2 कुरिन्थि 10:13 - गढवली नयो नियम

¹³ हम त वे काम बट्टी भैर जु पिता परमेश्वर ल हम तैं दींनि घमण्ड कभी नि करुला, पर वीं सीमा तक जु पिता परमेश्वर ल हम कु ठैरे, अर वेमा तुम भि ऐ ग्यां अर वेका ही अनुसार घमण्ड भि करीला।

Garhwali

¹³ पर हम लोग इन नि करद्‍यां, अर अगर जु हम बड़ु मोन करद्‍यां त केवल पिता परमेस्वर की सेवा का काम पर। अर सेवा को जु काम हम तुमरा बीच मा कना छां, वु भि पिता परमेस्वर का द्‍वारा दियां काम को एक हिस्सा च।

2 कुरिन्थि 10:13 ပူးပေါင်းရင်းမြစ်များ

मत्ती 25:15

वेल एक तैं पाँच चांदी का सिक्का अर दुसरा तैं द्वी अर तिसरा तैं एक हरेक तैं वेकी सामर्थ का अनुसार दींनि अर तब परदेश चलि गै।

रोमियों 10:18

पर मि पुछणु छों, “कि यहूदियों ल निश्चित रूप मा मसीह का बारा मा शुभ संदेश सुणयूं च, ऊंल जरूर सूंणि किलैकि परमेश्वर का वचन मा लिख्युं च, ऊंका शब्द सैरा धरती पर, अर ऊंका वचन दुनिया मा हरेक जगह पौंछि गैनी।”

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

रोमियों 12:6

अर जबकि वीं दया का अनुसार ज्वा परमेश्वर ल हम तैं दीं च, हम तैं अलग-अलग वरदान मिल्यां छिनी, त जै तैं भविष्यवाणी कनु कु वरदान मिल्युं च, वे तैं ऊं बातों तैं बुल्ण चयणु च जै पर उ विश्वास करदो च की परमेश्वर ल वे तैं बतयूं च।

रोमियों 15:20

पर मेरा मन कि अभिलाषा या च, कि शुभ सन्देश प्रचार उ ही जगह मा हो, जख यीशु मसीह का बारा मा अभि तक सुंणै नि गै, उख ही शुभ सन्देश प्रचार सुणो; मि वे घौर बनांण वला मिस्त्री का जन छों, जु कै और की बुनियाद पर निर्माण नि करदो।

1 कुरिन्थि 12:11

पर यु सब प्रभावशाली काम उ ही एक आत्मा करदो, अर उ हर एक तैं यु क्षमता व्यक्तिगत रूप से बांटि दींद।

इफिसुस 4:7

पर मसीह ल हम मा बट्टी हरेक तैं वेका माप का अनुसार या उदारता बट्टी काम कनु कु अलग-अलग विशेष योग्यता दीं च।

1 पतरस 4:10

हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।