2 कुरिन्थि 11:1 - गढवली नयो नियम

¹ जु तुम वे तैं स्वीकार कैरी लींदियां जु अपड़ी तारीफ अफ ही करद अर इलै मि तैं आस च कि जु मि जरा मूर्खतापूर्ण बरतौ कैरो त वे तैं तुम सै लिला।

Garhwali

¹ हे मेरा दगड़्यों, जन तुम दुसरा लोगु तैं स्वीकार करद्‍यां जु कि अपणी ही बातों पर बड़ु मोन करदिन, कास, उन्‍नि तुम मितैं भि स्वीकार करदा जब कि मि तुमरि नजर मा एक मूरख मनखि का जन बरतौ करदु।

2 कुरिन्थि 11:1 ပူးပေါင်းရင်းမြစ်များ

मत्ती 17:17

यीशु ल ऊं तैं जवाब दे के बोलि, हे अविश्वासी लुखुं मि कब तक तुम दगड़ी रौलु? अर कब तक तुमारा अविश्वास तैं सैंण रौलु वे तैं इख मि मा लावा।

खास चेलों 18:14

जब पौलुस बुल्ण वलो छो, त गल्लियों ल यहूदियों कु बोलि, “हे यहूदियों, जु यु कुछ अन्यो या बुरै कि बात हूंदी त ठिक छो कि मि तुम्हरी सुणदु।

खास चेलों 26:29

पौलुस ल बोलि, “पिता परमेश्वर ल मेरी या प्रार्थना च कि, क्य थोड़ा मा या भौत मा बगत मा भस तु ही न बल्कि जथग भि लोग मेरी बात सुनणा छिनी उ सभि सिवाय यूं संगलों का मि जन मसीह विश्वासी बंणि जां।”

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

1 कुरिन्थि 3:18

जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।

1 कुरिन्थि 4:10

लोग हम तैं मूर्ख मणदींनि किलैकि हम मसीह का बारा मा उपदेश दींदयां, पर तुम गलत सुचदा कि तुम इथग बुद्धिमान मसीह छा, भौत लोग मणदींनि कि हम मा कुई अधिकार नि च। पर तुम गर्व से बुल्दा कि तुम मा पिता परमेश्वर की शक्ति च। लोग हमारो आदर नि करदींनि पर उ तुम्हरो सम्मान करदींनि।

1 कुरिन्थि 4:8

जु तुम तैं लगदु कि जु कुछ भि आत्मिक रूप मा जरुरी च अर उ सभि कुछ तुम मा च; जन की वरदान, जु पवित्र आत्मा लुखुं तैं दींद; जु तुम सुचदियां कि हमारा बगैर तुम ल राजाओं का जन राज्य कन शुरू कैरेले; त मि तैं भौत खुशी होली, तुम हक्कीकत मा राजाओं का जन राज्य कन शुरू कैरा, कि हम भि तुम दगड़ी राज्य कैरी साका।

2 कुरिन्थि 11:19

तुम त समझदार हवे के खुश हवे के मूर्खों की सै लींदियां।

2 कुरिन्थि 11:21

त क्य तुम सुचदा छा कि मि तैं शर्मिंदगी महसूस हूंण चयणी च, किलैकि मिल उन नि कैरी? पर जीं कीं बात मा कुई घमण्ड करद, मि मूर्खता ल बुल्दो त मि भि घमण्ड करदु।

2 कुरिन्थि 11:4

जब भि कुई तुम मा आंदो अर तुम तैं कै दुसरा एक यीशु का बारा मा बतांद जैको प्रचार हम ल नि कैरी त तुम वे नया आदिम तैं स्वीकार कनु कु भौत उत्सुक रौन्दियां; उ यीशु मसीह नि च जैका बारा मा हम ल तुम तैं बतै छो; अर तुम खुश हवे के वे पर ध्यान दींद जब तुम तैं एक इन आत्मा अर शुभ सन्देश मिल्दो जु वे आत्मा अर संदेश का जन नि च जु हम तुम मा लौंदियां त तुम गलत ढंग ल यु तैं पूरा मन से स्वीकार करदा।

2 कुरिन्थि 12:11

मि मूर्ख त बणु, पर यु तुम ही छा जौनु मि तैं इन कनु कु मजबूर कैरी; तुम तैं त मेरी बढ़ै कन चयणी छै, किलैकि मि कै भि लैक नि छो, फिर भि ऊं बड़ा से बड़ा प्रेरितों बट्टी कै भि बात मा कम नि छो।

2 कुरिन्थि 5:13

कुई बुल्द कि हम पागल छा, त पिता परमेश्वर कु; अर जु होश मा छा, त तुम्हरा भला कु ही छा।

इब्रानी 5:2

किलैकि उ अफ भि कमजोरियों का अधीन च, इलै उ न समझो अर भटक्यां लुखुं दगड़ी नम्र बरतौ करदो।