2 कुरिन्थि 10:12 - गढवली नयो नियम

¹² किलैकि हम तैं य हिम्मत नि च कि हम अपड़ा आप तैं ऊं दगड़ी गिंणा, या ऊं बट्टी अफ तैं मिलां, जु अपड़ी बढ़ै करदींनि, अर अपड़ा आप तैं आपस मा नाप तोली के एक दुसरा बट्टी तुलना कैरी के अपड़ा आप तैं मूर्ख ठैरौदींनि।

Garhwali

¹² हे मेरा भै-बैंणो, तुमरा बीच मा कुछ लोग इन छिन जु कि अपणी बातों पर भौत बड़ु मोन करदिन, मगर हम इन नि करद्‍यां। अर जब वु अपणी तुलना कै दुसरा का दगड़ा मा करदिन त वु इन दिखौन्दिन कि वु भौत सच्‍चा छिन मगर सच्‍चै त या च कि इन्द्रया लोग मूरख छिन।

2 कुरिन्थि 10:12 ပူးပေါင်းရင်းမြစ်များ

लूका 18:11

फरीसी खड़ो हवे के अपड़ा मन मा इन कै परमेश्वर बट्टी प्रार्थना कन लगि गै हे परमेश्वर मि तेरु धन्यवाद करदु कि मि दुसरा लुखुं कि तरौं अंधेर कन वलो अन्यायी अर व्यभिचारी नि छौं अर न ही चुंगि लींण वला कि तरौं छौं।

रोमियों 15:18

किलैकि मसीह ल मेरा द्वारा जु कैरी च मि यु बुल्ण कु साहसी छों, मि अन्यजाति लुखुं तैं पिता परमेश्वर कि आज्ञा को पालन करवांण मा अर कन मा लैक छों। जब ऊंल मेरा शब्दों तैं सूंणि अर मेरा कामों तैं देखि, त ऊंल यीशु मसीह पर भरोसो कैरी।

2 कुरिन्थि 10:11

इलै जु इन बुल्द, कि उ यु समझो, कि जन पीठ पिछने चिठ्ठियों मा हमारा वचन छिनी, उन ही तुम्हरा संमणी हमारा काम भि होला।

2 कुरिन्थि 10:18

किलैकि जु अपड़ी बड़ै करद, उ न, पर जै की बड़ै प्रभु करद, उ पिता परमेश्वर का द्वारा सचो कैरी के स्वीकार किये जालो।

2 कुरिन्थि 3:1

क्य हम दुबरा अपड़ी बढ़ै कना रां? या कुछ अन्य आदमियों का जन सिफारिश की चिठ्ठी तुम मा लांण या तुम मा बट्टी लींण चयणी च? बिल्कुल भि न।

2 कुरिन्थि 5:12

हम फिर भि अपड़ी बड़ै तुम्हरा संमणी नि करदा पर हम अपड़ा बारा मा तुम तैं घमण्ड कनु कु मौका दींदयां, कि तुम ऊं तैं जवाब दे साका, जु मन मा न, पर भैरा का दिखावा पर घमण्ड करदींनि।