै तेरु कुर्ता लींण चौ त वे तैं फ्त्यु भि लींण दे।

1 कुरिन्थि 4:11

हम आज तक भि भुखी, तिस्सी छा अर फटयां पुरणा कपड़ोंं मा छा, अर हम दगड़ी बुरो बरतौ हूंणु च, अर हम मा रौंणु कु भि घौर भि नि च।

2 कुरिन्थि 1:24

यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।

2 कुरिन्थि 10:5

यांका द्वारा हम वे हर एक विरोध कु, अर वे हर एक घमण्डी तैं, जु पिता परमेश्वर का ज्ञान का विरुद्ध मा मुंड उठौंदी, गिरै दींद; अर हर एक भावनाओं तैं वश मा ले के मसीह का बुल्युं मनणवला बणै दींदु।

2 कुरिन्थि 11:3

पर मि डरदु छो कि जन के शैतान ल, एक गुरो का रूप मा चालाकी ल पैली जनन हव्वा तैं बहकै, उन के ही तुम लुखुं का मन भि बहकै दिये जौं अर आप मसीह का प्रति अपड़ी निष्कपट अर सच्ची भक्ति ख्वे द्यो।

2 कुरिन्थि 12:16

इन हवे सकद, कि मिल तुम पर बोझ नि डाली, पर दूसरों तैं लगद कि मि चालाक छो अर मिल तुम तैं पूरा ढंग से धोखा द्ये, जु कि एक झूठ च।

गलातियों 2:4

तीतुस कु खतना नि हूंण कु यु मामला कुछ झूठा विश्वासी बणयां भयों कु एक मुद्दा बंणि गै, जु हमारी मण्डलि मा छिपी के ऐ गैनी अर वीं आजादी तैं नाश कने की कोशिश कना छा जु हमारा मुक्तिदाता यीशु मा हम तैं मिली, कि उ हम तैं दुबरा से यहूदी व्यवस्था कु गुलाम बणै साका।

गलातियों 4:25

आज भि यरूशलेम शहर का लोग पिता परमेश्वर का दगड़ी सै ठैरयां जांण कु यहूदी व्यवस्था कु पालन कना का कारण दास छिनी। उ हाजिरा का जन दास छिनी जु अरब देश का सीनै डांडा पर बंधि करार तैं बतौंदींनि।

गलातियों 4:3

उन ही हम भि, बच्चों का जन छा, त हम ऊं रीति-रिवाजों अर नियमों का गुलाम छा जु यु दुनिया मा छा।

गलातियों 4:9

पर जब तुम पिता परमेश्वर का दगड़ी जुड़ीं ग्यां, अर पिता परमेश्वर ल हम तैं अपड़ा नौंना का रूप मा स्वीकार कैरी, त फिर तुम कमजोर अर निर्बल आदि शिक्षाओं का दास बनण कु किलै लौटणा छा? क्य तुम तैं दुबरा ऊंको ही दास बनणै की लालसा च?

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

गलातियों 5:10

मि प्रभु पर विश्वास करदु कि उ तुम तैं विश्वास कना का कारण झूठी शिक्षाओं बट्टी बचै के रखो; पर जु तुम तैं भरमंदींनि, उ कुई भि किलै नि हो, पिता परमेश्वर का द्वारा दण्ड पालो।

गलातियों 6:12

यहूदियों तैं खुश नि कैरा कि उ तुम तैं स्वीकार कैरा, उ ही लोग तुम तैं खतना कनु कु लाचार करदींनि भस इलै कि उ यीशु मसीह कि सूली का कारण सतै नि जौंन।

फिलिप्पी 3:19

ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।

1 थिस्सलुनीकी 2:5

तुम जंणदा छा, कि न त हम ल कभि चापलूसी की बात कैरी, अर हम ल तुम बट्टी धन पांणु कु भि इन नि कैरी पिता परमेश्वर ही गवाह च कि हम इन नि छा।