2 कुरिन्थि 1:11 - गढवली नयो नियम

¹¹ जन तुम हम कु प्रार्थना कैरी के हमारी मदद करदा, उन ही भौत सैरा लुखुं की प्रार्थनाओं का द्वारा हम तैं पिता परमेश्वर की कृपा का द्वारा आशीष मिलीं छिनी, वेका कारण भौत लोग हमारी तरपां बट्टी पिता परमेश्वर कु धन्यवाद कैरा।

Garhwali

¹¹ अर हम तुम पर भि भरोसा करद्‍यां, किलैकि तुम लोग हम खुणि प्रार्थना करद्‍यां, किलैकि पिता परमेस्वर प्रार्थनाओं को जबाब देन्दु अर हमतै संकट से बचौन्दु। तब भौत सा लोग हमरा खातिर परमेस्वर को धन्यवाद द्‍याला।

2 कुरिन्थि 1:11 ပူးပေါင်းရင်းမြစ်များ

खास चेलों 12:5

जेल मा पतरस तैं बन्द रखै गै, पर विश्वासी लुखुं की मण्डलि पतरस कु ध्यान लगै के पिता परमेश्वर बट्टी प्रार्थना कनी छै।

2 कुरिन्थि 4:15

किलैकि सभि दुःख जु हम ल तुम कु सैनी, कि पिता परमेश्वर की दया का द्वारा जादा से जादा लोग मसीह मा विश्वास कैरा, अर पिता परमेश्वर की महिमा कु धन्यवाद अर स्तुति कैरा।

2 कुरिन्थि 9:14

उ तुम कु पिता परमेश्वर बट्टी प्रार्थना करला। उ तुम बट्टी प्रेम करदींनि, किलैकि उ जंणदा छिनी कि पिता परमेश्वर ल तुम लुखुं पर बड़ी कृपा कैरी।

फिलिप्पी 1:19

किलैकि मि जंणदु छौं कि तुम्हरी प्रार्थना का द्वारा, अर यीशु मसीह का द्वारा भिज्यां पवित्र आत्मा की मदद ल यांको प्रतिफल मि कु यु हो कि मि कैद बट्टी उद्धार पौं।

कुलुसी 4:3

अर यांका दगड़ा-दगड़ी हम कु भि प्रार्थना करदी रावा, कि पिता परमेश्वर हम कु वचन सुणौणु कु इन मौका द्या, कि हम मसीह का वे भेद कु बखान कैरी साका, जै कु प्रचार मिल कैरी अर वे कारण मि कैद मा छौं।

1 थिस्सलुनीकी 5:25

हे विश्वासी भयों, हम कु प्रार्थना कैरा।

2 थिस्सलुनीकी 3:1

आखिर मा, हे विश्वासी भयों, हम कु प्रार्थना कना रावा, कि हम जल्द ही हर जगह मा प्रभु यीशु मसीह का बारा मा संदेश तैं फैला सैका अर लोग यु पर उन ही विश्वास कैरा जन तुम ल कैरी छो।

फिलेमोन 1:22

अर एक और बात या भि च कि मेरा ठैरुणु कु अपड़ा घौर मा एक कमरा तैयार कैर; किलैकि मि तैं उम्मीद च, कि पिता परमेश्वर तुम्हरी प्रार्थनाओं कु उत्तर दयालो अर मि तैं ऐ के तुम तैं दिखणु को मौका दयालो।

इब्रानी 13:18

हम कु प्रार्थना करदी रावा, किलैकि हम तैं भरोसा च कि हमारो विवेक शुद्ध च; अर हम जु भि काम करदा ऊं सभियूं मा पिता परमेश्वर कु सम्मान कन चांदा छा।