2 कुरिन्थि 11:13 - गढवली नयो नियम

¹³ किलैकि इन लोग झूठा प्रेरित, अर धोखा ल काम कन वला, अर उ मसीह हूंणो कु भि दावा करदींनि अर प्रेरित हूंणो कु भि झूठो दावा करदींनि।

Garhwali

¹³ इन्द्रया लोग यीशु को खास चेला होण को ढोंग करदिन अर झूठ्‍ठा छिन, इन्द्रया लोग बुल्दिन कि हम पिता परमेस्वर खुणि काम कना छां, मगर धोखा देण वळा छिन।

2 कुरिन्थि 11:13 ပူးပေါင်းရင်းမြစ်များ

मत्ती 25:24

तब जै तैं एक चांदी का सिक्का मिली छो वेल ऐ के बोलि, हे स्वामी मि त्वे तैं जंणदु छो कि तु कठोर मनिख छै: तु एक इन मनिख जन छै जु दुसरा लुखुं का काम बट्टी फायदा कमाणै की उम्मीद करदी छै।

खास चेलों 15:1

फिर कथग ही मनिख यहूदिया प्रान्त बट्टी ऐ के विश्वासी भैय-बंधों तैं सिखांण लगि गैनी कि जु मूसा की व्यवस्था बट्टी तुम्हरा खतना नि होलो त तुम्हरो उद्धार अर बचाव नि हवे सकदो।

खास चेलों 15:24

हम ल सूंणि की हम मा बट्टी कुछ लुखुं ल तुम मा ऐ के अर तुम तैं अपड़ी बातों ल घबरै दींनि अर तुम्हरा मन तैं बेचैन कैर दींनि पर हम ल ऊं तैं आज्ञा नि दे छै।

खास चेलों 20:30

यख तक कि तुम्हरा अपड़ा विश्वासियों का दल बट्टी, इन लोग आला, जु चेलों तैं अपड़ा पिछनै खिंचणु कु उल्टी सीधी शिक्षा द्याला।

रोमियों 16:18

किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।

2 कुरिन्थि 11:15

इलै जु शैतान का सेवक भि धार्मिकता का सेवकों का जन रूप धारा, त ऊंको अन्त ऊंका कामों का अनुसार होलो।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

गलातियों 1:7

भस एक ही सचो शुभ सन्देश च। पर बात या च, कि कुछ लोग इन छिन जु तुम तैं भरमांणा छिन अर मसीह का शुभ सन्देश तैं बिगणनं चंदींनि।

गलातियों 2:4

तीतुस कु खतना नि हूंण कु यु मामला कुछ झूठा विश्वासी बणयां भयों कु एक मुद्दा बंणि गै, जु हमारी मण्डलि मा छिपी के ऐ गैनी अर वीं आजादी तैं नाश कने की कोशिश कना छा जु हमारा मुक्तिदाता यीशु मा हम तैं मिली, कि उ हम तैं दुबरा से यहूदी व्यवस्था कु गुलाम बणै साका।

गलातियों 4:17

झूठा शिक्षक बुल्दा त छिनी हम तुम तैं दगड़िया त बनांण चांणा छा, पर भलि इच्छा बट्टी न; ऊंको मतलब त तुम तैं मि बट्टी अलग कन च कि तुम ऊंका चेला बंणि जां।

गलातियों 6:12

यहूदियों तैं खुश नि कैरा कि उ तुम तैं स्वीकार कैरा, उ ही लोग तुम तैं खतना कनु कु लाचार करदींनि भस इलै कि उ यीशु मसीह कि सूली का कारण सतै नि जौंन।

इफिसुस 4:14

कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।

फिलिप्पी 3:18

किलैकि भौत सी लोग इन ही जीवन बसर करदींनि, जौं का बारा मा मिल तुम तैं कथगि बार बतै अर अभि भि रौवे-रौवे के बुल्णु छौं, कि उ अपड़ा बुरा बरतौ ल दिखौंदींनि जीं वजह से मसीह सूली पर मोरि उ वेको विरोध करदींनि।

फिलिप्पी 3:2

बुरा काम कन वलो बट्टी सचेत रावा जु कि कुत्तों जन खतरनाक छिनी, उ लुखुं बट्टी सचेत रावा जु बुल्दींनि कि तुम तैं बचै जांणु कु खतना कन जरूरी च।

कुलुसी 2:4

यु मि इलै बुल्ण छौं, कि कुई मनिख तुम तैं ऊं की झूठी शिक्षाओं पर विश्वास कनु कु राजी कैरी के धोखा नि द्यो।

कुलुसी 2:8

सचेत रावा की कुई तुम तैं दुनिया का ज्ञान अर बेकार की बातों बट्टी धोखा का द्वारा फंसै नि द्यो, जु बात मनिख्युं कि रीतियों अर दुनिया की शिक्षा का अनुसार त च पर मसीह का अनुसार नि च।

1 यूहन्ना 2:18

हे नौंनो, मसीह कु वापिस औंणु कु बगत नजदीक च, अर जन तुमारो सुणयूं च, कि मसीह को बैरी औंण वलो च, वेका हिसाब बट्टी अभि भि भौत सा मसीह का बैरी पैली बट्टी ही ऐ गैनी; ज्यां बट्टी हम जंणदा छा, यु आखरी बगत च।

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

यहूदा 1:4

मि तुम तैं लिखणु छो किलैकि कुछ ईश्वररहित लोग जु गलत सिद्धांत सिखौंदींनि, उ हमारी जानकारी का बगैर हमारा बीच मा छिपी के ऐ गैनी। यु उ लोग छिनी जौका बारा मा पिता परमेश्वर ल कई पीढ़ियों पैली अपड़ा वचन मा बोलि छो, कि उ ऊं तैं दण्ड दयालो। उ पिता परमेश्वर की दया का बारा मा हमारा संदेश तैं बिगड़दींनि, कि यौन सम्बन्धी दुष्ट बरतौ कनु को बहाना बणै साका। उ हमारा एकमात्र स्वामी अर प्रभु यीशु मसीह तैं भि अस्वीकार करदींनि।

दिब्य दरस 19:20

अर उ दुसरो जानवर अर वेका दगड़ी उ झूठो संदेश दींण वलो जु अफ तैं पिता परमेश्वर का तरपां बट्टी बुल्ण वलो बुल्द पकड़ै गै, वेल जानवर का तरपां बट्टी झूठा चमत्कार दिखै अर ऊं सभि लुखुं तैं भरमै, जौनु जानवर की छाप अपड़ा कपाल पर लगै छै अर जु वेकी मूर्ति की आराधना करदा छा, यु द्वी ज्यूंदा ही वीं आग की झील मा, जु गन्धक ल जल्दींनि डलै गैनी।

दिब्य दरस 2:2

मि जंणदु छो कि तू क्य करदी, तू कन परिश्रम करदी अर कभी भि हार नि मणदी; अर मि जंणदु छो कि तू बुरा लुखुं की झूठी शिक्षाओं तैं सहन नि करदी। तिल ऊं लुखुं तैं जाँची जु बुल्दींनि कि उ प्रेरित छिनी पर हकीकत मा नि छिनी, अर तिल ऊं तैं झूठो पै।

दिब्य दरस 2:20

पर मि तैं तेरा बारा मा कुछ शिकैत च, कि तुम वीं जनन इजेबेल तैं झूठी शिक्षा फैलांण दींदयां। उ अपड़ा आप तैं पिता परमेश्वर का तरपां बट्टी बुल्ण वली बुल्द, पर अपड़ी शिक्षाओं बट्टी व मेरा लुखुं तैं व्यभिचार का पापों मा शामिल हूंण कु अर मूर्तियों तैं चढ़ै जांणवला बलिदान का खांणु कु भरमांदी।

दिब्य दरस 2:9

मि जंणदु छो कि त्वे तैं सतै गै अर तू गरीब छै, पर आत्मिक मामलों मा तू भौत धनवान छै, मि ऊं लुखुं का बारा मा जंणदु छो जु दावा करदींनि कि उ पिता परमेश्वर का चुणयां यहूदी लोग छिनी, पर छै नि छिनी। उ तेरु बारा मा बुरी बात बुल्दींनि, पर हकीकत मा उ वे दल का सदस्य छिनी जु शैतान का छिनी।