1 तीमुथियुस 5:23 - गढवली नयो नियम

²³ भविष्य मा भस पांणि को ही पींण वलो नि रै, पर अपड़ा पुटगा कु अर बार-बार बिमार हूंणा का कारण जरा-जरा दाखमधु भि पिया कैर।

Garhwali

²³ अर अपणा पुटगा मा होण वळी बार-बार की पीड़ा से बचणु खुणि पाणि ही पाणि नि पीणु रौ, बल्किन मा जरा-जरा अंगूरों को रस भि पी ले।

1 तीमुथियुस 5:23 ပူးပေါင်းရင်းမြစ်များ

खास चेलों 18:5

जब सिलास अर तीमुथियुस मकिदुनिया प्रान्त बट्टी एनि, तब वेल तम्बू बनांण बंद कैरी दींनि अर अपड़ो सैरो बगत परमेश्वर का वचन सुनांण मा लगै दींनि। अर पौलुस यहूदियों तैं गव्है दींद छो कि यीशु ही मसीह च।

इफिसुस 5:18

अर दाखमधु तैं पी कै धूत नि बंणयां रावा, किलैकि यु लुखुं कु रुखा, बेकाबू ढंग बट्टी बरतौ कनु कु कारण बणद, बल्कि पवित्र आत्मा तैं तुम तैं काबू मा कन द्यां।

1 तीमुथियुस 3:3

उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।

1 तीमुथियुस 3:8

उन ही अध्यक्षों जन, मंडलि का सेवक लुखुं तैं भि गम्भीर अर इज्जतदार हूंण चयणु च, उ दुबंगला, दाखमधु पीण वला, अर ऊं तैं इन्दरो आदिम नि हूंण चयणु च जु रूपया पांणु कु कुछ भि कैरो।

1 तीमुथियुस 4:4

किलैकि जु कुछ पिता परमेश्वर ल बणै उ सब अच्छो च, अर कुई भि चीज जु खये जांद अस्वीकार कन का लैख नि च, पर पिता परमेश्वर कु धन्यवाद द्ये के खये जौ;

तीतुस 1:7

किलैकि मण्डलि का अध्यक्ष तैं पिता परमेश्वर को भण्डारी हूंण का कारण निर्दोष हूंण चयणु च; न की जिद्दी, न गुस्सा-बाज, न पियक्कड़, न मार-पीट कन वलो, अर न गलत ढंग से कमयां धन कु लोभि हो।

तीतुस 2:3

इन ही कै दाना जननों तैं भि जीवन जींण चयणु च, जु पवित्र लुखुं का जन हो, उ कै पर भंगार लगौंण वली नि हूंनु अर दाखमधु पीण वला नि हूंनु; बल्कि अच्छी बात सिखौंण वली हूंनु।